This topic contains 17 replies, has 1 voice, and was last updated by 
-
Topic
-
Sælir reynsluboltar.
Upp eru komin vandræði með Gallhopperinn minn því allt bendir til að hann sé farinn að draga loft í eldsneytislögninni. Hann missir kraft við lægri snúning og plattinn þar sem rörin koma upp úr eldsneytistankinum er allur löðrandi í olíu.
Gamli Pajeróinn var með opnanlegri lúgu í gólfinu fyrir ofan tankinn og algjör draumur að komast að því sem þurfti að dytta að á þessu svæði, en nískupúkarnir í Kóreu hafa ekki séð ástæðu til að splæsa í svoleiðis lúxus.
Ég sé þessa kosti í stöðunni:
a) Skrúfa niður tankinn með viðeigandi tæmingu og aftengingum á slöngum og vírum – eða
b) Klippa gat í gólfið til að komast að þessu ofanfrá eins og í Pæjunni – eða
c) Reyna viðgerð neðanfrá með fullum skammti af sinadrætti, grjót í augunum og öðru ógeði.Hefur einhver ykkar reynslu af þessu og hvern kostinn teljið þið skástan ?
Einnig væri gott að fá fréttir af reyndum Gallopereigendum hvort þeir hafi lent í svipuðum verkum og hvernig menn hafa leyst þau. Voru rörin sem liggja niður í tankinn ryðguð og farin að leka eða voru það bara slöngurnar?
Loks er ein spurning um það hvort einhver sérstök ástæða sé til að gruna díselverkið um græsku. Þessi er keyrður um 140.000 km. Eiga verkin ekki að endast miklu meira en það ?
Kv.
Ágúst
-
Replies
-
Anonymous- Umræður: 0
- Svör: 16404
Ég endaði á að smíða nýjan tank.
Sá gamli var svo heimskulega festur að drulla sat á hliðunum á honum, þannig að hann var orðinn gatasigti þegar betur var að gáð.Annars er ekkert stórmál að ná tankinum niður, fjandanum leiðinlegra og allt það, en engan veginn þess virði að reyna viðgerð undir bíl.
Að fara niður að honum í gegn um gólfið er fín pæling, en bara hætt við að það bætist á listann yfir það sem þarf að koma saman eftir aðgerðina….þegar tankur er kominn undir aftur…kkv
Grímur
Sæll Grímur og takk fyrir svarið.
Ég lifi enn í voninni að tankurinn sjálfur þurfi ekki endurnýjunar við – ennþá, en samkvæmt þinni reynslu þá er það einungis tímaspursmál.
Ég er ekki svo mikill málmsmiður að mér lítist á að leggja í smíði á nýjum tanki, en datt í hug hvort tankurinn úr gamla Pajeró gæti hugsanlega passað. Ég held að þeir hafi verið úr efni sem ryðgaði lítið sem ekki neitt. Kannaðir þú þetta nokkuð ?Ágúst
Anonymous- Umræður: 0
- Svör: 16404
Mér finnst nú ákaflega sennilegt að Pajero tankurinn passi nokkurn veginn.
Það er örugglega eitthvað öðruvísi, en varla mikið.
önnur um Galloper ég er með eitt stk sem vill ekki opna vinstri afturhurð, læsingar titturinn virðist ekki fara nógu hátt upp. Kunnið þið snillingar einhver ráð við því?
Anonymous- Umræður: 0
- Svör: 16404
Svonalagað getur verið alveg djöfullegt viðureignar.
fikta í læsingunni, halda meðan læst er/aflæst….Athuga hvað er hægt að rífa innanfrá af hurðaspjöldum, það gæti hjálpað að komast í læsinguna sjálfa.
Oftast er einhver gormur eða fjöður gengin úr skaftinu, stundum stirðleiki.
kv
Grímur
Þetta læsingarmál á vinstri afturhurð hefur líka komið upp hjá mér.
Mig minnir að ég hafi náð að opna inn fyrir hurðarspjaldið m.þ.a. skrúfa stóra handfangið af og loklið við opnarann innanvert. Síðan teygði ég mig inn og potaði í eitthvað í opnaradraslinu og allt í einu hrökk í liðinn. Eftirá sprautaði ég smurfeiti yfir allt saman (ekki WD40 sem þornar fljótt) og allt hefur verið til friðs.Ágúst
Enn er galloperinn að stríða mér.
Upphaflega kom í ljós að hann dró loft með eldsneytinu og var að sjálfsögðu ekki sérlega sprækur þannig.
Lagfæringar á lögninni dugðu ekki og grunur féll á hráolíusíuna og sitthvað fleira, en ekkert hefur dugað.
