GÆÐAFLUGELDAR

Sæl öll sömul.
Þessi auglýsing er bara gott mál, hún er búin að snúast upp í andhverfu sýna og þjappa fólki saman um að versla bara við hjálparsveitirnar sem aldrei fyr.
Hressið ykkur nú við og horfið á björtu hliðarnar á þessu.
En svo er það hvort Einar gefur félagsmönnum góðan afslátt af púströrum ef við veslum við hann flugelda allt þarf þetta að skoðast,30% af rörinu það er nú það.
Kv. Úlfurinn.

Ég hef engan persónulegan ávinning af þessum FLUGELDASÖLUAÐILA !!!!!!!!!!!!!!!!!!!!
Eins og ég benti á hér í fyrri þræði, kom þetta inn á borð stjórnar og við setjum ekki fyrirtæki í flokka.
Ef svo væri færu þó nokkur fyrirtæki af afsláttarlista 4×4 þar sem við stjórn höfum orðið fyrir persónulegum skaða.
Ég veit hvar stjórnarmenn versla og hafa gert undan farin ár, en hver og einn félagsmaður hefur val.
71 aðili sótti um að fá að selja flugelda þetta árið.
Björgunarsveitir, einkaaðilar, íþróttafélög og kiwanes.
Ég ætla ekki að skilda félaga 4×4 að versla aðeins á einum stað.
Þetta er frjálst land eða er það ekki.
Hvort Matti sé ósáttur við mig verður hann bara að eiga við sjálfan sig.
kv
Agnes karen Sig
Formaður 4×4

Flugeldasala

Málið er nokkuð einfalt með þessa auglýsingu. Það er leitað til klúbbsins og þetta umrædda fyrirtæki býður félagsmönnum afslátt á flugeldum. Það er ansi erfitt fyrir stjórn að neita félagsmönnum um þennan afslátt eða fyrir stjórn að fara út í það að fara sortera út fyrirtæki sem við teldum að væru óæskileg. Því verður auglýsingin að standa. Þó svo að það sé okkur þvert um geð.
Ég hvet hinsvegar menn og konur að versla flugelda hjá björgunarsveitunum, ég myndi ekki versla af neinum öðrum hver svo sem afslátturinn væri hjá einkaaðilum sem hafa mist sig gjörsamlega í græðginni. En það er allavega mín persónulega skoðun að hér ráði Mammon ferðinni og er eiginlega ekki annað hægt en að vorkenna þessum aðilum að hafa ekki meira hugmyndarflug í bissnes en þetta.
Þetta er mín persónulega skoðun og lýsir á engan hátt skoðun stjórna
Kv Ofsi sem gat ekki svar fyrr, því hann var að spóla á Sprengisandi með Hlyn og Rúnari. Það var reynda hellingur af liði á fjöllum í dag og í gær og var vhf stundum glóandi.

Gæti ekki verið meira sammála Hlyni,enda er ég mjög svo óánægður með þetta og tel að klúbburinn hafi þarna skotið sig alvarlega í fótinn.

Kv Jóhannes

Mér finnst nú að björgunarsveitirnar mættu nú alveg skoða sín mál svolítið. Ég hef alltaf verslað mína flugelda hjá hjálparsveitunum, eitt í það svo og svo mörgum krónum og alltaf verið hálf svekktur með sýninguna sem það hefur skilað miðað við upphæð.
Svo keypti ég hjá öðrum aðila 2005 til að fá samanburð og svo í viðbót hjá hjálparsveitunum til að friða samviskuna.
Niðurstaðan var sú að ég hef aldrei fengið aðra eins sýningu fyrir mig og mína fjölskyldu og þessi áramót, og það fyrir minni pening en vanalega.
Þar sem ég veð ekki beint í peningum þá finnst mér ekki forsvaranlegt fyrir mig að versla við hjálparsveitirnar með alla flugelda þar sem bæði verð og gæði virðast ekki vera sambærileg við aðra aðila á markaðnum. Ég versla áfram smávegis af hjálparsveitunum til að styrkja þá þar sem ég er á þeirri skoðun að starf þeirra sé ómetanlegt og beri að styrkja þá eitthvað.
En til að bjarga sýningunni á gamlárskvöld fyrir mig og mína án þess að þurfa að veðsetja eitthvað þá versla ég megnið annarsstaðar.
Ég vona að með þessum orðum hafi ég ekki móðgað neinn og biðst afsökunar ef svo er en þetta er mín skoðun engu að síður.

