This topic contains 12 replies, has 1 voice, and was last updated by 
-
Topic
-
Sæl öll
Kemst ekki á fundinn á eftir vegna prófalesturs en mér þykir eftirfarandi erindi fróðlegt:
„Sif Gylfadóttir flytur áhugavert erindi um lengri kyrrsetu í bílum og áhrif þess á líkamann.“
Yrði þakklátur ef einnhver sem fer á fundinn á eftir væri til í að setja hingað inn einhverja punkta um þetta.
Kv. Freyr
-
Replies
-
Anonymous- Umræður: 0
- Svör: 16404
Rétt hjá þér að setja prófin í forgang. Ég reyndi að setja glærurnar hennar Sifjar í viðhengi í þetta innlegg en skráin reyndist of stór, skráin má ekki vera stærri en 513Mb (mætti lyfta þessu í 1000Mb, ef tæknilega fýsilegt). Ég sendi þér þær í tp.
ÓE
Ég skildi fyrirlesturinn hennar þannig að maður ætti að sleppa því að keyra og ganga eða hjóla í staðin.
En ef maður þyrfti nauðsynlega að keyra að stoppa þá á amk klukkustundar fresti og ganga eða gera æfingar til að koma blóðinu á hreyfingu, svo maður fái ekki blóðtappa. Sú hreyfing á ekki að vera í formi þess að standa fyrir utan bílinn og kveikja sér í sígó, heldur hreyfa sig rösklega í nokkrar mínútur.
Hún ráðlagði að skipuleggja ferðirnar þannig að gert sé ráð fyrir mörgum stoppum.
kv. Óli
Óskar var svo hjálplegur að hann sendi mér fyrirlesturinn
Ég las fyrirlesturinn og verð að segja að hann er frekar marklaus að mínu mati. Það vantar alveg tölfræðilegar upplýsingar til að þetta skýri í raun hversu mikil hættan er. Hún tekur eitt dæmi og það kemur úr skýrslu frá 2003 – "European Journal of Emergency Medicine. 2003,".
Sjálfsagt er hættan til staðar en ef hún væri raunveruleg þá hefðu fylgt tölulegar upplýsingar frá okkur hérna á klakanum en ekki 9 ára gamalt stakt dæmi frá Evrópu.
Þó má ekki gleyma því að ég get einungis lesið pdf skjalið en ekki hlustað á hana tala. Komu meiri upplýsingar frá henni á fundinum um umfang vandans hér á landi?
Kv. Freyr
Ekki sammála því að fyrirlesturinn hafi verið marklaus. Skortur á tölfræðilegum upplýsingum getur t.d. stafað af því að tölfræðin hafi ekki verið tekin saman, en hættan getur alveg verið til staðar engu að síður. Held t.d. að ekki séu til tölfræðilegar upplýsingar um vélaskipti í Patrol, en það þýðir ekki að það hafi aldrei farið hedd í þeim. Eða öxulbrot í Landróver, það kemur samt alveg fyrir að þeir brotna. Ég hafði ekki hugsað út í þessa hættu áður og hef of oft keyrt án stoppa í fjölda klukkustunda og verið farinn að finna fyrir doða í fótum af kyrrstöðu, en þetta kveikti allavega á perum hjá mér með að það sé kannski ekki svo góð hugmynd. Mesta hættan kannski þegar maður er kominn niður á malbik og á fyrir höndum langa og leiðinlega keyrslu heim.
Kv – Skúli
Sammála Skúla. Þetta var góður fyrirlestur. Góð atriði svo sem hvernig bláæðakerfið vinnur. Hreifing vöðva í útlimum hjálpar blóði í bláæðum leiðina að lungunum til að mettast súrefni á ný. Annars ef menn hlusta og fara eftir því sem líkaminn segir okkur þá kemur þetta að sjálfum sér. Foreldrar mínir höfðu þetta fyrir reglu að stopa til að hleypa okkur krökkunum út og var þá andrúmsloftið allt annað á eftir í bílnum. Ósjálfrátt hef ég gert þetta sjálfur þótt á klukkutíma fresti hafi ekki verið fastheldið.
Kv. SBS.
Sæll Freyr.
Athyglisvert að þér finnst fyrirlesturinn frekar marklaus þótt þú hafir ekki heyrt hann. Sif fékk 20 – 30 mín. til að tala um þetta efni. Sjálfsagt hefði hún getað verið eingöngu með tölulegar upplýsingar á þeim tíma. En hún tengdi þetta okkar ferðum og útskýrði einkenni sem við ættum að þekkja. Hún talar út frá glærunum svo það kemur margt annað framm. Þetta á við margt annað, oftast tengt löngu flugi.
Gott að stoppa og hreyfa sig öðru hvoru, gætum lengt í spilvírnum til að fá aðeins meiri hreyfingu !
mbk. Árni B.