Nú er ég búinn að tengja plastbrúsa með díselolíu beint inn á díselverkið og enginn bati kom við það.Sjúkdómslýsingin er í meginatriðum sú að hann fer eðlilega í gang og gengur fínan tómagang í dálitla stund (1 mínúta eða svo), en þá fer smám saman að draga niður í honum og stöðvast að lokum ef ég gef ekki inn. Við inngjöf kemur smá hik fyrst, en svo fer hann upp á snúning, en heldur honum ekki því það fer fljótlega að draga niður í honum, missa út púst, skjóta og reykja ljósbláu eins og hann væri að brenna smurolíu eða nái ekki að kveikja eðlilega í díselolíunni. Vélin er gjörsamlega kraftlaus og ég varð að setja í lága drifið til að geta hreyft bílinn til á stæðinu.
Hvað er til ráða ?
Ágúst
Anonymous- Umræður: 0
- Svör: 16404
Ég er 99% viss um að þetta sé málið:
Framarlega á olíuverkinu, að ofan/utanverðu er banjótengi, með 14 eða 17mm boltahaus.
Það er inntakið inná verkið, rörið liggur vélarmegin original og beygir þarna útá og olían niður í gegn um þetta tengi.Losaðu boltann, taktu hann uppúr, en passaðu að týna ekki koparskinnunum ofan/neðan af tenginu.
Færðu banjóið frá gatinu.
Taktu grannan vír (tig/mig/logsuðu), klipptu/slípaðu endann á ská til að fá fínan odd. Beygðu 2-3mm af endanum í vinkil.
Niður í gatið með vírinn, upp á að koma gormur.
Aftur niður í gatið, upp á að koma vírsía, eins og fingurbjörg fyrir ungabarn (ca 8mm í þvermál).Í henni er líkast til slatti af drullu. Hreinsa með bursta og þrýstilofti.
Saman með dótið aftur. Passaðu að þræða síuna varlega niður aftur, ef hún dettur á hvolf er rosalega erfitt að ná henni upp aftur.
Starta í gang og njóta
kkv
Grímur
Flott verklýsing, Grímur.
Þetta gekk allt saman eftir, drulla í síunni o.s.frv.
Kærar þakkir.Hins vegar er ánægjan ekki alveg 100% ennþá vegna þess að hann dregur inn loft í eldsneytislögnina.
Ég lét verða af því að gera gat í gólfið fyrir ofan tankinn og þegar ég potaði í eldsneytisrörin sem koma upp úr honum þá hreinlega brotnuðu þau af – bæði voru gersamlega gegnryðguð við suðuna. Engin furða þótt svolítið loft kæmist inn á lögnina.Til enn frekari fróðleiks má geta þess að ég fann annan lekastað á olíulögninni, sem ég hugsa að teljist vera frekar óvenjulegur, en það er bogni nippillinn sem kemur úr hráolíusíunni. Inngjafarbarkinn sem fer úr díselverkinu niður í sjálfskiptinguna hafði legið upp að miðri beygjunni á nipplinum og nuddað á hann gat ! Frekar ótrúlegt, en dagsatt.
Nú (prufu)keyri ég á olíu úr plastbrúsa í skottinu og allt er í fína þannig. Eftir páskana fer ég að athuga hvort ekki sé hægt að kaupa eða smíða nýja stútaplötu eða þá góðan tank úr Pajero.
Kv.
Ágúst
Ég átti KIA Sportage og var í tómum vandræðum með allar lagnir að aftan. Fyrsta bremsulagnir. Tankurinn tekinn niður með tilheyrandi veseni. Síðan bensínrörin frá tanki en samt hægt að laga án þess að taka tankinn niður. Dugði ekki lengi. Síðan bensínrörin frá tanki og fram í og tankurinn tekinn niður. Skipt um allar lagnir að tanki og framm í (slapp vel með það en orginal rörin kostuðu ekki mikið). En þá var allt í kringum dæluna ryðgað og þá passaði þessi lýsing en sérstaklega þegar lítið var í tankinum kom maður bílnum varla af stað. Þá þurfti aftur að taka tankinn niður en þá gafst ég upp. En þá þurfti að skipta um bensíndæluna og allt stykkið en það var selt allt í einu stykki (kannski hægt að mixa).
Þannig að ég er að mæla með ef þú tekur tankinn úr að skoða vel allt annað sem ekki er hægt að komast að nema að taka tankinn niður. Bara til að þurfa ekki að taka tankinn aftur niður.
Spurning hvort að ryðmyndunin sé sérstaklega slæm þarna að aftan á þessum asíu bílum?
KV. SHM
Anonymous- Umræður: 0
- Svör: 16404
Bara gaman að geta hjálpað.
Ef tankurinn er í sæmilegu lagi á ekki að vera neitt stórmál að gera nýja stútaplötu, jafnvel hægt að nota þá gömlu en setja ný rör í. Ég myndi fara í 8/10mm rör og kveikja þau í (logsuða með silfurvír eða kopar). Kaupa svo plaströr fyrir elsneyti í Landvélum og leggja þau frá tank og frammí.
