This topic contains 24 replies, has 1 voice, and was last updated by 
-
Topic
-
Á fundi ferðafrelsinefndar (með aðkomu fjölda félagasamtaka) í kvöld var skipað í framkvæmdanefnd fyrir verkefni útivistarfélaga á Íslandi um að halda stærstu jarðarför fyrr og síðar í Vonarskarði 2. október kl. 13:00. Í nefndinni eru Unnar Garðarsson, Davíð Ingason, Einar Haraldsson, Jón Snæland, Guðmundur G. Kristinsson og Sveinbjörn Halldórsson sem fer fyrir nefndinni.
Fyrsta verkefni nefndarinnar verður að undirbúa stærstu jarðarför fyrr og síðar á Íslandi þar sem jarða á ferðafrelsi á Íslandi með táknrænum hætti með tilvísun í væntanlega lokun á Vonarskarði.
Stefnt er að því að þúsundir áhugafólks um ferðafrelsi hittist á ákveðnum stað í Vonarskarði 2. október (nánari staðsetning kemur síðar) og fulltrúar fjölda útivistarfélaga reisi þar saman einn stærsta kross á Íslandi með áletrun um hin geræðislegu vinnubrögð stjórnvalda sem hafa verið viðhöfð í undirbúningsvinnu að Vatnajökulsþjóðgarði og stækkun friðlands í Þjórsárverum.
Mörg önnur verkefni eru í farvatninu og verður þeim gerð skil næstu daga hér á vefnum hjá Ferðaklúbbnum 4×4 og á vefsíðu fjölda annarra útivistarfélaga á landinu. Má þar til dæmis nefna sjónvarpsþátt um vinnubrögð stjórnvalda, kæru til umboðsmanns alþingis, stjórnvaldskæru á stjórnvöld og fleira.
Hér er opnaður spjallþráður um þetta málefni og við hvetjum alla sem hafa áhuga á ferðafrelsi til að tjá sig hér.
Guðmundur G. Kristinsson
Ferðafrelsinefnd
-
Replies
-
VÁ til hamingju! þetta er frábært:) mikið djö lýst mér vel á þetta. Og koma svo félagsmenn ALLIR á staðinn.
kv Gísli Þór
Sæl
Þetta er glæsileg auglýsing. Nú er bara að taka höndum saman og mæta.Kveðja
Sveinbjörn
Nú þarf að fjölmenna
kv OfsiPS og dreifa þessu á feisinu
Anonymous- Umræður: 0
- Svör: 16404
Þetta er það besta sem ég hef heyrt frá því ég fékk bílprófið. Mæti að sjálfsögðu svartklæddur með steyttan hnefann.
Kveðja SBS.
Mæti klárlega þarna með fullan bíl af fólki.
Kveðja:
Erlingur Harðar
Ég kem. Vantar ekki kór ? Spurning um Fjallabræður ? Segi bara svona… :o)
Mæta í "betri klæðnaði" t.d. svörtum jakkafötum!
Kveðja:
Erlingur Harðar
Ég mæti og mun fá eins marga og ég get til að gera slíkt hið sama.
Freyr Þórsson, R-3671
Legg til að framleidd verði sorgarbönd til að líma á jeppana áður en farið er af stað og einnig á persónubílinn látum sorgarbandið sjást alls staðar í umferðinni með því sést styrkur okkar ef ráðamenn hafa þetta alls staðar fyrir augum.
Legg einnig til að sótt verði um stöðuleifi fyrir krossinum í vonarskarði þótt það fáist örugglega ekki á samt að reyna vegna auglýsingagildidins.
kv Gísli sem kemst ekki vegna utanlandsferðar en verður svo sannarlega með í anda
Hvern á svo að krossfesta á krossinn??
Ég ætla að mæta í Vonarskarðið á jarðarför,finnst þetta gott frammtak.Tetta byrjaði allt saman 1969 þegar byggður var skáli í Jökuldal (er stundum uppnefndur Nýidalur)þá var komin jeppaslóð inn allan Jökuldal inn að Kaldagili sem var lokað,og þikir mér það afar sorglegt,þarna er fallegur dalur gróinn að hluta sem fólki er bannað að sjá og njóta.Svo var lokað fyrir bíla í skálann í Hrafntinnuskeri,ég lenti illa í því vissi ekki að þetta væri lokað,keyrði uppeftir að sumarlagi og það hreinlega varð allt vitlaust,landverðir hreinlega gengu af göflunum.Ég var að trússa göngufólk um Laugaveginn,en þarna lentum við í vondum málum þannig að það var ekkert um annað að ræða en leysa upp hópinn og fara heim.Þannig fór það.
Nú er verið að loka veginum um Vonarskarð,þarna finnst mér of langt gengið,við eigum þetta land og getum ekki látið öfgasinnaða umhverfissinna slá eign sinni á landið með því að banna alla umferð.Ég held að sumt af þessu liði hafi ekki komið á þessa staði og viti ekki alveg hvað það er að gera,er aðallega að keyra milli Rykjavíkur og KeflavíkurBaráttukveðja Eirikur Sig.
.
Já vissi ekki þetta með Hrafntinnusker að það mætti ekki keyra að skálanum, menn komast varla orðið hjá því að vera lögbrjótar, það má ekkert orðið, þú hefðir bara átt að lúðra skálavarðar greijið þá hefði hann vonandi þagnað, Nei þetta er orðið óþolandi….
