This topic contains 12 replies, has 1 voice, and was last updated by 
-
Topic
-
AnonymousFerðaklúbburinn 4×4
Spurningar um tryggingastöðu breyttra jeppabifreiða.Tryggingafélag: Sjóvá-Almennar
1. Hvaða viðmiðanir notið þið við verðmat á breyttri jeppabifreið við altjón?
a) Viðmiðunarverð óbreyttrar bifreiðar skv. lista Bílgreinasambandsins.
b) Verðmat bílasölu á viðkomandi jeppa eða sambærilegs breytts jeppa.
c) Mat starfsmanna tryggingafélagsins á viðkomandi bifreið.Svar:
2. Þarf tryggingataki að gera einhverjar ráðstafanir til að tryggja að bótafjárhæð sé í samræmi við raunverulegt verðmæti breyttrar bifreiðar?
Svar:
3. Getur tryggingataki áfrýað úrskurði um bótafjárhæð eða brugðist við með einhverjum hætti sé hann ósáttur við bótafjárhæð?
Svar:
4. Hvað af eftirtöldum aukabúnaði er bætt þegar um er að ræða tjón sem fellur undir kaskótryggingu / utanvegakaskó ?
a) Fjarskiptabúnaður (talstöðvar, símar)
b) Fasttengd GPS fjarskiptatæki
c) Hljómflutningstæki
d) Loftnet
e) Ljóskastarar
f) Farangursbox og aðrar utanáliggjandi hirslur
g) Fasttengdur straumbreytir
h) Fartölvur fyrir leiðsögukerfiSvar:
5. Bætir kaskótrygging eða utanvega kaskó tjón á vélbúnaði eða drifás birfreiðar við vatnstjón eða annað tjón sem ekki er rekið til slits?
Svar:
6. Bætir kaskótrygging ykkar tjón við akstur við eftirtaldar aðstæður?
a) Tjón við akstur á ómerktum vegslóðum
b) Tjón við akstur utan vega á snjó og frosinni jörð
c) Tjón við akstur yfir óbrúaðar ár
d) Tjón við akstur á jöklumSvar:
7. Eru einhverjar aðrar takmarkanir á því við hvaða aðstæður tjón er bætt þegar um er að ræða kaskótryggingu?
Svar:
8. Bætir utanvega kaskótrygging ykkar tjón við akstur við eftirtaldar aðstæður?
a) Tjón við akstur á ómerktum vegslóðum
b) Tjón við akstur utan vega á snjó og frosinni jörð
c) Tjón við akstur yfir óbrúaðar ár
d) Tjón við akstur á jöklumSvar:
9. Eru einhverjar aðrar takmarkanir á því við hvaða aðstæður tjón er bætt þegar um er að ræða utanvega kaskótryggingu?
Svar:
10. Annað sem þú óskar eftir að komi fram
Staðfest að ofanritaðar upplýsingar eru samkvæmt bótareglum tryggingafélagsins:
___________________________
Nafn undirritaðs í prentstöfum:
Starfstitill undirritaðs:
-
Replies
-
Hér að ofan er spurningarlisti sá er við sendum á tryggingarfélöginn fyrir u.þ.b 3 vikum. Eitt félag hefur svarað og copy-pasta ég meilið inn í þráðinn
—–Original Message—–
From: Skúli H. Skúlason [mailto:skulihs@internet.is]
Sent: 31. mars 2006 15:56
To: Smári Ríkarðsson
Subject: Re: FW: Spurningar um tryggingastöðu breyttra jeppaSæll Smári og takk fyrir svörin. Við skoðum þetta og verðum í sambandi ef við viljum skoða málin nánar. Hugsanlegt væri að hafa einhvers konar kynningu á þessum málum á félagsfundi, en það væri þá líklega ekki fyrr en næsta vetur.
Kveðja – SkúliOn Fri, 31 Mar 2006 15:00:41 -0000
Smári Ríkarðsson [HTML_END_DOCUMENT] wrote:
>
>
> > Sæll Skúli
> >
> > Ég fékk spurningarlista þinn inn á borð hjá mér.
