This topic contains 7 replies, has 1 voice, and was last updated by 
-
Topic
-
Um níuleytið í morgun lögðu um 60 upp frá Select Ártúnshöfða í blíðskaparveðri og er haldið austur yfir Hellisheiði. Bílunum er skipt upp í tvo meginhópa þar sem að stóru bílarnir fara Leppistungur en þeir minni fara Kjalveg.
Fréttaritari Litlunefndar.
-
Replies
-
Það er nýjast að frétta að hóparnir eru búnir að fylla á tankana hjá Geysi og eru lagðir af stað í átt til Kerlingarfjalla.
Veðrið er virkilega gott þessa stundina og allir vegir auðir.Fréttaritari Litlunefndar.
Var rétt áðan að heyra í Óla fararstjóra. Ferðin gengur afar vel og er hópurinn sem fór Kjalveg núna við afleggjarann að Kerlingarfjöllum. Lítill sem enginn snjór er á svæðinu, en smá sýnishorn á stöku stað.
Hópnum sem fór Leppistungur gengur einnig vel, búið að fara yfir nokkrar sprænur á leiðinni og sést hefur til stöku snjókorns. Reyndar er vegurinn sums staðar háll, þ.a. fara verður að öllu með gát.Veðrið hefurleikið við ferðalanga og er eins og Óli lýsti því "tveggja jökla sýn" á svæðinu. Því er mikið stoppað og myndavélarnar mundaðar af miklum móð.
Ætlunin er að hafa viðkomu í Kerlingarfjöllum og borða nesti. Í framhaldinu á að finna einhverja útúrdúra til að krydda frekar upp á ferðina.Fréttaritari Litlunefndar.
Litlubílahópurinn var rétt áðan að leggja af stað úr Kerlingarfjöllum. Ætlunin er að kíkja í Svartárbotna og taka út stöðuna þar.
Það er helst að frétta af stóru bílunum að verið er að bisa við að ná einum bílnum upp úr klakahröngli, sem hann datt niður um, þegar var verið að fara yfir eina lækjarsprænuna.Fréttaritari Litlunefndar.
Það er að frétta að stóru bílarnir eru núna komnir í Kerlingarfjöllin.
Litlu bílarnir eru í Svartárbornum og hafa eitthvað náð að festa sig í hjólförunum, en það er helst að finna snjóinn þar.
Það er farið að styttast í annan enda ferðarinnar og er ætlunin að snúa við fljótlega.
Veðrið er ennþá gríðarlega fallegt, en kalt.
Þau undur og stórmerki áttu sér stað að það fannst loks skafl til að leika sér í. Þar fengu ferðalangar fínaa útrás við að spóla og festa sig.
Annars hefur ferðin gengið vel fyrir sig. Tveir bílar hafa bilað, annars vegar brotnaði festing undan klafabíl og þarf að sækja hann síðar á kerru. Hins vegar brotnaði festing á hásingu, en hægt var að gera við það á staðnum.
Allir bílar (nema einn) eru lagðir af stað frá Kerlingarfjallaafleggjaranum og er stefnan á Geysi.Fréttaritari Litlunefndar.
Allir bílar nema einn, sem hangir í spotta þar sem hann er með bilaða kúplingu, eru komnir á Geysi og er formlega búið að slíta ferðinni.
Over and out…
Það er litlu við frásögn Ásgeirs að bæta nema helst að þakklæti til allra fararstjóranna sem stóðu sig frábærlega. Einnig þakklæti til Ásgeirs fréttaritara og auðvitað allra þáttakendanna, en þetta var mjög jákvæður og skemmtilegur hópur sem naut lífsins á fjöllum.
Ekki má gleyma innilegu þakklæti til rekstraraðila Kerlingarfjallaskálans, fyrir að leyfa okkur að komast þangað inn. Það reyndi lítið á það, þar sem veðrið var svo gott að flestir sátu úti og borðuðu nestið sitt, en ákveðið öryggi í að vita að hægt var að komast inn ef á þyrfti að halda.
Svo má minna á að myndakvöld úr ferðinni verður á opnu húsi á fimmtudagskvöldið kemur.
Kv. Óli, Litlunefnd
You must be logged in to reply to this topic.