This topic contains 8 replies, has 1 voice, and was last updated by 
-
Topic
-
AnonymousSælir allir bílaáhugamenn og konur.
Þar sem ég er nú ekkert afburða gáfnaljós þegar kemur að rafmagni í bílum, þá datt mér í hug að bera smá vandamál sem ég á í undir ykkur hérna.
Ég er með Wagoneer ´85 sem er búið að setja í 318 Chrysler mótor. Sprækur og skemmtilegur að keyra þangað til um daginn að hann allt í einu tók upp á því að drepa á sér í tíma og ótíma. Hann rýkur alltaf strax í gang aftur eins og ekkert sé að, en svo getur hann drepið aftur á sér hvenær sem er, eftir stuttan jafnt sem langan tíma. Stundum er eins og ekkert sé að, get keyrt hann langtímum saman án þess að nokkuð gerist. Ég hef tekið eftir að það er eins og það dragi hressilega niður í öllu sem gengur fyrir rafmgni þegar ég gef honum inn. Þá er líka eins og hann gangi ekki almennilega þegar ég er að gefa honum.
Vona að það leynast einhverjar hugmyndir og svör hjá ykkur um hvað geti verið að.
Kveðja….Maggi.
-
Replies
-
Er þessi vél með blöndungi eða beinni innspítingu og vélartölvu og skynjurum úti um allar trissur ?
Ástæður fyrir því ef bensínvél stoppar af sjálfu sér eru annað hvort þær að vélin fær ekki bensín eða neista á kertin.
Þú skalt byrja á að setja ísvara á tankinn til að útiloka að krapi í leiðslum sé að hrekkja þig. Ef truflanirnar halda áfram þá myndi ég fara að kanna rafleiðslur og tengingar og bilanakóda í vélartölvu ef um slíka er að ræða.
Það er mjög undarlegt ef rafspennan lækkar við hækkaðan vélarsnúning nema það sé einhver klikkuð vélartölva sem stýrir hleðslunni og slær henni út. Ég hef heyrt að sumir bílaframleiðendur (Ford Focus) láti alternatorinn hætta að hlaða þegar gefið er vel inn, væntanlega til að ná aukreitis einu eða tveim hestöflum í mælingu. Auk þess passa engir alternatorar í bílinn nema original frá umboðinu.
Wolf
Anonymous- Umræður: 0
- Svör: 16404
Þakka fyrir svarið Wolf.
Auðvitað átti ég að taka fram búnaðinn við vélina. Það er allt haft eins einfalt og hægt er í kring um þessa vél. Hún er með Edelbrock ál blöndung sem er kannski 2 ára þannig að ég held að það sé ekki hann. Ég er nokkuð viss að þetta sé rafmagnstengt, búin að fullvissa mig um að bensínflæði sé óheft og hef verið með ísvara á honum undanfarið. Það er eletronísk kveikja í bílnum,(platínulaus) eitthvað eitt smástykki sem að stjórnar henni skrúfað í innra brettið. Eitt hefðbundið háspennukefli sem að mig langar að prófa að skifta út. Ég er búinn að fara yfir allar tengingar og hreinsa allt sem að mér hefur dottið í hug. Það að það dragi svona niður í rafmagninu er það sem er að rugla mig mest. Það eru engar tölvur eða heilar svo ég viti til, ekkert sem mér dettur í hug hvað geti verið að éta svona spennuna þegar ég gef í.
Vona að ég fái fleiri ábendingar.
Kveðja….Maggi.
Nú fer að verða fátt um fína drætti.
Hefurðu kannað hvort sé einhver útleiðsla í rafkerfinu í námunda við kveikjuna eða í mælaborði ?
Ef það er svo mikil útleiðsla að kveikjan fái ekki næga spennu og dregur niður í öllum tækjum þá ætti það að segja til sín með reyk eða sviðalykt og vera auðfundið.
Einnig gæti hugsanlega verið einhvers staðar léleg tenging sem þá veldur spennufalli. Það veldur oftast miklu minni hitamyndun, en afleiðingarnar svipaðar, þ.e. lækkuð spenna.Eitt dettur mér í hug, en það er að fylgjast með því hvort 12 volta spennan til kveikjunnar sé að svíkja – eða hugsanlega mínuspóllinn, sem hugsanlega fer beint í brettið. Það er nokkuð algengt að svona tæki séu látin fá jörð beint úr boddíhlutum, en svo kemur ryð og tæring og þá er tengingin orðin ótraust.
Þú gætir t.d. tengt 12 V peru yfir 12 V mötunina á kveikjunni og haft nægilega langan vír til að draga hann inn í húsið svo þú getir fylgst með hvort ljósið á henni slökkni þegar vélin fer að missa. Athugaðu að tengja jarðpólinn á perunni við jörð á kveikjunni en ekki beint í boddí svo að peran fái nákvæmlega sömu spennu og kveikjan.
Good luck.
Wolf
Anonymous- Umræður: 0
- Svör: 16404
Takk fyrir ráðleggingarnar Wolf. Ég ætla að fara betur yfir þetta og prófa eins og þú ert að stinga upp á í fyrramálið. Jörðin var eiit sem að mér hafði ekki dottið í hug. Skyldi þó ekki vera???
Kveðja….Maggi.
Anonymous- Umræður: 0
- Svör: 16404
Sæll
Þú ættir að byrja á að tengja sverann vír frá rafgeymi og í vélina. Þegar vélinni er snúið á fullum hraða gæti verið að tengingin sé ekki næg.
Mér er sagt að það verða að vera nýir blöndungar á þessum vélum. Ég ver líka á ferð með þessum bíl í eigu vinar míns og þá gekk hann illa ef hann hallaði. Þá var einhver nál í blöndungnum sem þurfti að skipta um.
Þetta gæti reyndar hljómað eins og síustífla. Ertu nýbúinn að skipta um loft eða bensínsíu??
Kv Isan
Éf myndi skoða vel allar jarðtengingar eins og wolf benti á. Þær geta verið lúmskar.
Freyr
Það var einmitt jörðin sem olli sama vandamáli í Bronconum.. Ekki vitlaust að skoða það mál.
Kveðja, Hjölli.
Anonymous- Umræður: 0
- Svör: 16404
Sælir allir.
Þetta var jörðin, eða skortur á henni sem að var að trufla ganginn hjá mér. Vélin var jarðtengd yfir í boddý, um leið og ég var búin að tengja beint af geymi í vélina breyttist allt. Spennan virðist vera stöðug núna og dótið rótvinnur. Er að vona að þetta sé komið í lag.
Mér finnst þessi vefur algjör snilld. Maður kastar fram vandamáli og hópur snillinga svarar. Þetta eru forréttindi að fá að vera hér.
Takk fyrir hjálpina.
Kveðja….Maggi.
You must be logged in to reply to this topic.