This topic contains 49 replies, has 25 voices, and was last updated by 
-
Topic
-
Ég heyrði í Jeep-genginu áðan og var hópurinn á Kvíslaveituvegi norðan við Versali, í bongó blíðu. Menn voru seinir á fætur í morgun og rekur hópurin lestina þessa stundina. Fremstu bílar eru lílega komnir norður fyrir Þjórsárlón.
Gunnar Ingi Ultimate er í hópnum og ætlar sér í Skagafjörðinn.
Endilega að sem flestir pósti hér inn slúðri og fréttum ;).ÓE
-
Replies
-
Var rétt áðan að tala við Loga Ragnas,en það var á honum að heyra að menn væru þreyttir en ánægðir með ferðina.Það er skafrenningur hjá þeim og ekki búið að ákveða hvaða leið verður farin heim, yfir Kjöl eða þjóðvegin.Ég var beðin um að setja inn fréttir af ferðinni hér á vefin en vegna heilsuleisis varð lítið úr því og það þykir mér miður.
Kv Rúnar
Tek undir með Kjartani, það var erfitt að ná sambadi. Að mínu mati stóðu Logi Már og Rúnar sig vel miðað við aðstæður.
Nú bíður maður spenntur eftir ferðasögum og myndum frá þeim sem voru í ferðinni
ÓE
Við Eyfirðingar fórum á 3 bílum upp í Skiptabakka með kaffi og kleinur á fimmtudagskvöld. Þar vorum við í góðu yfirlæti með með Þóri Hroll og frú og Andra frá Austurlandsdeild. Á föstudag komu svo Húnvetningar og stuttu síðar Skagfirðingar. Við tókum á móti Jeep genginu en höfðum síðan ekki meiri biðlund en til 18:00 eftir öðrum hópum þar sem við þurftum að fara í Laugafell. Tóku þá Skagfirðingar og fl. við kaffinu og kunnum við þeim bestu þakkir fyrir. Við vorum komnir um 21:00 í Laugafell og tókum til við að grilla og fara yfir húsakostinn í leiðinni. Að lokinni máltíð, um miðnætti, fórum við í björgunarleiðangur ca 12km suður af Laugafelli. Þar var Sólargengið á 3 bílum í basli og einn bíllinn Econoline með brotin draglið í framskafti. Hann var skilin eftir og við aðstoðuðum hina 2 í Laugafell og vorum komnir um 4:00 aðfaranótt laugardags. Daginn eftir ætluðum við af stað en frestuðum því vegna veðurs til kvöldsins. Fórum síðan upp úr 20:00 og sem leið lá niður Vesturdal. Gekk það nokkuð vel með smá pittstoppum á leiðinni. Vorum komnir niður í Vesturdal um klukkan 3:00 aðfaranótt sunnudags.
Við vorum eins og áður segir á 3 bílum.
Ragnar Jónsson á Hilux 44″
Hóla Palli á Tacomu 41,5″
Halli Gulli Land Cruiser 120 á 38″
Jæja þá er einni stórferðinni enn lokið. Mér fannst ferðin mjög góð og umfam allt gífurlega krefjandi. Ferðin hjá okkur í Fúlagenginu hófst kl. 8.00 þegar við lögðum af stað frá Hrauneyjum í glæsilegu veðri og fínu færi. Rétt þegar við vorum komin á gott skrið missti Hummerinn annað afturhjóluð undan með öxli og öllu saman, það tók okkur um 3 tíma að gera við hann. Við þetta enduðum við sem aftasti hópur. Færið var að okkar mati nokkuð gott þegar búið var að hleypa vel úr. Inn við Miðju þyngdist færið aftur en þar hittum við fyrir stóran hóp af bílum sem voru í miklu basli. Á þessum stað ákváðum við að fylgja þessum hóp og var ætlunin að koma þeim öllum yfir. Því miður þá tókst það ekki og urðum við að skilja eftir 3 bíla eftir þegar við áttum 16 km eftir í Skiptabakkaskála, þá var kl. um 1:00. Færið var orðið mjög erfitt á þessum tíma og ekkert að lagast. Við komum að skálanum um 2 leitið og lögðum af stað niður. Færið léttist ekkert og um 4 leitið vorum við Friðrik bróðir svo óheppnir að missa Econalinerin niður í lækjarfarveg og lagðist bíllinn nánast á hliðina. Við vorum fjögur í bílnum