Gagnrýni á 4×4

Jæja hvolparnir mínir ! ! !

Eins og ég hef skrifað á http://www.hugi.is/jeppar þá er ég Alls ekki að dæma alla sem í þessari ferð voru en staðreindin er reyndar sú að það keyrðu jú ALLIR framhjá okkur og það þarf enginn að reyna að segja mér að það hafi enginn tekið eftir okkur. Við vorum nú ekki nema í einn og hálfan klukkutíma að moka okkur upp úr þessari festu þannig að…. . En það voru hinsvegar einhverjir 2 eða 3 sem stóðu þarna í dyrunum þegar við komum og lokuðu þeir þegar við lögðum bílunum við hliðina á þeirra bílum, mér fannst það bara vera eins og það væri verið að segja við okkur:

Þið eruð ekki velkomnir hingað !!!!

Kannski er það misskilningur en… hvað get ég annað haldið?

Ég legg það allavega ekki í vana minn að troða mér þangað sem ég er ekki velkomin.

Gaman væri að vita hvað við hefðum eginlega gert þessum mönnum !

En það eru nú að koma jól og ætla ég ekki að gera neitt stórmál úr þessu en… sannleikurinn særir…

Kveðja

Gauijul

reyniði nú að lesa þetta allt ég tek það skírt fram að ég er ekki að ásaka allan klúbbinn þeir taka þetta til sín sem að eiga það, ég segi þetta einu sinni enn til að allir fatti það, ÞEIR TAKA ÞETTA TIL SÍN SEM AÐ EIGA ÞAÐ.

Ég heyrði að þarna hefðu verið á ferð "virtir" menn innan félagsins. Menn sem ávallt eru bendlaðir við félagið þar sem þeir þekkjast þannig að hvort sem þeir voru á vegum félagsins eða ekki eru þeir með þessu framferði að sverta nafnið 4×4. Svona hluti gerir maður ekki og vona ég að þeir bæti ráð sitt því batnandi jeppamönnum er best að ferðast 😉

Kveðja
Hvati

Ég frétti af þesssari óánægju á opnu húsi í gærkvöldi og ég sé mig knúinn til að upplýsa hvernig þetta gerðist en dettur ekki í hug að standa að því loknu í frekara orðaskaki við þessa menn enda eru þeir í sáralitlum tengslum við raunveruleikann.

Svo ég rekji í nokkrum orðum hvernig ferðin gekk fyrir sig þá urðum við varir við tvo bíla keyra af stað frá planinu við Gullfoss þegar við komum þar á föstudagskvöldið.
Við hleyptum úr og gerðum okkur klár og lögðum svo í hann.
Það ver leiðinda veður og skafrenningur. þegar við komum á brúnna yfir Grjótá þá sáu sumir okkar, ég meðal annars ljósbjarma uppá brúnunum eins og einhverjir bílar væru að leita að leiðinni niður það, hafa væntanlega verið þeir.
Hálftíma eftir að við komum í Árbúðir þá renndu þeir í hlað
(þar fór þetta með að moka í fleyri klukkutíma)og Gunni frændi sem var með þeim spurði hvort ekki væri pláss sem nóg var af og einhverjir komu inn en einhverjir vildu sofa úti þó einn okkar færi út og spyrði hvort þeir ætluðu ekki að drífa sig inn.
Á laugardagsmorgunin sögðust þeir ætla inn í Setur og fóru.
Við ákváðum hins vegar að fara á Hveravelli en keyrðum fram á þá félaga við Fremrisskúta þar sem þeir voru að brasa eitthvað í að dæla á milli. Ég sá þá svo ekki meira þann daginn því að við vorum komnir í Hveravelli fyrir kl 17.00 en mér skilst að þeir hafi komið þangað um miðnættið.
Flest okkar fóru að sofa um kl 10 um kvöldið enda ætluðum við að taka daginn snemma því að það spáði roki og rigningu fyrir sunnudaginn…
Þegar við yfirgáfum Hveravelli um morguninn eftir að vera búnir að gera upp staðarhaldarann(við urðum nú ekki varir við neina hneykslan hjá honum) þá var enþá ekkert lífsmark með þeim félögum, enda sögðust þeir hafa verið að skemmta sér eitthvað fram eftir nóttinni.

