This topic contains 4 replies, has 1 voice, and was last updated by 
-
Topic
-
Sælir félagar
Nú er verið að spá í ferðir í sumar og vanntar mér smá ráð/ábendingar. Það stendur til að fara frá Nýjadal um gæsavatnaleið í júlímánuði, það sem vefst fyrir mér er að einn jeppin í hópnum er nánast óbreittur Izusu Trooper bensín árg. 98. Ég fór fjalladyngjuleið í fyrra og ætti hún að vera fær svona bíl en gæsavatnaleið þekki ég ekki. Getur einhver sem hefur nýlega farið þessa leið sagt mér hvernig hún er fyrir óbreyttan jeppa, fær, illfær, ófær?
Annað, er ekki hægt að fara gæsavatnleið án þess að fara flæðurnar ef það skekynni að það sé mikið í þeim?
Ég hitti einhverja jeppamenn sem voru að koma gæsavatnaleið í nýjadal í fyrr og sögðu þeir mér að það væri nánst ekkert í flæðunum, enn þetta var í águst mánuði ef ég man rétt?Kv.
Óskar Andri
E-mail: oae@simnet.is
-
Replies
-
Hægt er að taka krækju þannig að ekki þarf að aka flæðurnar. Ef gist er í Nýadal er gott að leggja snemma af stað áður en vatnsrennsli fer að aukast í kvíslunum sem renna norður frá Tungnafellsjökli
Sæll
Ég fór þessa leið í lok júlí í fyrra – í för var ég á 38" pajero og foreldrar mínir á óbreyttum econoline á 32" dekkjum og bara afturhjóladrifinn.
Við fórum flæðurnar og hittum á að lítið vatn var þar, þrátt fyrir að við værum þar seinnipart dags.
Þessi leið var algerlega vandræðalaus fyrir afturhjóladrifinn og óbreyttan bíl þó svo að ég mæli ekki með því að fara á svoleiðis bíl nema öflugri bílar séu með – ég var t.d. með spotta á milli bíla yfir flæðurnar til öryggis. Reyndar er hátt undir Linerinn þannig að það hjálpaði honum heilmikið á Urðarhálsinum sem er seinfarinn vegna stórgrýtis.
En mitt mat var að þessi leið sé vel fær óbreyttum jeppum í fylgd "fullorðina" svo fremi sem að vatnavextir séu ekki þeim meiri og ökumenn sæmilega lagnir og þekkja vel hversu hátt er undir bílinn.
Benni
Ég fór þessa leið seinnipartinn í júlí fyrir tveimur árum og með mér í för var óbreyttur LC 90. Þetta var ekkert mál fyrir hann og fórum við líka flæðurnar, en það var mjög lítið vatn í þeim.
Hann hafði líka farið áður hraunið meðfram flæðunum á sama bíl og engin stórvandamál en mjög seinfarið.kv
Bjarni
Ég mætti Þjóðverjum á VW rúgbrauði þarna á ferð fyrir nokkrum árum daginn eftir að síðasta flóði slotaði í Kreppu auk þess sem Ingvi félagi minn dró tjaldvagn á eftir sér þessa sömu leið. Ég held líka að Guðmundur Jónasson og Úlfar Jacobsen hafi farið þetta á alveg óbreyttum bílum á sínum tíma 😉
Þetta er bara spurning um að fara rólega á flæðunum og þá vera þar frekar snemma dags því sólbráðin er að skila sér niður seinni part dags.
Það er hægt að skoða sólbráðina á http://vmvefur.os.is/cgi-bin/Vatn/Vatn.exe
Þar sérðu á hvaða tímum mest er í ánum og í lang flestum tilfellum er það seinni hluti dags í ám sem skila sér úr Vatnajökli.
Annars segi ég bara góða ferð og mundu eftir að hafa nóg af filmum og góðu skapi því vegurinn er ekki sá besti í heimi.
You must be logged in to reply to this topic.