og svo heppileg vildi til að farþegarnir okkar voru báðir í beltum. Það má segja að við vorum alveg ótrúlega heppin að bíllinn fór ekki alla leið niður heldur skorðaðist algjörlega með hægri afturendann ofan í lækjarfarveginum (en náði ekki niður á botn) en hægra frammhjólið festist við stein og hélt bílnum uppi. Vinstra frammhjólið stóð ca 1,5m frá jörðu. Á þessum tímapunkti þá ákváðum við að skilja bílin eftir þar sem hann var og fara niður í Skagafjörð leggja okkur og reyna að fá aðstoð við að spila bílin upp. Við komum niður í Skagafjörðin um kl. 7:00. Fórum á gistiheimilið á Bakkaflöt þar sem vel var tekið á móti okkur. Morgunmatnum var seinkað til kl. 12:00 þannig að við fengum ca 4 tíma svefn. Ekki stóð á þegar við óskuðum eftir aðstoð og má segja að allir sem voru komnir niður auk Skagfirðinganna komu upp eftir og hjálpuðu til við að ná bílnum upp. Menn mokuðu frá bílnum og spilvírar voru græjaðir á örskömmum tíma og bíllin tekinn upp og það óskemmdur að sjá. Sem er algjört kraftaverk auk þess að hópurinn sem fór að bjarga bílnum var frábær í alla staði og má segja að þarna hafi félagsandinn sannað sig einu sinni enn, við erum ótrúleg og getum gert ótrúlega hluti þegar við leggjumst öll á eitt. Á meðan við vorum að vinna við að græja bílinn þá fór hópur af Skagfirðingum ásamt Hafliða að bjarga tveimur bílum niður sem voru skildir eftir en áður hafði Hjörtur og Jakinn farið að bjarga einum bíl. Við vorum komnir á Blönduós um kl 17:00 og var þá strax farið að græja salinn og gera klárt fyrir kvöldið. Matarveislan hófst svo stunvíslega þegar hún byrjaði og henni lauk (fyrir mér) þegar ég fór. Allt kvöldið tókst vel stemmingin var frábær maturinn meiriháttar og ekkert sem skyggði á frábæran endir á erfiðri ferð. Jepp gengið á mikinn heiður skilinn fyrir frábæra skipulagningu. Takk fyrir mig og enn og aftur vill ég þakka öllum sem komu að björgun bílana bæði hjá okkur Friðrik og þeirra sem þurfti að sækja inn að Skiptabakka. Allar deildir klúbbsins sem þátt tóku takk fyrir ykkar framlag hvort sem það kom að skipulagningu, björgun eða þáttöku í ferðinni.
Kveðja
Sveinbjörn Halldórsson
formaður Ferðaklúbbsins 4×4
Sæl
Ég vil þakka öllum þeim sem komu að því að aðstoða mig við að ná bílnum mínum upp úr lækjarfarveginum á laugardaginn. Það var ómetanlegt að finna viljann og hjálpsemina við að klára það verkefni. Það gekk alveg ótrúlega vel að ná bílnum upp og með því að gefa verkefninu góðan tíma þá var hægt að spá og útfæra þetta þannig að ekkert sér á bílnum.
Enn og aftur, takk kærlega fyrir aðstoðina.
Kveðja
Friðrik
Fullt af myndum sem Eiríkur Kolbeinsso tók í ferðinni. Hann var kóari hjá Andrési Magnússyni. Þess má til gamans geta að Andrés er búsettur fyrir norðan en komu suður til að taka þátt í túrnum norður.
http://diesel.123.is/photoalbums/258493/
ÓE
Hér eru einhverjar myndir sem ég tók á leið okkar Austfirðinga yfir landið. Við ferðuðumst á 5 Toyotum með dekkjastærð frá 38″ til 46″. Ég heyrði svolítið talað um að banna ætti 38″ bíla í þessar ferðir en ég lenti 3 festum alla þessa leið sem tók okkur 3 daga. Ég ók fram hjá nokkrum 44″ og 46″ bílum sem voru fastir en hef ekki heyrt neina umræðu um að banna ætti þær dekkjastærðir. En nóg af röfli…. hér eru myndirnar.
Ég hleypi örugglega öllu upp í háaloft með þessu, en ég vildi spyrja þig Óskar, hvaða felgustærð ertu með undir jeppanum?