Okkur gekk vel niðureftir þrátt fyrir rok og rigningu og vorum komnir á Geysi uppúr kl. 14.00.

Mér finnst fáránlegt ef þessir náungar ætla að fara að gera okkur ábyrga fyrir lélegum undirbúningi og vitlausum ákvörðunum sínum og ég verð nú að segja eins og er að mér fynnst að Gunni frændi ætti að vita betur eftir að hafa verið fjölda ára á fjöllum en að fara á einum 38" og einum 35" bíl í þessu færi á Hveravelli og ekki einusinni með tappasett meðferðis.

Ef það er hins vegar sakarvert að halda í við sig í drykkjuskapnum og leggja snemma í hann heim þegar illa spáir þá verðum við væntanlega að taka þá sök á okkur.

Með félagskveðju
Kalli
R-94

Ferðaklúbburinn 4×4 er klúbbur áhugamanna um ferðalög á hálendi Íslands. Þegar klúbburinn stendur fyrir ferðum er það auglýst rækilega, þannig að ekki fer á milli mála þegar ferð er á vegum 4×4. Þessa umrædda helgi var ekki um auglýsta ferð á vegum klúbbsins að ræða, heldur voru félagar í 4×4 sem ferðast hafa saman í áratug, á ferð, helgina 7-9 Des.
Það sama á við um Gaujajul félagi í ferðaklúbbnum 4×4 og félaga hans sem gengur undir nafninu Gunni frændi. Þannig að ljóst má vera að það var enginn á fjöllum þessa helgi á vegum Ferðaklúbbsins 4×4, eins og greinarhöfundur telur vera.

Ferðin frá okkar sjónarhóli.
Við lögðum af stað úr bænum síðdegis á föstudag, þegar við komum að planinu við Sigríðarstofu ofan við Gullfoss, í all góðu skyggni, þá sjáum við tvo bíla upplýsta af ljóskösturum frá átta bílum, aka út af stæðinu, (samt bera þeir við að hafa ekki séð okkur, hvernig áttum við þá að sjá blikkandi ljós í hríðarkófi). Um 15 mín síðar ökum við af stað. Við höldum sem leið liggur upp Kjalveg í síversnandi skyggni. Þegar við komum að Grjótá verðum við varir við ljósbjarma aftan við okkur í gegnum hríðakófið, teljum við þetta vera þessa tvo bíla sem óku af stað á undan okkur frá Gullfossi. Eins og þeir sem hafa stundað vetrarferðir á hálendinu skilja, þá er engin leið að greina blikkandi ljós í slæmu skyggni á kyrrstæðum bíl, frá ljósum á bíl sem er á hreyfingu. Þannig að við töldum að engin hætta steðjaði að þessum félögum okkar, sérstaklega í ljósi þess að færðin var alls ekki slæm, og við ennþá í 8-10 pundum. Þess má geta að við vorum með 8 CB talstöðvar, 5 VHF talstöðvar og 7 NMT farsíma (þess má geta að Gunni frændi vissi vel, hvejir voru á ferð), ekki heyrðist eitt orð í þeim um beiðni um hjálp. Við héldum því áfram yfir Bláfellsháls, að Árbúðum og vorum komnir þar um hálf fjögur um nótina. Stuttu síðar 10-15 mín koma Gunni frændi og Gaujijull, (ekki hefur festan verið mikil). Gunni og félagi hans koma inn, þeim er boðið að gista sem og félögum þeirra sem sátu út í bíl, (sennilega í fýlu yfir meintu afskiptaleysi okkar á þeirra ferðum). Gunni frændi og félagi hans, þáðu gistinguna, skella í sig einum ?köldum? og leggjast til hvílu sem og aðrir.