Það hefur fallið dómur í máli vegna "utanvegaakstur" að Hrafntinnuskeri. "Utanvegaraksturinn" var dæmdur löglegur enda verið að aka veg sem lagður var fyrir ríkisfé (Landsvirkunar).
Líklega um 10 ár síðan þetta var. Grunur er að raunverulega ástæðan hafi verið að FÍ vildi ekki samkeppni á laugarveginum, vildi ekki trússferðir eftir honum (eða þannig hljómaði þetta allt allavega).
kv
Rúnar
Sælir.
Tek undir með Eiríki. Ég man þessa tíma.
Vil samt benda á að okkar ágæta Svandís umhverfisráðherra er ekki búin að samþykkja tillögur þjóðgarðsins og á næstu dögum koma rök í Fréttablaðinu fyrir því af hverju ráðherra á ekki að samþykkja tillögur Vatnajökulsþjóðgarðsnefndar.
Hvet alla félagsmenn til að taka þátt í ferðinni.Kveðja
Elli.
Ég hef lengi haft í huga að sjá þetta landssvæði. Mun því mæta, enda á ég ekki von á að ég fari þetta gangandi.
M.a.o. Mæta menn ekki með svört hálsbindi til jarðarfarar?Kveðja, Pétur Þórðarson R4137
Ég mæti, mun mæta með svartar slaufur á loftnetum og í svörtum jakkafötum í þessu tilefni.
Og kvet ég alla til að mæta hafi þeir tök á að mæta.
Ákveðið hefur verið að prenta límborða í 60×20 og 45×15 sentimetra stærð í einhverjum hundruðum. Stefnt er að því að dreifa honum á sem flesta aðila innan okkar hóps til að líma á afturúðu bíla sem eru að aka um borgina. Ef 50 manns dreifa þessu á 10 bíla í fjöldskyldu verða 500 ti 1000 bílar í umferðinni með þennan stóra auglýsingaborða sem auglýsir viðburðinn okkar í Vonarskarði 2. október. Við látum vita hér hvert hægt verður að sækja borðana.
Það verður heilsíða í Fréttablaðinu í næstu viku og stefnt að því að hafa þar upplýsingar um staði vítt og breytt um landið þar sem fólk hittist og leggur saman af stað frá.
Rætt hefur verið um að fulltrúar þeirra aðila sem standa að verkefninu reisi saman krossinn í Vonarskarði.
Verið er að huga að skipulagi á ferðatilhögun og skoða hvar/hvort hægt sé hægt að leggja bílum, hvar eigi að hittast og reisa krossinn (fólk gengur frá bílum að þeim stað). 500 bílar eru þrír til fimm kílómetrar á vegi og huga þarf að hvernig geti snúið við. Það verður að vera forgang fyrir fulltrúa félaga sem reisa krossinn og fjölmiðla ásamt því að huga þarf að öryggismálum og hafa klára viðbragðsáætlun ef eitthvað kemur upp á. Þetta er mikið verkefni og það verður að skoða alla þætti sem gætu skapað vandræði. Við verðum að tryggja 100% að í þessari ferð verði ekki utanvegaakstur, frekar en í öðrum ferðum um hálendið.
[b:21c0qb1z]Guðmundur G. Kristinsson[/b:21c0qb1z]
Í Ferðafrelsinefnd F4x4 og átakshópi um aðgerðir gegn takmörkunum á ferðafrelsi
Góða kvöldið.
Ef nefndin vill góð ráð við skipulagningu svona ferðar, þá er ég klár við símann :O) Við Jói höfum lent í einu og öðru með Pajeroklúbbinn. Reyndar er metið þar um 110 bílar. 1000 bíla ferðin gekk líka vel.
Spurning að fá útvarpið leigt hjá Skátunum (FM100,7 algjör snilld, einfalt að koma skilaboðum í alla bíla) (það verður algjört kaos á VHF rásum, ef 500 ökumenn eru að "gjamma" þar), Gjallarhorn ?, koma skipulagi ferðarinnar í alla bíla, ljósrit af landakorti með teikningu inn á þar sem á að snúa við, VHF handstöðvar á starfsmenn sem stjórna á vettvangi, annað skipulag við bílastæði (best er að láta menn aka í hring þar sem á að snúa og aka strax til baka (ekkert hik…), ekki láta hvern og einn snúa við á veginum), merkingar ? Klósett ?
Hugsanlega verður pláss í mínum bíl, td fyrir gesti klúbbsins, fjölmiðlamenn, eða jafnvel forsetann :O)
Kv Palli sími 664-2103
Jón Snæland var ferðafrelsinu til sóma í viðtali í fréttum Stöðvar 2. Hægt er að sjá viðtalið [url=http://vefmidlar.visir.is/VefTV/?channelID=STOD2&programID=d93d6ddc-f3df-4c27-90e2-28d49738f306&mediaSourceID=616f69a9-c348-4e6d-9149-204af7079cfd&mediaClipID=c3a2a467-3231-49a7-9a2b-ae892ced86a1:2ndbdfqe]hér[/url:2ndbdfqe]. En þar koma þeir vel fyrir bæði Ofsinn og Unnar Garðarsson ferðaþjónustuaðili í Hólaskógi
Kveðja
Didda
Unnar Garðarsson vert og greifinn af Hólaskógi bíður öllum fría gistingu í skálanum á meðan húsrúm leifir á föstudags og laugardagskvöldinu í tengslum við jarðarför ferðafrelsisins. Allar upplýsingar um skálann og fyrirtækið á http://www.obyggdaferdir.is/
You must be logged in to reply to this topic.