Gangtruflanir

Félagi minn lenti í þessu þá var bensínsían stífluð sem er boltuð á vélina.

Eyþór

Sæll litli Nilli (ætti kanski að vera yngri Nilli þar sem gamli Nilli er ekkert svo stór).

Varstu búinn að athuga með spjaldið í lofthreinsaranum, þetta lýsir sér svipað og fjöðrin á því sé brotin.

Kv.Smári

Takk takk.
Ég er búinn að opna lofthreinsarann og stinga hendinni upp í gatið þar sem spjaldið og gormurinn er og kom spjaldið til baka þannig ég held að það sé í lagi.
Með þennann ventil… hmmm þarf að tékka á því.

Enn og aftur takk fyrir en billinn er því miður enn í ruglinu.

Kv. Nils YNGRI 😉

góðan daginn Nils ég sá að þú hefur skipt um kerti og þræði en ekki athugað kveikjulok og hamar.Gæti verið sprunga í hamri eða loki, en það að hann sé í lagi örðuhvoru bendir frekar á kveikjuhamarinn.
Með kveðju um gott gengi Ásgeir Gunnarsson

Þetta gæti verið langsótt en gæti verið vatn í bensíntanknum. Prufaðu að setja ísvara í bensíntankinn alla vega einn lítinn brúsa.
Kveðja Magnús.

Nú eru nákvæmlega sömu hlutirnir að gerast. Þetta gerist í bleytu þ.e. í rigningunni um daginn og í öllu frostinu hefur rakinn haldist vel. Hann er því núna búinn að hristast í um 4-5 daga. Hann hristist allur og skelfur og er hann mjög kraftlítill. Ég skipti um kveikjulok, hamar, kerti og kertaþræði í fyrra en hann skánaði ekkert en var eins og nýr þegar hann þornaði. Þetta tengist því líklega raka… Upphaflega gerðist þetta alltaf þetta þegar ég var á leiðinni niður brekku og þá yfirleitt brekkuna niður að litlu kaffistofunni þegar ég var að koma að austan Þá voru þetta bara smávægilegar truflanir svona eins og 2-3 kippir.
Þetta er hálfleiðing bilun því að hún skánar þegar allt er orðið þurrt og þá gleymi ég þessu bara þangað til að þetta gerist aftur…:-)

En já.. allar góðar hugmyndir eru vel þegnar.
Kveðja Nils.

Takk fyrir skjót viðbrögð!!
Ég held að það sé blöndungur í honum. Er nokkuð viss en veit samt voða lítið um bíla en þetta er allt af koma Ég fór allavega og setti ísvara á hann og rúntaði um en ekkert lagaðist.
Þegar þetta hófst um daginn þá var ég að keyra upp Ártúnsbrekkuna í mikilli rigningu og þá gerðist þetta bara allt í einu. Svoleiðis var hann alla leiðina að Nesjavöllum og þar drap ég á honum í um 5 mínútur (vélin heit) og þegar ég startaði aftur þá var þetta búið.
Þannig þetta kemur og fer sem gerir þetta einmitt svo erfitt og leiðinlegt.

En já… allar hugmyndir vel þegnar…
Kveðja Nils

Ég er með 2 tanka og var sagt frá því að ef ég fylli aðaltankinn, þá ætti bíllinn til að hiksta (alveg eins og þinn) hann gerði þetta í dag, eftir að ég hafði gleymt dælunni á .. og hann stútfylltist. þá hökti hann, eins og hann missti úr slag alveg, eða gengi á þremur. Ástæðan er fall í bensínþrýsting, EFI vélarnar eru með sírennsli, þe dælan heldur þrýsting á kerfinu, og það er bakflæði aftur í tankinn. Líklegast hikstar þegar að bakflæðið á ekki greiða leið aftur..

En þetta á hinsvegar ekki við um bleytu vesenið hjá þér :/

Þessi spjallsíða þyrfti að vera með yfir/og undirflokkum, þar sem væri t.d. tæknimál, og svo undirflokkur fyrir hvern bíl, og þar undir jafnvel frekari flokkun, amk möguleiki á að raða þessu eftir t.d. dálkum.

Margt sem kemur fram í svona sem þyrfti að vera til.. eflaust gömul lumma, en nóg er til af fríum hugbúnaði fyrir svona spjall..

Sæll yngri Nilli.

Bíllinn þinn er með beinni innspítingu og ég stið þá tillögu að prófa að skipta um háspennukefli, eins gætirðu kíkt ofan í húddið þegar bíllinn lætur svona og þá ættirðu að heyra tikk ef bíllinn er að skjóta einhverstaðar út og ekki væri verra ef það væri mirkur því þá sæist neistinn greinilega.

Kv. Smári

Ef allt er í lagi með kveikjudraslið þá myndi ég kanna betur með blöndungsísmyndunina.
Það sem gerist er að við uppgufun bensínsins í blöndunginum verður kæling og ef loftrakinn er mikill þá hreinlega frýs rakinn í blöndunginum og myndar ís sem fer að trufla eðlilegt flæði á lofti og bensíni. Það hjálpar ekkert gegn þessu að setja ísvara í bensínið því það er loftrakinn sem frýs. Stundum má losa um svona klakastíflur m.þ.a. snöggbotngefa vélinni nokkrum sinnum.
Prófaðu að skoða ofan í blöndunginn þegar vélin er búin að vera í miklu óstuði í nokkurn tíma. Það er alveg týpiskt að þetta kemur í miklum raka og bráðnar úr á nokkrum mínútum ef heit vélin fær að standa.
Eru hugsanlega stíflaðar hitaslöngur eða vatnsrásir í neðri hluta blöndungsins ? Flestir blöndungar eru einmitt með hitunarbúnaði til að vinna gegn þessu.

Ágúst