This topic contains 122 replies, has 1 voice, and was last updated by 
-
Topic
-
Hvar er hægt að lesa fundargerð síðasta aðalfundar og er rétt að loka eigi spjallinu eins og kemur fram á öðrum þræði, ef rétt er finnst mér það fráleit ákvörðun. Bestu kveðjur Björn A 720
-
Replies
-
Undir Fróðleikur hér að ofan, næst neðst á síðunni er Fundargerðir
Þar finnurðu fyrri aðalfundagerðir.
Nýja stjórnin bar undir atkvæði hvort loka ætti spjallinu nema fyrir félaga og var það samþykkt.
Kveðja Lella
Mér finnst það bara allt í góðu lagi, en það má ekki loka auglýsingunum fyrir almenningi. Það væri fráleitt.
Kveðja
Þengill
Það verður ekki gert, það er bara verið að tala um að loka spjallinu fyrir almenningi.
Halldór R-1043
það er í góðu lagi að loka spjalli fyrir almenning. það er margt sem fer hér fram sem ekki á að vera nema fyrir félagsmenn.
kv
Þórður Ingi
Það sem ekki er ætlað fyrir almenning ætti að vera á lokuðum þræði sem þessum en aðrir þræðir opnir. Mér finnst algerlega fráleitt að loka spjallinu alveg fyrir almenningi.
Kv.
Ásgeir
Hvernig var þessum málum háttað í vetur. Þegar menn urðu ódælir var þeim þráðum varpa inn í innanfélagsmál. Er það ekki þannig sem á að gera þetta.
kv. vals.
Ég tel að spjallið eigi almennt að vera lokað almenningi en auglýsingar eiga auðvitað að vera galopnar fyrir alla. Þó er misjafnt hversu langt menn vilja ganga í lokunum. Það ættu auðvitað einhverjir þræðir að vera opnir fyrir forvitna en spjallið er hugsanlega [i:3e9d5uhc]einum of opið [/i:3e9d5uhc] eins og staðan er í dag.
Það er einfaldlega þannig á langflestum spjallborðum í heiminum að hver og einn skráir sig inn með notendanafni og lykilorði. Þannig geta félagsmenn vitað að Pétur og Páll úti í bæ geta ekki lesið það sem þeir hafa að segja. Langflest samtöl á spjallinu eiga aðeins heima innan um félagsmenn og enga aðra enda er þetta spjall í raun [i:3e9d5uhc]framlenging[/i:3e9d5uhc] á félagssamkomu.
Það er alveg athugandi að hægt yrði að fá "netaðgang" án þess að vera félagsmaður. Slíkur notandi yrði þá með sitt notendanafn og lykilorð.
Margar leiðir eru færar til að skerða ekki aðgang utanaðkomandi til að fá upplýsingar um hvað sé að gerast í félaginu. Ef farið er yfir listann þá er æði misjafnt hvort og þá hvað ætti í raun að vera lokað.
[b:3e9d5uhc]Vefsíðan -[/b:3e9d5uhc] Ætti að vera lokaður þráður enda hafa félagsmenn einir um þennan málaflokk að segja. Auk þess þá er þessi þráðategund frekar óljós og greinilegt þegar maður flettir yfir umræðuefnin að þau eru mörg hver um allt annað en vefsíðuna. Það ættu í raun ekki að fara fram umræður um þennan málaflokk heldur ætti þetta að vera fyrirspurnaþráður til vefnefndar.
[b:3e9d5uhc]Innanfélagsmál – [/b:3e9d5uhc] Klárlega lokaður þráður, segir sig sjálft.
[b:3e9d5uhc]Skálamál -[/b:3e9d5uhc]Flest innan þessa þráðar á að vera lokað (eins og upplýsingar um hvar hægt sé að nálgast lykla og annað). Almennar uplýsingar mættu vera opnar.
[b:3e9d5uhc]Bílar og breytingar – [/b:3e9d5uhc] Ætti að vera lokaður þráður. Hér er á ferðinni mikil auðlind og hjartarót félagsins. Alls kyns upplýsingar um bílaviðgerðir og hvað skuli gera þegar þetta eða hitt gerist í jeppanum/ bílnum allir viðgerðakallar slefa yfir því að fá ókeypis upplýsingar á silfurfati.
