This topic contains 6 replies, has 1 voice, and was last updated by 
-
Topic
-
Nú er skv. Vegagerðinni búið að opna Dyngjufjallaleiðina, en gamla góða Gæsavatnaleiðin er ekki á ábyrgð neins lengur, þannig að það fást engar ‘opinberar’ upplýsingar um ástandið þar – sem þýðir væntanlega að enginn „lokar“ henni né „opnar“. (P.S. 4×4 ætti kannski að huga að því að taka að sér að halda við stikum á þessari frábæru leið – þeim fer fækkandi ??)
Er einhver sem veit hvort þessi leið sé orðin sæmilega fær – er mikill snjór ennþá ?? Þarf 38″ eða duga t.d. 33″ ?
einn í sumarleyfisskipulagningunni
-
Replies
-
Anonymous- Umræður: 0
- Svör: 16404
Sælir. Ég spurði Nicolai hjá Vegagerðinni útí þetta. Hann sagði að Dyngjufjallaleiðin væri að opnast fyrr en þeir hefðu átt von á en Gæsavatnaleiðin er eins og þú segir ekki á forræði Vegagerðarinnar lengur, heldur Náttúruverndar ríkisins. Það þýðir að Vegagerðin fær ekki neitt fjármagn til að viðhalda henni né fylgjast með. Þetta er frekar slæmt mál því ekki er ólíklegt að menn dragi þá ályktun af kortinu að leiðin sé opin, en uppgötvi þegar á hólminn er komið að svæðið sé of blautt til að forsvaranlegt sé að fara þarna um. Sama gildir um Hrafntinnusker, sú leið er núna á forræði Náttúruverndar og því segir kortið ekkert um hvort þar sé fært eða ekki. Kannski getur skrifstofa Náttúruverndar svarað til um þetta.
Kveðja – Skúli
Anonymous- Umræður: 0
- Svör: 16404
ég talaði við aðila hjá Náttúruvernd Ríkisins og hann sagði mér það að leiðin var lokuð 11.júlí síðastliðin skv. fregnum frá vegagerðinni.
þeir sögðust ekkert fylgjast með hvort þessi slóði sé fær eður ei, það væri aðallega vegagerðin sem myndi fylgjast með því.
besta ráðið er þó það að tala við landverði annaðhvort í Nýjadal eða í Herðubreiðalindum og fá fregnir frá þeim hvort þeir viti eitthvað um það hvort bílar hafi farið þennan slóða.
annars er ég mjög spenntur að vita hvort einhverjir vita eitthvað meir því ég stefni á að fara þessa leið um verslunarmannahelgina…….
kv. Mussy
Anonymous- Umræður: 0
- Svör: 16404
Semsagt Náttúruverndin segir að Vegagerðin fylgist með þessum slóða og Vegagerðin segir að þeir skipti sér ekki lengur að honum þar sem hann sé á forræði Náttúruverndar. Nicolai orðaðið það svo að þeir hefðu tekið þessa leið útaf sínum listum þar sem Náttúruverndin hefði tekið þetta yfir. Það væri hins vegar mikill skaði ef þessari leið yrði endanlega lokað.
Annars held ég að þetta hljóti að verða orðið sæmilega þurrt og fínt um verslunarmannahelgina svona með hliðsjón af því að Dyngjufjallaleiðin opnaðist fyrr en þeir áttu von á og yfirleitt hefur leiðin verið að opnast um það leiti. Ætti allavega ekki að vera seinni í ár en undanfarin ár.
Kv – Skúli
Anonymous- Umræður: 0
- Svör: 16404
Ég var inní Kverkfjöllum og Herðubreiðalindum síðustu verslunarmannhelgi (2001) og þá var Gæsavatnaleið opin. Eins og síðasti ræðumaður sagði þá er Dyngjufjallaleiðin opin nú, fyrr en áætlað var og því má leiða líkum að því að eftir 2 vikur sé nokkuð víst að hægt sé að leggja í för um Gæsavötn.
Það er líka miður að Vegagerðin og Náttúruverndaráð séu að benda á hvorn annan, kannski ætti 4X4 að stika þessa leið, það er ekki slæm hugmynd hjá fyrsta ræðumanni.
Mig minnir einnig að Útivist sé með skipulagða ferð um Gæsavatnaleið um verslunarmannahelgina……..
Við hljótum að komast þetta, passa bara að vera vel búin og leggja mjög snemma af stað áleiðis.
kv. Mussy
Ég fór þessa leið(syðri leiðina)á mánudaginn var 8 júlí, þetta var allt í lagi, það voru tveir skaflar á leiðinni en ekkert sem var vandamál.
kveðja
Daníel
Anonymous- Umræður: 0
- Svör: 16404
Sælir félagar.
Ég fagna því að gæsavatnaleið skuli ekki vera lengur í umsjá Vegagerðarinnar, ég fór þessa leið um árabil 5-6 sinnum á sumri á hinum ýmsustu rútutrukkum, oftast þó á 3ja hásinga 27 sæta Reo Studebaker. Erfitt reyndist að fá upplýsingar frá Vegagerðinni (Húsavík), og oft virtust þær vera vísvitandi gefnar rangar, þ.e. að ástandið væri miklu verra en raun bar vitni. Þetta virtist vera gert til að réttlæta hina nýju vegalagningu frá Rjúpnabrekkukvísl og norðan Trölladyngju, allt að Þorvaldshrauni sunnan Dyngjufjalla (Tröllaleið eða Dyngjufjallaleið).
Þessi leið er að sögn ljót bæði og leiðinleg.
Gæsavatnaleið þarf ekki að opna, hún er í raun jeppafær um leið og Sprengisandsleið opnar, og aldrei hef ég lent í aurbleytu allt frá byrjun júlímánaðar. Nokkrir staðbundnir snjóskaflar geta tafið för fram eftir sumri, en þeir eru ekki farartálmi nokkrum íslenskum jeppamanni sem aðeins getur mýkt í dekkjunum, í versta falli var raðað grjóti í hjólförin hvort sem ekið var upp eða niður skaflana ef snjórinn hélt ekki 10 tonna trukk á skurðarskífum. Einu sinni kom ég reyndar (á 35" Lappa)að útlendingum á Lödu Sport sem höfðu fórnað tjaldhimninum undir bílinn (út af fyrir sig góð hugmynd). Síðan fer færi aftur að þyngja í fyrstu snjóum (sem geta svo sem komið hvenær sumars sem er).
Félagar, já endilega tökum Gæsavatnaleið í fóstur og gætum þess að Náttúruverndin fái ekki umboð til að loka þessari (eða nokkurri annarri) gersemd jeppamanna.
Ingi.
You must be logged in to reply to this topic.