Kveðja

Hjalti Guðmundsson

R-3248

er það, að fjáröflun björgunarsveitanna um land allt er þessa síðustu daga í desember, og ef einhver ekki veit, þá skal það upplýst hér að fjáröflunin er "SALA FLUGELDA" Ef einhver hefur á móti því skal hann, sá hinn sami bara einfaldlega segja það berum orðum að hann vilji ekki styrkja björgunarsveitirnar.

Þetta hefur ekkert með samkeppni einkaaðila að gera.

bestu kveðjur.
Elli.

Hverjir eru hagsmunir félagsmanna? Eru þeir að fá afslátt af flugeldum eða eru þeir að hafa öflugar björgunarsveitir? Fögur orð um frjálsa samkeppni og að mismuna ekki fyrirtækjum eru aðeins til að klóra yfir afar dapra ákvarðanatöku að mínu mati. Björgunarsveitirnar eru ekki fyrirtæki þar eru verið að vinna í sjálfboðavinnu. Þar eru menn og konur sem eru tilbúnar til að fara í útkall og setja sig í hættu við að aðstoða ÞIG hvenær sem er. Leitum að jeppafólki hefur blessunarlega farið fækkandi en að sama skapi hafa þau slys sem orðið hafa verið alvarleg og krafist mikil af mannskap og búnaði. Ferðaklúbburinn 4×4 er ekki skuldbundinn til að auglýsa einn eða neinn og ætti að meta svona lagað út frá hagsmunum sínum og félagsmanna og eins og áður segir þá er ég viss um að þeir liggja ekki í þessum aflsætti.
Ekki má gleyma að ég hef töluverða hagsmuna að gæta þar sem ég er starfsmaður Slysavarnafélagsins Landsbjargar og sé þar um aðgerðamál ásamt því að vera búin að vinna að því nú í mánuð að koma flugeldum til björgunarsveita um allt land. En þetta er afar góð áramótakveðja frá f4x4.

Sæl öll.
Það er alfarið mín sök að Einar skildi vera bendlaður við þetta.
Það komu hver pésin á fætur öðrum ,hver öðrum líkari með ávísun neðst á blaðinu þannig að ég ruglaði þessu öllu saman, þannig að ég bið en og aftur afsökunar á þessum rugling í mér.
Ég vissi ekki í upphafi hver átti þessa auglýsingu, en svo vel þykist ég þekkja Sveinbjörn að hann hefur bara viljað félagsmönnum gott með þessu.
Kanski er bara allt í lagi að versla svolítið við hann og dáldið mikið við hina, eða öfugt ,hvernig sem á það er litið.
Ethvað rámar mig í það að ég hafi séð honum bregða fyrir á myndum af uppbyggingu Setursins og kanski á kallin það bara inni hjá okkur að við kaupum svo sem eina púðurkerlingu af honum, alla vegana að sýna smá kurteisi .
Í upphafi skildi endirinn skoðaður, Það á held ég að eigi vel við núna.
Kv. Stefán Baldvinsson R266.

