Gæsavatnaleið að Kárahnjúkum

Ekki má nú gera of lítið of hlutverki Gunds í þessari ferð Hlynur – samskiptamálin voru t.d. alveg á hreinu hjá honum – bæði við norðan og sunnanmenn

En hann fer all frjálslega með staðreyndir blessaður – t.d. um hraðakstur á flæðunum – ekki sá ég hvor vann 44" kappaksturinn því ég skildi þá báða eftir í þvílíku snjóskýi að ég var mest hræddur um að þeir keyrðu á hvorn annan (reyndar er ég ekki viss um að neinn okkar hafi verið með á hreinu að þetta væri kappakstur – en það er nú allt annað mál 😉 )

En að öllu gamni slepptu vil ég að öllum öðrum ólöstuðum sérstaklega þakka Heiðari Jónssyni á 44" Patrol, sem leiddi hópinn og ruddi leiðina – alla leið – í mjög erfiðu færi.
Hann sýndi mikla fórnfýsi og munaði ekki um að taka hátt í 50 km rúnt af flæðunum og til baka upp á Dyngjuhálsinn upp við Kistufell til að aðstoða okkur Andrés eftir að við höfðum gefist upp við að tappa dekkið hans Andrésar.
Ekki veit ég hvort Heiðar sé 4×4 félagi, man ekki eftir að hafa séð nafnið hans hér – en finnst það mjög líklegt miðað við bílinn sem hann er á.

Allavega – takk Heiðar, Gundur, og allir hinir, fyrir frábæra ferð – við Marta skemmtum okkur allavega konunglega.

Arnór