Daginn eftir þá leggja þeir af stað á undan okkur (enda létu þeir ekki hreingerningu á skálanum tefja sig). Stuttu eftir að við eru lagðir af stað frá Árbúðum ökum við fram á þá félaga þar sem þeir eru stopp, fyrsti bíll stoppar hjá þeim (eins og við eru vanir ef við höldum að eitthvað sé að hjá samferðamönnum okkar), ekki reyndist neitt alvarlegt hrjá þá félaga, annað en vandræði með dælingu á milli tanka. Við höldum því áfram. Til greina kom að fara í Setrið, en hætt var við það, vegna spár um hláku og stormviðvörunar, því var haldið til Hveravalla. Þangað var komið um fimm á laugardeginum í þokkalegu færi og góðu skyggni. Eins og kemur fram í grein þeirra félaga þá komu þeir ekki til Hveravalla fyrr en um miðnætti, höfðum við þó nokkrar áhyggjur af þeim, þar sem ferð þeirra hafði dregist óeðlilega miðað við færi og skyggni (ekki síst vegna þess að þeir voru að keyra í slóð af 8 jeppum, sem ætti að reynast auðvelt). Má vera að þar sé um að kenna, að annar bíllinn var einungis á 35? dekkjum sem telst alls ekki fullnægjandi miðað við þyngd bíls og árstíma. En hvað um það við vorum meðvitaðir um að þeir væru seinir á ferð og stóðum oft í dyrum skálanns, til að athuga með ferð þeirra, og vorum þess albúnir að keyra á móti þeim, ef þess þyrfti með. En að lokum birtust þeir, um miðnætti.

Svo að vitnað sé í skrif þeirra félaga ? voru nokkrir menn í dyrunum og þeir bara lokuðu skálanum bæði innri og ytri hurðinni?.Hvernig gat maður sem staddur var út á plani í 50 metra fjarlægð séð að innri hurð skálans hefði verið lokað, og það í gegnum gluggalausa aðalhurð, sumir sjá betur en aðrir.

Við töldum okkur hafa sýnt ábyrgð með því að fylgjast með því allt kvöldið, hvenær þeir myndu skila sér til Hveravalla.

Satt að segja þá töldum við það alveg sjálfgefið að þeir myndu fara í hinn skálann sem stóð auður, sérstaklega miðað við það hvað klukkan var orðin. Þess vegna var hurðinni hreinlega lokað þegar þeir voru komnir, í ljósi þess að við ætluðum að vakna snemma, vegna spár um storm og hlýnandi veðurs sem gæti leitt til krapa.
Við ætlum ekki að gagnrýna ferð þeirra félaga þessa helgi, enda hefur Gauijul með skrifum sínum, séð um það sjálfur. En í sjálfum sér er þetta ágæt grein, að því leitinu að þeir sem hafa litla reynslu af fjallaferðum, sjá hvað betur má fara, hvað varðar búnað bifreiða og taka ábyrgð á eigin gjörðum.

Af hverju finnur Gauijul hvöt hjá sér til að skammast út í ferðalanga sem voru á sömu leið og hann til Hveravalla. Var það út af ómerkilegri festu sem við vorum svo óheppnir að verða ekki vitni að, eða var það út af eigin getuleysi til að takast á við þau vandamál sem geta komið upp í vetrarferðum á hálendi Íslands.

Við vonum bara að enginn verði nærstaddur þegar Gauijul fer næst á fjöll.

Hvað er hægt að læra af skrifum Gaujajul ?

1. Það er ótrúleg fáviska að halda eins og hann virðist gera, að þegar félagar í 4×4 sem eru að ferðast sem einstaklingar með félögum sínum í sama félagi séu að ferðast undir nafni klúbbsinns. Þetta ætti hann að vita sem félagsmaður í 4×4.