[b:3e9d5uhc]Klúbburinn -[/b:3e9d5uhc] Má vera opið. Þetta er í raun andlit félagsins og gott fyrir forvitna að vita hvað menn tala helst um á almennum nótum.
[b:3e9d5uhc]Umhverfismál – [/b:3e9d5uhc]Sýnist í fljótu bragði mega vera opinn þráður. Þarna er opinbert hagsmunamál félagsins til umræðu.
[b:3e9d5uhc]GPS og leiðir – [/b:3e9d5uhc] Ætti klárlega að vera lokaður þráður. Auðlind nr. 2 (sjá Bílar og breytingar umfjöllun). Gps punktar ættu aðeins að vera aðgengilegir þeim sem hafa formlegan aðgang en ekki handa hverjum sem er. Ég kaupi t.d. Hálendirhandbókina og fæ GPS punkta úr henni. Ekki ljósritaði ég bókina til að fá þessa punkta frítt.
[b:3e9d5uhc]Fjarskiptamál – [/b:3e9d5uhc] Frekar sérhæfður málaflokkur sem fáir utan klúbbsins hefðu mikinn áhuga á. Ætti þess vegna að vera lokaður en er meinalaus sem opinn þráður fyrir áhugamenn.
[b:3e9d5uhc]Ferðir – [/b:3e9d5uhc]Ætti að vera opinn. Forvitnir hefðu áræðanlega gaman af ferðasögum og tilkynningum um hvað sé á döfinni í félagsstarfinu. Reyndar spurning hvort tilkynningarnar megi ekki nálgast annars staðar á síðunni (t.d. á forsíðu)
[b:3e9d5uhc]Færð á fjöllum [/b:3e9d5uhc] Hér er stór spurning. Þessi þráður varðar eiginlega "almannaheill", ef svo má að orði komast. Sé ekki að þessi þurfi að vera með öllu lokaður. Sé frekar fyrir mér að gamlar umræður eigi að eyðast sjálfkrafa út, enda færðin síbreytileg.
[b:3e9d5uhc]Allt annað – [/b:3e9d5uhc] Þessi flokkur þyrfti á endurskilgreiningu að halda til að hægt verði að taka ákvörðun um lokun eða ekki lokun. Með réttu ætti þessi að sameinast flokknum Klúbburinn.
[b:3e9d5uhc]Annars held ég að svona umræður eigi síðast en ekki síst heima hjá þeim fagaðilum sem eru að búa til nýja vefinn okkar.[/b:3e9d5uhc]
p.s. Ég er ekki að mælast til þess að rukkað sé fyrir aðgang að spjallinu og/eða síðunni, síður en svo.
Þennan póst ættir þú klárlega að senda á stjórn f4x4, þannig að þeir gætu fjallað um málið
Sveinbjörn R-43
Mín skoðun er að allir þræðir eiga að vera opnir, nema þar sem fjallað er um innanfélagsmál, sem eiga ekki erindi til utanfélagsmanna. Ég er ekki sammála því að loka á tiltekin efni, bara vegna þess að það sem þar er gæti komið eitthverjum að gagni sem ekki er genginn í félagið. Það er líklega hægt að hafa verulegar tekjur af auglýsingum á síðunni, t.d. gegnum [url=https://www.google.com/adsense/login/en_US/?gsessionid=4eBn-6iO4SE:lyz4mra3]Google[/url:lyz4mra3] Þessar tekjur verða því meiri, því fleiri sem nota síðuna. Það skiptir þó að mínu mati miklu meira máli, að velvilji í garð félagsins í samfélaginu verður því meiri, sem fleiri hafa gagn og gaman af vef félagsins.
-Einar
Það var kosið um lokun sem ber að virða, annars er hægt að sleppa aðalfundi.
Það eiga örugglega eftir að vera skiptar skoðanir um þetta, en ég fylgjandi lokun.Kv Eyþór.
