Fundargerð aðalfundar.

Sæll Þorgeir
Þetta er hluta til rétt hjá þér, það gafst aðeins tækifæri til að mæla formlega fyrir fyrstu tillögunni, en það var enginn sem gerði það, og raunar enginn sem studdi hana. Eftir að frávísunartillagan kom fram, meðan á umræður um fyrstu tillöguna stóðu fyrir, þá opnaði fundarstjóri fyrir umræður um allar tillögurnar. Ég man ekki hvort eitthver þeirra sem til máls tóku þá studdu eitthverjar þeirra, nú vantar fundargerðina.

Má ekki segja frá því hver átti hugmyndina að fyrstu tillögunni?

-Einar

Góðan dag
Það er með ólíkindum að horfa upp á hvernig þið trekk í trekk náið að rífast hér á vefspjalli klúbbsins eins og 5 ára krakkar að rífast um gröfu í sandkassa. Þessar umræðum um persónu fólks eiga ekki heima á vefspjalli klúbbsins. Ég er orðinn hundleiður á því að horfa upp á ykkur eyðileggja annars fjandi gott spjall.
Okkur almennum félagsmönnum er held ég alveg sama hvort það var Pétur eða Páll sem bar ábyrgð á hinu þessu og hver gerði þetta en ekki hitt í starfi nefnda. Það sem skiptir máli eru aðgerðir og ákvarðandir í nafni klúbbsins.
Hafið þið aldrei heyrt um að mannleg samskipti sem felast í að hringja eða setja á fund með stríðandi aðilum og leysa málin, hversu erfitt sem það getur verið. Ég óska eftir því sem almennur félagsmaður að þessari hryðjuverkastarfsemi á spjallinu ljúki hér með strax svo getum aftur snúið okkur að því að rífast um hvort Patrol sé betri en Toyota og hvort Tetra betri en GSM.
ferðakveðja
Agnar

Sælir félagar,

Birgir Már heiti ég og var hvattur til að svara spurningu varðandi tillögu að lagbreytingu á aðalfundi, ég nota aðgang konunar til að svara þar sem ég hef ekki aðgang sjálfur.

Ástæðan fyrir þessari tillögu var sú í fyrsta lagi að aflétta þeirri kvöð að þurfa senda út bréf til þess að auglýsa aðalfund fyrir ákveðin tímamörk annars væri hann ekki löglega boðaður í mínum huga eru auglýsingar í blöðum og á vef klúbbsins fullnægjandi. Hitt er annað mál að mér finnst sjálfsagt að það sé gefið út Setur fyrir aðalfund en samt að það sé ekki kvöð.
Á aðalfundinum sá ég ekki ástæðu til þess að styðja þessa tillögu frekar enda ekki nauðsynlegt, ég var líka sammála að hafna öllum hinum.
Ég vona að þetta skýri mál mitt eitthvað ef menn vilja frekari skýringu er hægt að senda póst á mig birgir@prent.is

með vinsemd og virðingu,
Birgir Már Georgsson
Stjórnarmaður 4×4

Það er rétt að það vantaði einhvern til að fylgja þessum laga breytingatillögum úr hlaði og síðan þarf að vera einhver stuðningsmaður eða sá sem styður tillöguna. Það voru mistök af hálfu tillöguflytjanda og þar sem mönnum gafst tækifæri að koma með tillögu sem gekk lengra, þ.e.a.s. tillagan um að fella laga breytingatillögurnar, þá þurfti að afgreiða hana fyrst og þess vegna náði ekki að koma þessum lagabreytingatillögum í gegn.
Fundarsköp geta verið beitt verkfæri fyrir þá sem kunna með þau að fara en ef allir eru með sitt á hreinu þá er þetta samt hið besta lýðræði.

kv,

Halldór

ég man ekki betur en við höfum rætt samann á annan klukkutíma í símanum í gær og mig minnir líka að það hafi verið útkljáð hjá okkur að Toyota væri mun betri jeppi en nissan, þurfum við að ræða þetta eitthvað frekar? eða þarf þetta að fara fyrir landsfund og aðalfund of svo félagsfund?

En ég er með lausn á þessu vandamáli sem greinilega er að éta klúbbinn upp innanfrá.

Stofnað verður sér vefsvæði fyrir vinstri og hægri (fram og aftur) öfgamenn innan 4x$ sem berjast á banaspjótum hér á þessu sviði. Vefsvæði þetta verður vistað á Cayman eyjum svo ekki verði hægt að lögsækja hlutaðeigandi fyrir meiðyrði eða önnur yrði !!

Þetta gerir það að venjulegir hefðbundnir félagar 4x$ geta aftur farið að hafa gaman af því að vera jeppamenn.

Já – ef maður vonaði að síðasti "fundur" (eftir alla umræðuna hér að ofan er ég ekki viss um hvaða fundur var þarna á ferðinni) myndi lægja öldurnar þá er sú von algjörlega orðin að vonbrigðum.

Nú skal venda kvæði í kross að er bara 1 bíl sem er bestur þó svo að hann
sé oft bilaður JEEP svo er það RAV4 sem kemst allt óbreitur, þetta snyst um
bílstjóran hvað hann getur. Svo koma allar hinar tíkurnar sem þarf að breita á
stæri dekk svo þeir komist út fyrir veg helst á 38t dekk og stæra Böðlabílstjóra
og Klauska. þetta er næri sanni þegar menn þurfa núna 54t dekk til að nota
yfir SUMARTÍMAN núna hvað verður í Vetur 60t eða stæra.
( Einn á 35t sem reinir að fara í förinn eftir RAV4 )

kv,,, MHN

Já ég verð að viðurkenna að ég vaknaði í morgun með óbragð í munninum og með höfuðverk eftir gærdaginn og eins furðulega og það hljómar þá man ég illa eftir þessu samtali okkar.
Reyndar var það þó um margt sögulegt þetta símtal þar mig rámar í kafla þar sem þú mærðir Patrolinn minn í bak og fyrir, maður er bara guðslifandi feginn að við vorum í sitthvorum landshlutanum, maður veit aldrei hvað hefði gerst …….. við hefðum kannski skipt á bílum !

Hvar er fundargerð aðalfundar?
Kv Þorgeir

Ágætu félagar í 4×4. Ég get ekki varist þeirri hugsun að undanfarið hafi púkinn á fjósbitanum orðið sællegri en góðu hófi gegnir og við sjálft liggi að hann sé hlaupinn í spik. Er ekki kominn tími til að við sendum kvikindið í megrun? Kveðjur, L.