Ég er sammála því sem fram hefur komið hér að ofan, mér fannst þetta áhugavert og vekur mann aðeins til umhugsunar. Þetta er eitthvað sem maður hefur kannski ekki hugsað svo mikið út í, en líklegt að maður breyti ferðatilhögun sinni eitthvað í framtíðinni mtt. þessara upplýsinga. Enda alltaf gaman að stoppa, spjalla, taka myndir og ná kannski blóðinu á smá hreyfingu í leiðinni.
Verð svo að hrósa Skúla fyrir flotta kynningu á Útivist, kynningu sem kveikti amk í okkur hjónum að ganga í þann félagsskap
kv. Óli
[quote="abni":rh70grdw]Sæll Freyr.
Athyglisvert að þér finnst fyrirlesturinn frekar marklaus þótt þú hafir ekki heyrt hann. Sif fékk 20 – 30 mín. til að tala um þetta efni. Sjálfsagt hefði hún getað verið eingöngu með tölulegar upplýsingar á þeim tíma. En hún tengdi þetta okkar ferðum og útskýrði einkenni sem við ættum að þekkja. Hún talar út frá glærunum svo það kemur margt annað framm. Þetta á við margt annað, oftast tengt löngu flugi.
Gott að stoppa og hreyfa sig öðru hvoru, gætum lengt í spilvírnum til að fá aðeins meiri hreyfingu !
mbk. Árni B.[/quote:rh70grdw]"Þó má ekki gleyma því að ég get einungis lesið pdf skjalið en ekki hlustað á hana tala. Komu meiri upplýsingar frá henni á fundinum um umfang vandans hér á landi?"
Skúli: Góð samlíkingin við bilanir, s.s. hedd í Patrol og öxla í rover, fékk mig til að hugsa…. Þó má ekki gleyma því að það er áþreifanlegur vandi sem við öll/flest þekkjum sem ferðumst á jeppum þar sem við höfum séð þá hluti margsinnis meðan ég þekki enginn dæmi um það sem um er að ræða hér og efast um að þið gerið það heldur?
Kveðja, Freyr
Freyr þú ert greinilega maður efasemdanna og auðvitað á maður ekki að láta telja sér trú um hvað sem er. Í þessu tilfelli sér maður samt rökrétt orsakasamhengi og hef einhvern vegin ekki trú á að það sé verið að fullyrða þetta út í bláinn. Reyndar rétt hjá þér að ég hafði ekki heyrt um skýr dæmi um blóðtappa af þessum sökum en hef heyrt um að menn hafi fengið blóðtappa án þess að vita neitt um orsökina. Núna þegar ég hef verið að segja fólki frá þessu hef ég heyrt hins vegar um allavega eitt dæmi, þá að vísu eftir flug en ekki akstur.
Kv – Skúli
P.s. takk fyrir hrósið Óli, gott að heyra að einhverjir hafi haft ánægju af að hlusta og þið Didda að sjálfsögðu velkomin í Útivist :o)
[quote="SkuliH":3471be51]Freyr þú ert greinilega maður efasemdanna og auðvitað á maður ekki að láta telja sér trú um hvað sem er. Í þessu tilfelli sér maður samt rökrétt orsakasamhengi og hef einhvern vegin ekki trú á að það sé verið að fullyrða þetta út í bláinn. Reyndar rétt hjá þér að ég hafði ekki heyrt um skýr dæmi um blóðtappa af þessum sökum en hef heyrt um að menn hafi fengið blóðtappa án þess að vita neitt um orsökina. Núna þegar ég hef verið að segja fólki frá þessu hef ég heyrt hins vegar um allavega eitt dæmi, þá að vísu eftir flug en ekki akstur.
Kv – Skúli
P.s. takk fyrir hrósið Óli, gott að heyra að einhverjir hafi haft ánægju af að hlusta og þið Didda að sjálfsögðu velkomin í Útivist :o)[/quote:3471be51]Þar hittir þú naglann á höfuðið, ég er svokallaður Einstein-isti "doubt everything". Sá hugsunarháttur hefur reynst mér vel í námi, starfi og bara almennt séð en fyrr vikið fer ég líka stundum í taugarnar á fólki…..;-)
Það er áreiðanlega ekki verið að fullyrða neitt út í bláinn og þessi umræða á fyllilega rétt á sér. Sjálfur þekki ég konu á besta aldri sem fékk blóðtappa í fót á löngu flugi (London-Tansanía) og ef ég man rétt fór tappinn m.a.s.af stað og fór upp í höfuðið en skemmdi sem betur fer ekki neitt.
Eftir þessar vangaveltur er ég að hugsa um að hafa samband við fyrirlesarann og spyrjast fyrir um þetta. Mun setja svörin hingað inn ef einhver eru.
Kv. Freyr
Anonymous- Umræður: 0
- Svör: 16404
Rétt há þér Freyr að fá svörin "straight from the horse’s mouth" og ef Sif hefur ekki svörin getur hún ábyggilega leiðbeint þér hvert er best að snúa sér.
ÓE
Anonymous- Umræður: 0
- Svör: 16404
Endilega póstaðu niðurstöðum þínum hér á spjallinu.
ÓE
You must be logged in to reply to this topic.