This topic contains 24 replies, has 1 voice, and was last updated by 
-
Topic
-
Á fundi ferðafrelsinefndar (með aðkomu fjölda félagasamtaka) í kvöld var skipað í framkvæmdanefnd fyrir verkefni útivistarfélaga á Íslandi um að halda stærstu jarðarför fyrr og síðar í Vonarskarði 2. október kl. 13:00. Í nefndinni eru Unnar Garðarsson, Davíð Ingason, Einar Haraldsson, Jón Snæland, Guðmundur G. Kristinsson og Sveinbjörn Halldórsson sem fer fyrir nefndinni.
Fyrsta verkefni nefndarinnar verður að undirbúa stærstu jarðarför fyrr og síðar á Íslandi þar sem jarða á ferðafrelsi á Íslandi með táknrænum hætti með tilvísun í væntanlega lokun á Vonarskarði.
Stefnt er að því að þúsundir áhugafólks um ferðafrelsi hittist á ákveðnum stað í Vonarskarði 2. október (nánari staðsetning kemur síðar) og fulltrúar fjölda útivistarfélaga reisi þar saman einn stærsta kross á Íslandi með áletrun um hin geræðislegu vinnubrögð stjórnvalda sem hafa verið viðhöfð í undirbúningsvinnu að Vatnajökulsþjóðgarði og stækkun friðlands í Þjórsárverum.
Mörg önnur verkefni eru í farvatninu og verður þeim gerð skil næstu daga hér á vefnum hjá Ferðaklúbbnum 4×4 og á vefsíðu fjölda annarra útivistarfélaga á landinu. Má þar til dæmis nefna sjónvarpsþátt um vinnubrögð stjórnvalda, kæru til umboðsmanns alþingis, stjórnvaldskæru á stjórnvöld og fleira.
Hér er opnaður spjallþráður um þetta málefni og við hvetjum alla sem hafa áhuga á ferðafrelsi til að tjá sig hér.
Guðmundur G. Kristinsson
Ferðafrelsinefnd
-
Replies
-
Er von til þess að einhverjir verði í samfloti á laugardaginn frá Reykjavík?
Verður klúbburinn með eitthvað ferðaskipulag sem meðlimir geta hengt sig á?
[quote="Svana":30xqryj4]
Það verður heilsíða í Fréttablaðinu í næstu viku og stefnt að því að hafa þar upplýsingar um staði vítt og breytt um landið þar sem fólk hittist og leggur saman af stað frá.
[/quote:30xqryj4]
Anonymous- Umræður: 0
- Svör: 16404
Ég var beðinn að setja eftirfarandi á þennan spjallþráð.
Góðan dag.
Birkir Rútsson heiti ég og er við nám í Danmörku. Ég kem til Íslands á föstudaginn næsta og væri til í að taka þátt í þessari jarðarför. Þannig að ef þið vitið um einhvern sem væri til í félagsskap á laugardaginn þá megið þið láta mig vita, ég myndi að sjálfsögðu taka þátt í eldsneytiskostnaði. Ég var mikill fjalla- og jeppamaður þegar ég bjó á íslandi og er einstaklega þægilegur í umgengni.Hægt er að hafa samband við mig í:
Póstfang birkir.rutsson@gmail.com
Tölvusíma 4992215
Danskan farsíma 0045 29868867
Nú er undirbúningur fyrir jarðarförina á ferðafrelsinu í Vonarskarði næsta laugardag kominn á fullt. Prentaðir hafa verið auglýsingaborðar um þetta verkefni sem þurfa að fara á alla bíla hjá félögum í Ferðaklúbbnum 4×4. Þetta er fljótleg og örugg leið til að vekja athygli á þessum merka viðburði. Borðana er hægt að nálgast á verkstæði Jóns Snælands sem er Vagnhöfða 7 á Ártúnshöfðanum (sama bílaplan og hjá Stál og stansar) og hann getur aðstoðað við að setja þetta á bílinn. Það eru tvær stærðir til (60×20 cm og 45 x15 cm) og fólk getur valið hvaða stærð henti. Gert er ráð fyrir að setja borðana á afturrúðu, en fyrir þá hörðustu geta þeir líka sett á hlið bíla beggja megin. Þetta er tækifæri hins almenna félagsmanns til að koma skilaboðum til fjöldans. Það ætti enginn félagsmaður að aka um bæinn án þessa borða.
Guðmundur G. Kristinsson
Ferðafrelsisnefn
You must be logged in to reply to this topic.