2. Að fara á fjöll á þessum árstíma á tveimur bílum þar sem annar er á 35? í slæmri veðurspá er ekki til eftirbreytni.

3. Til að fara fram á hjálp frá öðrum ferðamönnum á hálendi Íslands í slæmu skyggni, þarf að vera með fjarskiptabúnað sem virkar, það dugar ekki að blikka ljósum út í sortann.

4. Það er skylda hvers og eins að taka til í skála við brottför.

5. Þegar veðurspá er slæm, þá er betra að láta ?nokkra kalda? eiga sig, heldur vakna snemma, til að hafa tíman fyrir sér.)

6. Þegar ferðast er um hálendi Íslands að vetri til, er nauðsynlegt að vera með ýmsan búnað með sér, til dæmis skóflu og tappasett. En vissulega hefur Gaujijull sýnt ákveðna fyrirhyggju, með því að hafa með sér 3 bíómyndir, sem hann getur glápt á meðann hann bíður eftir hjálp.

7. Ferðaklúbburinn 4×4 hefur staðið fyrir nýliðaferðum á undanförnum árum sem hafa verið vel sóttar. Fyrir þessar ferðir hefur verið farið yfir grundvallarreglur um ferðamensku á jeppum að vetri til, bæði hvað varðar kunnáttu ökumanns og búnað bifreiða. Hvetjum við alla sem eru að byrja sína ferðamennsku, að taka þátt í slíkum ferðum.

8. Þeir sem ferðast um hálendi Íslands að vetri til, eru þar fyrst og fremst á eigin ábyrgð og sinna ferðafélaga, þeir þurfa að hafa búnað og getu til að stunda þessi ferðalög.

9. Að hjálpa öðrum ferðalöngum er sjálfsögð skylda, en til þess að geta það, þá þurfa menn að vita um vandræði annara.

Að lokum
Það sem okkur þykir verst við þessi skrif er, að hversu margir eru tilbúnir að taka undir sjónarmið annars aðilans, án þessa að sjónarmið beggja liggja fyrir. Menn eru tilbúnir til að rægja félagskap manna, rægja menn sem aka ákveðnri gerð bifreiða, og það sem okkur þykir verst, að draga ákveðna persónu inn í umræðuna sem kemur málinu ekkert við, öðru en því að standa flestum framar, hvað varðar búnað bíls og eigin getu til ferðalaga. Skrif þessara manna dæma sig reyndar sjálf, og lýsa eingöngu hugafari þeirra sem þau skrifa, (skræfur undir dulnefnum).

Við sem ritum nöfn okkar undir þessar línur ætlum ekki að tjá okkur meira um þetta á netinu. Og vonum að menn geti ferðast um hálendi Íslands, án þess að verða fyrir skítkasti frá mönnum sem telja að allt sem aflaga fer, hjá þeim sjálfum, sé öðrum um að kenna.
Heiðar Jónson R-107
Benedikt Guðlaugsson R-252
Einar Sólonsson R-95
Pétur Oddgeirsson R-218
Karl Arason R-94
Viðar Elliðason R-115
Steinmar Gunnarsson R-191
Arnbjörn Ólafsson R-220

Þetta mál virðist dálítið á misskilningi byggt.

Þó finnst mér að gauijul og félagar séu klaufarnir(þetta er ekki illa meint).

1. Það að t.d. blikka ljósum út í hríðarkóf er ekki góð leið til að biðja um hjálp.

2. Það er ekki nema almenn tillitssemi að fara ekki inn í skála um miðnætti ef annar skáli stendur til boða.

3. Það að fara á aðeins tveim jeppum, þar af annar þeirra vanbúinn til vetrarferða er ekki gáfulegt.

4. það að skilja tappasettið eftir heima nær ekki nokkurri átt, sérstaklega ekki þegar menn passa að gleyma ekki DVD myndunum heima!

5. Það að leggja af stað lengra inn á hálendi á tveim jeppum þrátt fyrir hláku er heimskulegt.