Sæll Jón. Ég er með 15″ felgur, 13,5″á breidd….beadlock. AT 450 dekk og loftmagnið í þeim í ferðinni var frá 1 til 3 pund. Læsingar allan hringinn og úrhleypibúnaður. Þetta er klafabíll en ég smíðaði plötu undir hann að framan þannig að hann hangir ekki eins mikið á frambitanum ef ég set hann á kaf. Svo er bara ein regla sem maður reynir að hafa í hávegum….ekki spóla.
Kv. Óskar Þór.
Óskar, það er ljótt að plata.
Þú ert á of mjóum felgum, of litlum dekkjum og verst af öllu, á klafabíl. Fræðin segja að þú hafir verið heppinn að drífa niður á bensínstöð. Allt annað er „ákveðin ómöguleiki“….Það að þú kunnir eitthvað að keyra skiptir náttúrlega engu máli.
Hahaha. Það munaði nú litlu Rúnar að ég kæmist ekki á bensínstöðina því færið var svo þungt alla leið að birgðirnar sem voru hafðar með voru við það að klárast. Ég vill nú ekki halda því fram að ég sé eitthvað skárri ökumaður en hver annar en ég tel að það séu margir litlir hlutir sem ráða því hvort þú drífur eða ekki. Einn af þeim eru ferðafélagarnir..en það er ljóst að ef menn ferðast saman sem ein heild og aðstoða hvern annan þá er ferðalagið líklegra til að verð vandræðalítið.
Flott ferðalag hjá ykkur Óskar Þór og góðar myndir.
Síðan kláruðu ykkar menn með því að taka Kjalveg á leiðinni heim.
Jeep 41″
Frágengið. þeas við austanmenn, lögðum í hann á miðvikudagskvöld. Fórum upp hjá Brú á Jökuldal og strax þegar kom á Fiskidalshálsinn varð færið gríðarlega þungt. Þurfti að hleypa öllu lofti úr og lolo til að komast upp brekkuna. Síðan þegar komið var inn undir Þríhyrningsvatn hætti Hiluxinn hans Arnórs að hlaða og ákváðum við að ég myndi fylgja honum eftir varahlutum. Kóarinn minn hann Jónas hafði óljósa hugmyndir um Rafala á einu eyðibýlinu á efri-jöokuldal. fórum þar um með vasaljós og leituðum og viti menn, fundum einn með splunkunýjum kolum. Jónas svipti þeim í. Lögðum að stað aftur um 3 leytið um nóttina og hugðum gott til glóðarinnar að hafa slóð.Fórum leið sem sjaldan er farinn upp með Jökulsánni ofan við Svartá. Slóðin var öll orðinn full og lítið lettara að komast áfram. hópurinn sem helt áfram var kominn í skála um kl 7 en okkur gekk allt i haginn þangað til við áttum um 2 km eftir í skála um kl 9. þá hægði verulega a okkur og komumst loks um kl 11.ansi þreyttir og höfðum ekki hugsun a að setja gleðigöndulinn undir sem þó er staðalbúnaður í runnernum, lögðum okkur i 2 tima og svo var haldið í Gæsavötn í talsvert þungu færi. komum þangað um kl 7 með tilbuinn lambalæri a.la toyota afgashiti. Á Föstudeginum lögðum við af stað um kl 10 og við Skjálfanda brotnuðu allir pinnboltarnir i drifloku á 60 krusa Andra Fannars, skipt um þá í snarhasti. Léttist færið talsvert þegar komið var vestur fyrir fjórðungsöldu og hægt að auka talsvert ferðahraðan og kitla pinnann. Komum inn á leið sunnanmanna um 10 km austan við miðju og þar var jeppgengið. Fórum í humátt á eftir þeim og fram úr einu gengi sem var með fasta bíla. Hittum jepp menn á miðjunni í frábæru veðri. Fljótlega eftir að við lögðum af, eða eftir að hafa farið yfir Austari-Jökulsá stað brotnaði millikassi i gamla 60 krusanum. Var Gummi á 80 krusanum settur fyrir framan hann og spotti a milli í alveg þokkalegu færi amk fyrir einsamla bíla, í erfiðstu brekkunum var minn runner settur fyrir þá báða. komum hopur no 2 í Skiptabakka og heldum þaðan áfram og rett áður en við komum i brekkurnar a Goðdalafjallinu fór einn hópur fram úr okkur. Fórum á verkstæði KS og fengum þar inni a laugardeginum og skiptum um innvolsið í millikassanum og nafið á gamala 60 krusa. Á sunnudeginum for stærsti hluti hópsins austur og auðvitað all ófært á Háreksstaðaleið en þar slitnuðu allir felguboltar a h.afturhjóli a gamla krusa en til happs að nafið sem tekið var undan var i bilnum og hægt að nota boltana. Eg og Gummi fórum suður Kjöl í litlum snjó og vorum víst þeir einu sem kláruðu þessa stórferð. Flott ferð og merkilegt að sjá hvað lítil snjór er á hálendinu vestan við Vatnajökul.
