This topic contains 5 replies, has 1 voice, and was last updated by 
-
Topic
-
Jæja nú er sumarhátiðin að bresta á, félagsmenn hafa steymt á Höfn í allan dag. Búið er að reisa risa uppblásið samkomuhús og hoppukastala fyrir börnin stór og smá aðallega stór. Veðrið leikur við mannskapinn. Hornfirðinar er búnir að smíða fjöldamannagrill og allt að gerast 😉 Formaðurinn fór af stað á miðvikudaginn og mun vera komin alla leið á Hvolsvöll og mun láta þar staðar numið að svo stöddu, þannig að hann verður fjarri góðu gamni. En ef einhverjir eru á villuslóðum þá mun hann að sjálfsögðu beina þeim á réttu brautin á sumarhátíðina á Höfn.
Húnakóngurinn er mættur á svæðið þrátt fyrir að hafa byrjað á því að kveikja í tjaldvagninum í upphafi ferðar, slökkvistarf gekk vel eins og á Þingvöllum þ,e,a,s,allt brann sem brunnið gat, en þá sannast nú máltækið að gott er að hafa tímann fyrir sér og mætti hann með nýja Valhöll í eftirdragi.
En nú er komin tími á að kveikja í grillinu og opna ölið,
kannski koma meiri fréttir síðar.
kveðja frá Höfn
Lella
-
Replies
-
Lella, ég er ekki alveg að skilja, eftir allt sem á undan er brunnið, ætlarðu þá líka að kveikja í grillinu????? Þetta er afskaplega misráðið að mínu viti. Kveðjur, Logi Már.
Enn eru nokkur laus tjaldstæði á tjaldsvæðinu við Höfn, fyrstir koma fyrstir fá. Fréttir bárust og eru þau í þægilegu rólegheitaveðri nýkomin úr bíltúr inn í Lón, Skyndidal heyrðist mér og eitthvað fleira, mjög ógreinilegt samband. Nú er að fara af stað góðaksturskeppni svo það er eins gott að ökukennari sé á staðnum. Grillað verður seinna og er góð stemning í liðinu.
Kv. Magnús G.
Þakkir til Hornfirðina fyrir frábæra helgi, flotta aðstöðu og frábæra þjónustu á tjaldsvæðinu. Bíltúrinn var algjör snilld og flott leiðsögn. Laugardagskvöldið var flott þrátt fyrir mikla bleytu 😉
Takk fyrir mig og minn
kv Lella
Ég vil bara þakka Hornfirðingum fyrir höfðinglegar móttökur á sumarhátíðinn. Það er ekki á hverjum degi sem þrír krakkaormar fá sinn einka hoppukastala heila helgi til afnota enda vakti hann gríðarlega lukku.
Ég fór oftar í sund þarna þessa helgi en sl. ár og tók meðal annars út rennibrautirnar í nýju sundlauginni, mæli með að fólk kíki á þær.
Einnig var mjög gaman að fara þessa leið sem Sissi lóðsaði okkur um þar sem meðal annars var ekið yfir Skyndidalsánna. Nú svo stjórnaði frú M. aksturskeppni í að bakka með kerru og reipitogi þar sem Reykjavíkurliðið var ítrekað niðurlægt af útálandi liðinu. Ég held því reyndar fram að maður eigi alltaf að leyfa gestgjöfunum að sigra en Húnakóngurinn var ekki alveg á sömu skoðun. Hann reyndar hitaði upp fyrir helgina með því að brenna tjaldvagninn sinn en lét það ekki stoppa sig við að mæta sem betur fer. Hans fjölskylda átti bæði elsta og yngsta þátttakandann sem dvaldi alla helgina eða 75 ára og 10 ára.
Hvað varðar mætingu 101 liðsins þá var um 20% mæting hjá aðalstjórnarmönnum f4x4, hefði orðið 40% ef Formaðurinn hefði komist um 350 km lengra, 50% mæting hjá varamönnum stjórnar f4x4 og 33,3% mæting af skemmtinefnd f4x4. Þannig að heildina litið var bara nokkuð góð þátttaka þarna.
Takk fyrir mig.
Kv. Stef.
Þetta var flott sumarhátið og var hoppukastalinn vinnsæll hjá mínum börnum á föstudagskvöldinu. Ég gat því miður ekki verið alla helgina þar sem andlát varð í fjölskyldunni á laugardagsmorgun og varð ég því að fara skyndilega suður.
kv
Þórður Ingi
You must be logged in to reply to this topic.