6. SVO ER ÓÞOLANDI ÞEGAR MENN AÐSTOÐA EKKI VIÐ TILTEKT Í SKÁLA!

Ég er EKKI að reyna að vera leiðinlegur við þig gauijul og félaga þína en þið ættuð að skipuleggja ferðir ykkar betur og læra af reyndari mönnum. Svo eru til góðar bækur um jeppaferðir t.d. Jeppar á fjöllum og Jeppabók Arctic Trucks.

Ég veit að þessi grein mín er nánast endurtekning á því sem aðrir hafa skrifað en aldrei er góð vísa of oft kveðinn.

Freyr

Ég get ekki verið annað en sammála Redneck, einhvertíman verða menn að byrja og það fæðast ekki allir með jeppamenskuna í blóðinu.

En eitt væri gaman að vita?

Ef gauijul sá þessa 8 bíla frá veginum og gat séð að þeir væru á einhvernhátt merktir ferðaklúbbnum 4×4, hvers vegna í ósköpunum gátu þá þessir 8 bílstjórar og farþegar bílana ekki séð að þarna var fastur jeppi utanvegar og boðist til að hjálpa til við að losa hann?

Það þarf kanski að skafa rúðurnar aðeins betur?

En hafðu engar áhyggjur gauijul ef ég sé G-1110 fastann í kantinum þá er ég með spotta og ekki í ferðaklúbbnum og skal kippa honum upp fyrir þig því að það kallast almenn kurteisi.

Fyrir tilviljun rakst ég á þessa umræðu hér á heimasíðunni. Einsog margir hér er ég rétt að byrja í minni ferðamennsku. Þetta hefur gegnum árin heillað mikið fyrir hversu samhentur hópur af fólki þetta virðist vera. En hvað sé ég hér. Hér taka nokkrir vanir félagar í F4x4 og setja hér útá vinnubrögð og skoðanir eins félaga sem er búinn að vera styttra en þeir. Ég vitna beint í þessa grein "ÉG VONA AÐ ENGINNN VERÐI NÆRSTADDUR ÞEGAR GAUJIJUL FER Á FJÖLL NÆST" Bíddu eru menn algjörlega tómir þarna uppí kollinum. Hvernig dettur nokkrum manni í hug að láta svona út úr sér.Koma svo með eitthverja skítna lærdómstöflu. Það er greinilegt að þessi viðkomandi einstaklingur eða einstaklingar sem sömdu þessa grein þurfa ekki að læra eitthvað í fjallamennsku heldur almennri kurteisi.Sem þeir greinilega hafa ekki lært. Ég get ekki sagt að þessi grein laði að nýliða. Það er aldrei að vita hvenær maður er notaður sem sýningardæmi um lélegan fjallamann einsog þessir viðkomandi félagar skrifuðu í grein sinni.

Ívan Ó.

Mér sýnist að þetta sé allt byggt á misskilningi og að menn séu að gera úlfalda úr mýflugu. Mistök eru til að læra af þeim og eins og komið hefur fram hér að framan þá geta allir lært eitthvað af þessu ævintýri.

Reynsla er ekkert annað en uppsöfnuð mistök og menn verða að gera mistök til að öðlast reynslu! (Best er þó að læra af mistökum annara, en það er annað mál.)

Ég legg því til að þetta mál verði tekið af dagskrá og menn fari að eyða tíma sínum frekar í eitthvað skemmtilegra en að orðhöggvast á netinu. Það er hagur okkar allra að standa saman þegar við ferðumst á fjöllum og hjálpast að við að upphefja sameiginlegt áhugamál okkar allra til vegs og virðingar. Það er ekki gert með svona skrifum.

Munum svo að öll dýrin í skóginum eiga að vera vinir.

Virðingarfyllst,
Ólafur Arnar Gunnarsson
R-2170.

ERTU BÚINN AÐ ÁKVEÐA ÞIG HVORT R ROVER VAR ÁRGERÐ 72EÐA 73.************