Einar“““Eg og Gummi fórum suður Kjöl í litlum snjó og vorum víst þeir einu sem kláruðu þessa stórferð..“““
Hvaða stórferð var það ?
Ferðinni, Miðjan Skagafjörður 2014 var slitið á Blönduósi á sunnudag, þeir sem komust þangað luku því þeirri ferð alls um 70 jeppar.
Þeir allavega TOPPUÐU alla hina…
Það stóð á límmiðanum Skagafjörður-Kjölur þannig að við héldum að við ættum að klukka Hveravelli til að fá stig þegar komið var i mark.
Mér finnst þetta vera skýrt hjá Gunnari:
Heimferð eftir vali hvers og eins þ.e. Kjölur eða bara malbikið.
Heimferðin var nefnilega eftir vali hvers og eins, Kjölur malbikið eða eitthvað annað. Ég fór Grjótháls og Kaldadal meðal annars vegn frétta af snjóleysi á Kili. Kaldidalur er hærri og venjulega snjóþyngri fjallvegur en Kjölur. Þar var þónokkur snjór og snjóaði í logni meira og minna alla leið. Í jökulskarðinu mættum við þremur jeppum sem höfðu verið 10 tíma þangað frá Þingvöllum. Á Grjóthálsi var minni snjór en aðeins torfært samt enda brattari berkkur.
Það er gaman þegar umræður skapast hérna á vefnum og er það frábært.
Í stað þess að fá inn fleiri ferðasögur og fréttir af ævintýrum manna þá er umræðan farin að snúist um eina setningu í ferðasögu Einars. Þ.e hvort Kjalvegur heima hafi verið partur af ferðinni eða ekki.
Auðvitað ráða menn hvaða leið menn fara heim og fyrir restina af hópnum okkar var Kjalvegur frekar langt úr leið og því alls ekki inni í myndinni. Þetta kemur allt fram í ferðasögunni sem Einar tók saman og setti inn hér fyrir ofan
Við Einar skelltum okkur yfir kjöl þar sem það einhvernvegin minnsta malbikið og svo stóð það á miðanum sem við höfðum límt á rúðuna. Sjálfur fór ég austur yfir hálendið til að taka þátt í ferðinni með Austanmönnum og var ekki búinn að sjá kynninguna fyrir ferðina.
Að mínu mati eru ævintýrin sem við lentum í á leið í Skagafjörðinn og flottar viðgerðir á Sauðarkróki það sem er skemmtilegast við ferðasöguna. Það að taka Kjalveg heim var svo flottur lokapunktur á löngu og skemmtilegu ferðalagi.
Ég vil þakka frábærum ferðafélögum fyrir skemmtilegt ferðalag og Jeep genginu fyrir góða skipulagningu og frábæra skemmtun á Laugardagskvöldinu. Eins væri gaman að fá fleiri ferðasögur og myndir hingað á f4x4 vefinn.
Sælir
Hér er smá video af því litla efni sem ég tók upp í ferðinni…. einhvern veginn gleymdist bara að setja upp myndavélina….var kannski of upptekinn að hlusta á öll nýju hljóðin í bílnum
Já okkur fannst einhvern veginn skrítið að senda alla þjóðveginn heim í ferðalýsingu en það var frjálst og við í Jeep genginu höfðum planað að taka kjöl og langjökul heim en ekki varð úr því vegna veðurs og aðstæðna. Þrátt fyrir það var þetta mjög flott ferð og ég og Gummi fórum eins og hann segir Grjóthálsinn og kaldadal heim sem var smekkfullur af snjó á veginum þar…
kv
Gunnar
You must be logged in to reply to this topic.