> >
> > Þú leggur fram nokkrar spurningar til að kynna þér vátryggingavernd
> > sem á
> við ökutæki félagsmanna þinna
> >
> > Spurningarnar eru í einhverjum tilfellum misvísandi og þarfnast
> > svara sem
> eru ekki endilega já eða nei.
> >
> > Ég bendi á að við vildum gjarnan fá þig og þína félaga í heimsókn
> > til að
> fara yfir þessi mál til að þinn klúbbur geti fengið okkar sýn á málið
> auk þess sem 4X4 getur komið með innlegg í umræðuna og þá lagfært
> okkar skilmála og kjör.
> >
> > Vörður Íslandstrygging hf er ekki með sérstaka "utanvegakaskó" en
> > hefur
> sérákvæði í skilmálum sem þrefaldar eigináhættu gerist tjón utanvega.
> >
> > Öll svör hér að neðan eru til að nálgast rétta niðurstöðu. Hvert
> > tjón er
> einstakt en auðuvitað eru í gildi skilmálar sem eiga að ná yfir þá
> atburðarrás. Skilmálar eru tæmandi upplýsingar um gildissvið
> vátryggingarinnar.
> >
> > Það er mikill munur á uppgjöri ef tjón er gangnvart þriðja aðila
> (ábyrgðartjón) eða ef um kaskótjón er að ræða. Annars vegar er verið
> að gera upp hagsmuni samkvæmt skaðabótalögum en hins vegar er verið að
> gera upp samkævm gefnum skilmála sem er tæmandi upptalning atburða eða
> sviðs sem vátryggt er fyrir. Ég bendi á heimasíðuna http://www.vordur.is
> >
> > 1. spurning: Verðmat á bíl fer eftir skilmála. Ef um er að ræða
> ábyrgðartjón, þ.e vátryggður ekur á breyttan bíl sem er þriðji aðili,
> sem félagið þarf að greiða þá er um það að ræða að fara að lögum.
> Verðmat er þá áætlað söluverðmæti ökutækisins rétt fyrir tjón. Ef um
> kaskótjón er að ræða þarf að vátryggja breytingar sérstaklega, þ.e.
> Iðgjaldið miðast við óbreyttan bíl, venjulegan bíl, ef virðisauki er á bílnum þá þarf að vátryggja það.
> >
> > Við verðmat á ökutæki eru síðan þættir eins og umgengni útfærsla
> > slit
> o.s.frv. til með að hafa áhrif.
> >
> > 2. ég bendi á svarið hér að ofan það er eðlilegt að iðgjald sé hærra
> > á
> bílum sem eru dýrari en sá hefðbundni þegar við tölum um kaskó.
> >
> > 3. Það er hlutverk hvers og eins að sanna sitt tjón með einhverjum hætti.
> Það er líka hlutverk hvers eiganda ökutækis að passa að það sé
> vátryggt í samræmi við notkun og útbúnað. Ef ágreiningur er um
> bótafjárhæðir er hægt að skjóta þeim til dómkvaddra matsmanna og svo
> er auðvitað hægt að fara með það á hærri dómsstig ef samningar nást
> ekki. Til upplýsinga þá er sjaldan ágreiningur í þessum efnum.
> >
> > 4. Við bjóðum upp á kaskótryggingu og hún innifelur í sér utanvega
> > kaskó þá
> með 3Xeigináhættu. Sú vátryggir þegar ekið er á ómerktum slóðum og slíku.
> Má lesa í: skilmála og almennar skilgreiningar, sjá eigináhætta 10.2 grein.
> "Verið hið vátryggða ökutæki fyrir bótaskyldu tjóni við akstur utan
> þjóvegakerfis ber vátryggingartaki þrefalda eigináhættu…. ".
> >
> > 5. þessu er erfitt að svara. Hljómflutningstækin eru í skilmála með
> eigináhættum og hámarksbótum, lofntnetin bætum við nema það sé ekki
> áfast, við höfum bætt ljóskastara enda eru þeir væntanlega varanlega
> festir og hluti af fylgibúnaði bílsins, fasttengdur straumbreytir er
> líklega sama dæmið og því bætt, en auðvitað er þetta spurning um
> verðmæti og að upplýsa aukabúnað í bílnum. Bendin á 7.5 grein í
> kaskóskilmálum. Allt þetta er síðan háð varúðarreglum.
