Fréttir af þorrablóti Eyjafjarðardeildar

Fréttir af okkur norðanmönnum.

Fimm bílar fóru frá Akureyri kl.20.30 í gærkveldi, veður var frekar leiðinlegt og skall á verulega vont veður á Víkurskarði, ferðin gekk vel og tókum við einn ferðalang á óbreyttum inn í hópinn á Fljótsheiðinni. Ferðin gekk bara vel þar til við komum í Mývatnssveitina en þá var vindhraðinn kominn í 35m/sek og gjörsamlega ekkert skyggni, fór þessi óbreytti nokkrar ferðir út fyrir veg.
Komum í hús (*** Hótel) kl.23.33 og var tekið úr töskum og „einn“ öl opnaður, staðarhaldari var búinn að setja vatn í pottinn og hita gufuna. Þeir alhörðustu sátu í pottinum í brjáluðu veðri, konur og „aumingjar“ sátu inni í gufu og sötruðu kampavín, einhverjir sátu í „chesterfield“ með kaffi og Cognac.
Morgunverður var klár kl. 09.00 og sitjum við enn yfir honum, næst á dagskrá er „Quality time“ með konum,ferðir um hálendi Mývatnssveitar hafa verið settar á ís.
Þeir sem ekki fóru í gær af stað sitja enn heima á Akureyri og öfunda okkur.

Fleiri fréttir síðar, unnið með hjálp GPRS tækni frá Símanum.

Síminn hjálpar þér að láta það gerast.

Ritari Ungra.

Mundi