Mín skoðn er sú að sumar slóir ættu að vera lokaðar svo sem
Vefsíða, Innanfélagsmál, Skálamál, Klúbburinn og Umhverfismál
annað mætti verað opið þar sem menn getað tjáð sig um ferðir
og leiðir og meðal annas um bílabreitingar og aðra mála flokka,
ef menn fara útaf þeim flokki sem þeir eru í og tala um allt annað
en sá mála flokkur seigir um þá er það þurkað út ef telja þurfikv,,,, MHN
er sammála mhn
ég fékk margar góðar upplýsingar héðan af vefnum áður en ég varð félagsmaður. bað meðal annars stjórnina um aðgang að spjallinu áður en eg gerðist félagsmaður (2 mánuðum fyrr) og ég fékk aðgang að því öllu nema innanfélagsmálum og vefurinn var stór hluti að þeirri ákvörðun að ég gerðist félagi
kv. Atli
p.s. komst ekki á Aðalfundinn til að reyna að fella þessa ákvörðun sökum skírnar. en þá verður maður bara að bíta í það súra.
að við missum mikið ef við lokum spjallinu og sú hugmynd að loka fyrir aðgang að t.d gps punktum getur vísað hættunni heim,því það er öryggismál að fá að vita hvaða leiðir eru ,farnar í það og hitt skiptið,annars er ég að mestu sammála mhn
kv.Heiðar U-119
…Ég held að stjórnin eigi eftir að lesa þennan þráð þannig að skilaboðin komast væntanlega til skila.
Sé líka að það eru nokkrir sammála mér (í flestu) hvað varðar lokun á sumu en ekki öðru. Atli "atttto" og Magnús "mhn" eru á svipðari línu og ég.
Einar. Ég er alveg tilbúinn til að ræða opna þræði, en ég er á því að vefurinn sé aðeins [u:3tprqq0p]of opinn[/u:3tprqq0p] (eins og ég orðaði það). Ég er heldur ekki að segja að félagsmenn einir eigi að geta lesið þá þræði sem lokaðir væru heldur yrðu menn að hafa notandanafn til að sjá þræðina og skipti þá engu hvort um félagsmenn er að ræða eða ekki. Þannig væri enn betur haldið utan um notendur vefjarins, það væri auðveldara að markaðsetja vefinn (það væri hægt að sýna fram á fleiri virka notendur og færri óþekktar heimsóknir hjá fólki á fljótandi IP tölum).
Í raun væri verið að breyta úr tveim flokkum (opið fyrir alla – opið fyrir félagsmenn) í 3 flokka (opið fyrir alla – opið fyrir innskráða – opið fyrir félagsmenn).
Hver flokkur hefði sitt stig.
Opið fyrir alla inniheldur hluti sem félaginu er uppálagt að sýna út á við, upplýsingar um starfsemina, markmið, tilgang o.s.frv..
Opið fyrir innskráða inniheldur praktísku og tæknilegu hlutina, allt sem áhugamaðurinn hefði hug á að vita sem og félagsstarfið.
Opið fyrir félagsmenn inniheldur þær upplýsingar og umræður sem eru ætlaðar félagsmönnum einum.Einnig tel ég að fagmennirnir eigi að vera ráðgefandi í þessu tilliti. Hér eru fjölmargir notendur / lesendur sem aldrei skrifa neitt en ég er sannfærður um að þessir notendur hafi eitthvað að segja. Ég tel að menn og konur verði viljugri til að taka þátt í umræðunni vitandi það að einungis félagsfólk getur lesið það sem skrifað er. Ég er ekki sérfræðingur, hef bara sjórnað nokkrum erlendum spjallborðum á netinu og byggi mína skoðun á þeirri reynslu. Ég veit að það er vandaverk að finna réttu línuna í þessum málum.
Nú hef ég engar upplýsingar um umferðina á síðunni þannig að ég get ekki lagt mat á hugsanlegar auglýsingatekjur. Hef heldur ekki kynnt mér auglýsingasamninga frá Google þannig að í þeim efnum kemur þú að tómum kofanum hjá mér. Ég held samt að gott utanumhald yfir það hverjar meðaltalsflettingar hvers notanda sé lykillinn að söluvænum vef (en eins og áður, án þess að vita það fyrir víst).