> >
> > 6.Vatnstjón er ekki bætt nema það falli undir útafakstur. Eins með
> vélbúnað eða drifás það er skilgreint í skilmálum.
> >
> > 7. fyrst vil ég nefna varúðarreglur.AB og D er já en vatnstjon eru
> > ekki
> bætt
> >
> > 8. já ég bendi á skilmálana í þessum efnum. Skilmálar eru tæmandi
> upplýsingar um bótasviðið.
> >
> > Spurning 9 og 10 sjá 7 og 8
> >
> > 11. annað sem ég óska eftir að taka fram.
> >
> > Ég tel eðlilegt að félagsskapurinn fái lögfræðimat í þessum efnum,
> > ef þessi
> mál eru að ykkar mati í ólestri. Jafnframt stendur tilboð um að hitta
> félagsmenn til að fara yfir þessi málefni.
> >
> > Þetta er svarað eftir bestu vitund en eins og áður er ritað þá
> > standa
> skilmálar á bak við vátrygginguna.
> >
> >
> > Smári Ríkarðsson
> > Forstöðumaður tjónasviðs
> Vörður Íslandstrygging hf
ætli maður verði ekki að reina bera saman spurningar og svör í dag og gá hvort maður komist að niðurstöðu og hvort maður fá eitthvað vitrænt út úr þessu.
En hér er smá saga: konan vinnur í Kringlunni og er búin að vinna þar lengi. alltaf af og til eru tryggingarfélög, bankar og aðrir að reyna að pranga inn á han ýmsum hlutum. Hún er vön að svar tryggingarsölumönnum því til að hún sé með breyttan jeppa sem er mikið notaður á hálendinu og því geti hún haft áhuga. Þá segja sölumennirni ávalt að þeir ætli að kanna þetta og þeir muni hafa samband eftri helgi. Þeir hafa að vísu aldrei haft samband og sýnir það kannski aðeins stöðu jeppamanna.
að lesa þetta og ég held að það sé hægt að segja það að það hafi ekki komið eitt vitrænt svar við einni einustu spurningu. Og fær því Vörður 0.5 fyrir viðleitni en því miður voru þeir með röng svör við öllum spurningunum. annars finnst mér skrítið hversu menn eru áhugalausir um þetta, þó svo að ég skilji vel að tryggingarmál séu eitt það leiðinlegasta sem maður kemur nálægt og sannar þetta meil það.
Það er ekki auðvelt að lesa úr þessu svona og eiginlega nauðsynlegt að stilla þessu betur upp saman svo auðveldara sé að lesa út úr því. Það sem ég gat þó áttað mig á úr þessu sem ég var ekki með á hreinu áður og það er að ef ég ætla að fá bætur úr kaskóinu sem eru í einhverju samræmi við verðmæti bílsins þarf ég að láta meta hann eins og hann er og lista upp öll fínheitin sem ég er búinn að setja í hann og fasttengja. Þannig get ég fengið bótamat sem er í samræmi við raunverulegt verðmæti bílsins, en þá þýðir það líka hærra iðngjald sem er kannski eðlilegt. Eftir að bíllinn varð skuldlaus hjá mér tók ég hann úr kaskó einfaldlega vegna þess að ég var viss um að ef eitthvað kæmi fyrir hann fengi ég aldrei bætur í samræmi við verðmætið og svo ef það er tjón í utanvegakaskó er eigin áhætta mikið hærri og þá gera bæturnar í sjálfu sér lítið. Það er þó strax skárra ef hægt er að fá matið hækkað þannig að það nálgist verðmæti bílsins.
Svo vil ég gefa Verði prik fyrir að vera fyrstir til að svara og spennandi að sjá hver svarar næst.