Jæja nú er enn ein óveðursnóttin í gangi hjá björgunarsveitunm og stendur enn,með tjónum á tækjum og búnaði manna sem kostar sitt.En ég á nú ekki von á öðru en að Sveinbjörn og aðrir einstaklingar sem selja flugelda hafi líka látið til sín taka í nótt með tækjum og dóti sínu eða sváfu þeir bara á sínum græna og hugsuðu hvað þetta er ekkert mál björgunarsveitirnar redda þessu bara en við einstaklingarnir!!! sem seljum flugelda höldum bara áfram að telja peniga fyrir nýjum jeppa eða utanlandsferðum :):):)
KV:Matti

Það er fróðlegt að lesa þessa þræði og sjá hvað menn geta æsts sig upp yfir litlu. Þetta er í fyrsta skipti sem ég skrifa á þetta spjallsvæði hjá 4×4, en nú get ég ekki orða bundist. Það er rangt sem skrifað er í einu blogginu um að áður fyrr hafi verið alger einokun á flugeldasölu í Reykjavík. Þegar Hjálparsveit skáta í Reykjavík byrjaði sína flugeldasölu fyrir að mig minnir 39 árum (áramótin ´68-´69) þá höfðu verið seldir flugeldar í öllum sjoppum og matvöruverslunum á höfuðborgarsvæðinu. Við sem munum eftir Borgarbúðinni í Kópavogi, munum eftir því að hafa keypt kínverja af Jóa ogt fleira dót. Með tilkomu flugeldamarkaða HSSR breytist verulega sölumunstur hjá flugeldasölum og smátt og smátt hætta sjoppurnar og matvörubúðirnar að selja þessa vöru og þetta verður aðalfjáröflunarleiðir fyrst íþróttafélaga og seinna koma svo Slysó menn og Flugbjörgunarsveitin er tiltölulega nýbyrjuð að selja þessar vörur. Það er alveg rétt sem hefur komið fram hér á síðunni að þetta er aðalfjáröflunarleið nánast allra björgunarsveita og þau íþróttafélög sem eru að selja þessa vöru hljóta að fá eitthvað út úr þessu annars væru þau ekki að hafa fyrir þessu. Álagning á þessa vöru hefur farið lækkandi í gegnum tíðina og hvort því sé að þakka einkaaðilum eða breyttum hugsunarhætti annarra er ekki gott að dæma um. Oft er betra að selja mikið fyrir lítið en lítið fyrir mikið. Sem félagi í HSSR til margra ára hef ég munað eftir skinum og skúrum í hagnaðinum, fyrstu árin var ágóðin ekki mikill en jafnframt var þörfin mest til að byggja upp starfið og tækjakost sveitarinnar. Ég man líka eftir ári sem við fórum út á sléttu græddum ekkert og töpuðum engu, mig minnir að veðrið hafi verið eins og nú sem gerði strikið í reikningin það árið. Sem betur fer hefur markaðurinn stækkað verulega og efnahagur landans batnað að sama skapi.
Ég er ekki sammála að Björgunarsveitir eigi að keppa við aðra á verðum, því þær þurfa að græða á þessu eins og allir sem eru í viðskiptum. Ef einkaaðilar eru að gera góða hluti með því að selja ódýrari flugelda en Björgunarsveitirnar þá er það bara í lagi, þeir þurfa kannski minna en stór Björgunarsveit. Ef allir ætluðu að vera með lægstu verðin, hver yrði gróðin þá og er ég hræddur um að einkaaðilar yrðu fyrr til að fara út úr þessum viðskiptum með sárt enni því ég reikna með að þeir þurfi að borga sölufólki sínu laun eins og aðrir einkaaðilar í rekstri.
Það sem björgunarsveitir hafa fram yfir einkaaðila er orðsporið sem þeir vinna sér inn á milli áramóta og viðskiptavinir þeirra eru oftast að versla við þær til að þakka þeim fyrir vel unni störf í þágu almennings í landinu, störf sem eingöngu eru unnin í sjálfboðavinnu.
Það er vonandi ekki óskir landans að þessi starfsemi leggist niður og skattgreiðendur verði látnir borga með hærri sköttum svona starfsemi.
Með þessum skrifum er ég ekki að hvetja neinn til að versla við Björgunarsveitirnar, það verður hver að gera upp við sína samvisku.
Óska síðan öllum gleðilegra áramóta og skjótið upp sem mestu þá græða vonandi allir.