Fyndið þetta með lekann við síuna….týpískt fyrir það hversu illa er raðað í húddið á þessum bíl. Fullt af plássi sem virkilega illa er farið með.
kkv
Grímur (Sem fékk sér Galloper til að kunna virkilega vel að meta TOYOTA, og það tókst !!!)
Það er a.m.k. ár liðið síðan ég setti plaströr fyrir eldsneytið fram í. Þessir stubbar í og við tankinn eru síðustu sentimetrarnir af upphaflega stöffinu.
Bremsurörin í afturhjólin eru búin að fara í endurnýjun og fyrir skömmu fór rúðupisskúturinn að leka (sprunga í botni kútsins). Ég bíð bara eftir að olíur og kælivövki fari líka að leka.Ath. Hjá mér er stóra vatnskassaslangan að ofanverðu komin með áberandi nuddfar eftir eina af litlu loftslöngunum sem þvera hana. Það veitir ekki af að fylgjast með þessu drasli og binda það upp.
Ágúst
Anonymous- Umræður: 0
- Svör: 16404
Eitt sem ég lenti í þegar ég boddíhækkaði minn, þá réttist úr einni beygjunni á kælivatns-slöngu-spaghettíinu vinstramegin (undir coolernum, aftan við olíuverkið) og slangan var þá sprungin eftir að hafa verið yfirbeygð alla tíð áður(slapp rosalega vel, var á langkeyrslu og einhverra hluta vegna að fylgjast með mælum þegar þetta fór). Mæli með að splæsa í nýjar slöngur í þetta bingó, annars er þetta heddgildra dauðans. Þó að þessi hné séu fáránlega dýr, þá er það ekkert í líkingu við nýtt hedd og allt það.
kv
GJBy the way…..bróðir minn var búinn að setja 500.000,- í patrol mótor, sem svo kostaði önnur 200.000,- (fyrir kreppu) vegna nálarauga á hosu sem liggur aftan við olíuverkið í þeim bíl.
Borgar sig semsagt að skipta um ÖLL gúmmí í vatnsgangi ef mikið er lagt í viðgerðir á vél.
Ef þú þarft að endurnýja rörin sem koma í plattann á tankinum þá hafa þeir í Vökvakerfum Dugguvogi verið seigir í að redda svoleiðis leiðinda krabbameinum.
Kv. Sigurþór
Endurnýjun eða viðgerð á gegntaki eldsneytisröra í Gallopernum:
Ég gerði smá könnun á þeim kostum sem mér sýndist vænlegastir og birti hér þeim til fróðleiks sem kunna að vera í svipuðum málum.
Þeir hjá Vökvatengjum voru fúsir til að endurnýja rörin í gömlu plötunni. Verð 17.741 kr miðað við að ég komi með nothæfa plötu til þeirra. Gamla platan lítur ekki vel út og gæti verið ónothæf vegna ryðs og þá ….
Hekla getur pantað nýja röraplötu, complet með rörum og stútum. Áætlað verð ca 38.000 kr
B&L/Ingvar Helgason getur líka pantað röraplötu complet frá Hyundai International. Með félagsafslættinum kostar hún rúmar 11.000 krónur og er þá ný pakkning undir plötuna innifalin. Með því að greiða fyrirfram er verðið fast. Afgreiðslutími gefinn upp ca 10 dagar.
Þarna komu þeir mér þægilega á óvart og verðskulda hrós.
Ágúst
Anonymous- Umræður: 0
- Svör: 16404
Alger snilld. 11.000,- íslenskir Ríkisdalir er bara fínt verð fyrir þetta.
Enn eitt dæmið um það hversu vel það getur borgað sig að hringja út um allt þegar eitthvað svona kemur upp.
Ein redding sem ég er búinn að gera í tvígang nýlega: Þegar trissan á sveifarás (sem er sett saman á gúmmíhring) losnar í sundur, er hægt að græja hana saman með límkítti….
Ef gúmmíið er alveg ónýtt þarf að renna stýringu til að kítta saman og fylla bara í með gumsinu. Bíða með samsetningu í viku eða svo. Hiti og raki hjálpar með hörðnun.
Ef gúmmíið er bara laust í ytri hringnum er hægt að slípa fletina, hreinsa með acetone, kítta vel saman og láta taka sig í fáeina daga. Ég hef notað Wurth kítti.Þetta sparaði mér nokkra tíuþúsundkalla (kannski svona átta) og hálft það fyrir mág minn.
kvGrímur
Stútaplatan er komin, 8 dögum eftir að ég pantaði hana. Nú er bara að skella henni í og skrúfa lok í gáttina sem ég gerði á afturgólfið.
Heyrðu Grímur, varðandi trissuhjólið; hvernig segir svoleiðis krankleiki til sín – bankhljóð eða e-ð annað ?
Og manstu við hvaða kílómetrafjölda hann fór að segja til sín ?Ágúst
You must be logged in to reply to this topic.