Kv – Skúli
þá fær Vörður 0.5 í einkunn fyrir að vera fyrstir með svar og 0.5 fyrir viðleitin. En mínus 0.5 fyrir loðin og óljós svör. Svo þeir verða að sætta sig við 0.5. En eiga svo nýjan möguleika að ári.
væri ekki ráð að ráða Smára Ríkarðsson sem upplýsingarfulltrúa 4×4
3. Það er hlutverk hvers og eins að sanna sitt tjón með einhverjum hætti.
> Það er líka hlutverk hvers eiganda ökutækis að passa að það sé
> vátryggt í samræmi við notkun og útbúnað. Ef ágreiningur er um
> bótafjárhæðir er hægt að skjóta þeim til dómkvaddra matsmanna og svo
> er auðvitað hægt að fara með það á hærri dómsstig ef samningar nást
> ekki. Til upplýsinga þá er sjaldan ágreiningur í þessum efnum.
Þessu er ég nýbúinn að lenda í. Mér var sagt að ég þurfi að sanna að bíllinn minn hefði verið í lagi fyrir tjónið. S.s. ég á að þurfa að sanna að hlutir eins og millikassar, drif og öxlar séu í lagi fyrir tjón þótt ég geti sýnt þeim lið fyrir lið hvernig hlutirnir skemmast við það högg sem bíllinn lendi í. Sanngjarnt?
Ég veit um eitt leiðinlegt dæmi, þar sem 44" jeppi valt í hálku. Hann var í kaskó og fékkst ekkert bætt vegna þess að hjá Sjóvá var hann skráður sem 38". Samt hafði Sjóvá skoðað jeppann á 44" dekkjunum fyrir kaskó trygginguna!
Endilega tékkið á því hvort ykkar jeppar séu rétt skráðir hjá þeim!kv. Kristinn
Sælir
Ég veit ekki hvernig tryggingafélögin tryggja breytta bíla. Trúlega er ekkert erfitt að finna út hvað nýr og nýbreyttur bíll er mikils virði og fá hann skráðann sem slíkann en hversu mikið reikna þeir sem afföll af breytingu.
Einhver þöngulhaus hjá Toyotu sagði að gera mætti ráð fyrir að hverskyns breyting verðfalli um 25% frá upphaflegri tölu á hverju ári í þrjú ár en síðasti fjórðungurinn stæði félli í takt við bílinn. Þetta gætu tryggingafélögin notað sem viðmiðun og trúlega komist upp með það.
Ég held fast í skoðun mína að eiga bíl sem kostar ekki mikið og tryggja sem minnst.
Kv Izan
P.s.
Sæl öll
Eru nokkuð einhver fleiri félög búin að svara?
Það væri frábært ef hægt væri að fá inn upplýsingar um hvar skynsamlegast er að tryggja gagnvart okkur jeppafólki.
Ég mun hiklaust skipta um tryggingarfélag ef einhver aðili stendur sig betur en annar varðandi utanvegaakstur.Kveðja
Arnór
Nei tryggingarfélöginn hafa ekki svarað þrátt fyrir ýtrekanir. Að mínu viti er það nokkur eðlilegt að þau svari ekki, í ljósi þess slæma málstaða sem þau hafa að verja.
ég verð að segja að ég sé sammála Arnóri.
Af gefinni reynslu þar sem ég lenti í tjóni sem ég var í 100% rétti.
Fékk ég tjónið ekki greitt að fullu þar sem að mér var sagt á endanum að ég þurfi að sanna að nokkur atriði sem fóru í tjóninu hefðu verið í lagi fyrir slysið.
Og hin atriðin fékk ég bætt eftir mikið strögl og leiðindi. Og voru þeir alltaf að reyna að setja mig í aðstöðu þar sem að bíllinn færi á verkstæði, rifinn og ef að hægt væri að kenna tjóninu um skemmdirnar fengi ég þau bætt en ef ekki þá borgi ég verkstæðið.
En þetta endaði í að ég samþikti sátt þar sem ég var orðinn leiður á að hafa bílinn ekki ökufærann og leiður á veseninu. En ég tel eftir á að ég hafi fengið sirka 2/3 hluta tjónsins bætt.
You must be logged in to reply to this topic.