This topic contains 3 replies, has 1 voice, and was last updated by 
-
Topic
-
Mér var bent á að nauðsynlegt sé að skipta reglulega um frostlög á bílnum. Ending á frostlegi er víst ekki nema 2-4 ár og missir hann þá tæringarvarnareiginleika sína. Ég á Nissan Patrol, og varpa þeirri hugmynd fram að sé frostlögurinn í lagi geti það hjálpað til með endingu á heddunum. Bara tilgáta. En hvað um það, ég er að skipta um hjá mér.
Einnig er bremsuvökvinn með takmarkaðan líftíma og er mér sagt að í Þýskalandi fái bílar ekki skoðun ef bremsuvökvi er orðinn gamall. Er nokkuð fylgst með þessu hér á landi.
Kv,
Lalli.
-
Replies
-
Anonymous- Umræður: 0
- Svör: 16404
Hér á landi er ekkert fylgst með þessu.
Mér skilst að þegar frostlögur verður gamall þá geti breytist hann úr tæringarvörn í tæringarhvata. Útfelling sem getur stíflað kæligöng og annað þvíumlíkt er víst einnig fylgifiskur þess að vökvinn eldist. Gott að endurnýja á 2ja ára fresti ef grænn/blár eða 5 ár á rauðum vökva. Besta kæligeta fröstlögs er ef hlutfallið er 40% frostlögur á móti 60% vatni skv góðri bók sem ég á. En mesta frostþol er 50/50
Með bremsuvökva er rakinn vandamálið. Ef raki er í kerfinu þá tærast hlutar kerfisins hraðar og gúmmí í dælum geta harðnað. Aðal hættan sem fylgir því að rakamettun sé í vökvanum er að ef vökvinn í hjóldælum hitnar yfir suðumark vatns þá breytist rakinn/vatnið í gufu/loft og bremsurnar verða óvirkar. Vökvinn á að vera svipaður lýsi að lit, ef vökvinn hjá þér er dökkur þá hefur þú eitthvað að gera næstu kvöld. Ef hægt er að taka forðabúrið af höfuðdælunni þá er gott að þvo það í heitu vatni, þar er oft mikið botnfall. Endurnýja bremsuvökva á 1-2ja ára fresti. Nýr vökvi = mun betri bremsur og minni hætta á að td dælur festist og þh vesen..
Sælir
Ég las einhversstaðar eða heyrði um könnun sem var gerð á norðurlöndunum, þar voru bornar saman tíðnir ýmisa bilana í bílum á milli landa. Meðal annars var þar borin saman tíðni á biluðum/lekum bremsudælum og þar sást víst mjög skýr munur á milli landa og eina skýringin að sumstaðar var því fylgt vel eftir að skipta um bremsuvökva reglulega en annarstaðar ekki.
Ég held reyndar að yfirleitt sé talað um að skipta um bremsuvökva reglulega í handbókum bíla… það er nefnilega oft nokkuð mikið vit í bókunum sem koma með bílunum okkar.kveða O.Ö.
Anonymous- Umræður: 0
- Svör: 16404
sælir
Það er þekkt vandamál að gamall frostlögur tæri heddpakkningar, því er það enn mikilvægara að skipta um vökvann á þeim bílum sem eru með þekkt hedd vandamál.
kv
Lýður
You must be logged in to reply to this topic.