Fyrst að aðalfundur ákvað þetta þá verður það víst að vera svo. Ég var búinn að vera jeppamaður lengi og hafði ekki fundið þörf hjá mér að verða félagsmaður. Síðan fór ég að skoða vefinn og spjallið og það varð til að ég gerðist félagi og hef verið það í nokkur ár.
.
Ég hef grun um að nýskráningar verði ekki eins margar og þær gætu verið fyrst spjallinu verður lokað en eins og ég sagði áður, fyrst að aðalfundur ákvað þetta þá er lítið við því að gera.
.
JHG
Það að ætla að loka spjallinu er klárlega versta ákvörðun sem hefur verið tekin í klúbbnum. Vissulega eiga þeir einir að geta skrifað á vefinn sem hafa til þess gildan aðgang. Séu mál viðkvæm eða eingöngu fyrir félagsmenn er alltaf hægt að senda þá þræði inn á Innanfélagsmál.
Lokanir eru til alls ills og munu alls ekki verða þessum klúbb til framdráttar frekar en öðrum. Allsstaðar er verið að opna lesaðgang að spjallþráðum til að draga að heimsóknir á vefi.
[b:38e0273p]Mér finnst einnig undarlegt að fyrsta verk ný kjörinnar stjórnar sé að loka einhverju. Það er nákvæmlega það sem fráfarandi stjórn var gagnrýnd sem mest fyrir.[/b:38e0273p]
Mér finnst leitt að fyrsti pósturinn minn til nýrrar stjórnar skuli vera gagnrýni. Ég vil þó óska stjórn alls hins besta um leið og ég þakka fráfarandi stjórn gott samstarf. Ég vona sannarlega að samstarfið "kólni" ekki.
Kveðja:
Erlingur Harðar
–
Nú langar mig að gera smá samantekt.
Það kom fram tillaga frá tveimur aðilum um einhvers konar lokun á vefspjalli síðunar. Það var frá frá Sveinbirni og svo frá Halla Gulla í Eyjafjarðardeild (sem að er einmitt sama landsbyggðardeild og Erlingur Harðar er í eða hvað). Þar sem að tillaga Halla Gulla var ítarlegri þá dró Sveinbjörn sína til baka ef ég skildi þetta rétt. Síðan var borin upp tillaga eða kannski heitir það ályktun af fundarstjóra til stjórnar um að hún myndi skoða þetta mál. Minn skilningur var sá að aðalfundur hefði ekki kosið um tillöguna að loka spjallinu heldur þá ályktun um að stjórn myndi skoða þessi mál og setja þetta í hennar hendur. Þannig að það er ekki búið að binda hendur stjórnar þannig að hún "verði" að loka eins og sumir halda fram.
–
Kannski er hér um rangan misskilning að ræða hjá mér.
–
Stór gagnrýnin sem að fyrri stjórn fékk varðandi lokanir tengdust ekki lokun á spjallinum sem slíku heldur lokun á útvalda einstaklinga sem að hvorki byggðust á haldbærum rökum né gætti nokkurs samræmis nema þá kannski í rökleysunni. Sem að er einmitt ekki til eftirbreyttni.
–
kv. Stef… sem að bíður eftir aðalfundargerðinni.
er algerlega á móti því að loka vefnum okkar, þetta er alveg rétt sem Erlingur bendir hér á að ofan. Gildir félagar ættu þó einungis að hafa ritaðgang og þráður nemdur innanfélagsmál mætti líka vera lokaður, sama er mér. Svo skulum við bara einbeita okkur að vera prúðir, það er allt í lagi að menn hafi skoðannir og séu ekki sammála öllu og jafnvel rífist pínu um það hvort Tetra eða CB sé betra eða hvort Toyota drífi meir en patrol sem hún reindar gerir ALTAF bara ekkert persónulegt skítkast og blóta bara hæfilega mikið.
Vonandi hefur Stefaní rétt fyrir sér þarna. Það er mikilvægt aða fá úr þessu skorið eins fljótt og kostur er.
-Einar
You must be logged in to reply to this topic.