This topic contains 10 replies, has 1 voice, and was last updated by 
-
Topic
-
Góðan dag
Rétt í þessu var hópur ca. 33 bíla að leggja af stað frá Select í átt að þjónustumiðstöðinni á Þingvöllum. Þar á að þétta hópinn áður en haldið er á vit ævintýranna. Það var ekki annað að sjá, en að allir væru spenntir fyrir þessari ferð og með bros á vör.
Skemmtilegt var að sjá hóp af súkkum sem kom með og gaman í því samhengi að benda á heimasíðu þeirra strákanna http://www.sukka.is.
Ég reikna með að næst komi inn fréttir af ferðinni í kring um hádegið.
Kv. Óli sem er fréttaritari í dag
-
Replies
-
Hópurinn var að leggja afstað frá Þingvöllum. Það er fremur lágskýjað hjá þeim, en er að birta til. Allt gengur vel að því undanskildu að það þurfti að herða á hosum hjá Mjallhvíti áður en lagt var af stað, en hún er nýbúin að fá nýjan vatnskassa. Einnig var ein súkkan skilin eftir á Þingvöllum, vegna hitavandamála. Súkkan verður sótt á heimleiðinni.
Kv. Óli
Nú er Litlunefndarhópurinn við Ferðafélagsskálann undir Hlöðufelli. Að sögn Kristjáns gengur eiginlega of vel hjá þeim ! Á vegi þeirra hafa orðið 4 litlir skaflar og var engin hindrun í þeim.
Nú munu fararstjórarnir halda svolítinn fund og ræða framhaldið og fæ ég að vita af því á eftir.
Kv. Óli
Hópinn er kominn af stað frá Hlöðufelli og mun skipta sér. Hluti hópsins ætlar að halda línuveginn til vesturs og fara niður á Þingvöll aftur. Er það hópur vinnufélaga auk nokkurra annara sem fara þar vegna bilana eða hættu á að slíku. Restin heldur austur eftir línuveginum og ætla Mosaskarðið og ákveða síðan hvaða leið verður valin til að halda áfram. Mér heyrðist ætlunin hjá Kristjáni væri að enda ferðina á Geysi. En það er nú varla tímbært að ræða ferðalok strax
Kv. Óli
Enn heyrði ég í Kristjáni. Þeir heyrðu frá aðilum sem voru á Kaldadal og þar sem þar er fínasta færi, var ákveðið að fara með hópinn eftir línuveginum inn á Kaldadalsveg og að Jaka. Þar munu þau jafnvel reka nefið á Langjökul ef vel gengur. Ferðalok munu því breytast eitthvað, en meira verður af fréttum þegar lengra liður.
Kv. Óli
Það er ekki að spyrja að Litlunefndarferðunum, alltaf verða einhver ævintýri. En hópurinn fór að Jaka og komst hluti hans upp í 1200-1300 metra hæð í heiðskíru og fallegu veðri og ágætu færi.
Rétt í þessu voru þeir að snúa við og halda niður að Jaka, enda byrjað að rökkva og vildu þeir komast niður fyrir myrkur. Eftir því sem Kristján sagði ætlaði hluti hópsins að fara Kaldadalinn til baka, en ég fékk ekki alveg á hreint hvort einhverjir ætluðu í Húsafell. Enda ætlaði hann að þétta hópinn við Jaka og taka stöðuna.
Fleiri fréttir síðar.
Kv. Óli
Hópurinn er nú allur lagður af stað frá Jaka. Ferðinni var slitið þar og héldu minni bílarnir niður í Húsafell og síðan malbikið heim, en stærri bílarnir ákváðu að fara Kaldadalinn á eigin vegum.
Mér heyrðist á Kristjáni að allir væru himinlifandi með daginn og hann minntist sérstaklega á að þyngsti bíllinn, Ram á 35" komst í 950 metra hæð á Langjökli og aðrir hærra.
Þar sem búið er að slíta ferðinni er þetta síðasti fréttapistill fréttaritarans úr þessari ferð, nema mér berist eitthvað sérstakt til eyrna varðandi ferðalangana.
Kv. Óli
Þá er maður kominn til byggða. Lenti hérna heima á Akranesi klukkan 19;20. Við vorum einn af þeim nokkru bílum sem fóru vestur Kaldadalinn í átt að Húsafelli. Pumpuðum í fullt loft við Reykholt og tókum svo fullt stím heim. Þakka öllum fyrir fína ferð.
Kv. Hafþór Atli
Þakka ykkur fyrir frábær fyrstu kynni, frábær ferð í alla staði og gæti ekki verið sáttari með skipulag og þetta gekk allt mun hraðar fyrir sig en mér hafði verið tjáð. Skemmtilegar leiðir og það var heldur ekki leiðilegt að sprauta upp jökulin í hvínandi botni og loftköstum á 70 upp jökulinn frammúr alskyns fjallatrukkum á kreppujeppanum. Stoppaði í 1325 metrum á hábungunni og sneri við niður aftur og sprautaði aftur upp til gamans. Æðislegt færi og flott veður seinna meir.
Ég tók einhverjar nokkrar myndir og geri ráð fyrir að setja þær inn á http://sukka.is fljótlega.
Fórum niður kaldadal og enduðum á að draga samuræinn í bæinn en hann átti erfitt með gang og einhver hitavandamál líka.
Þakka enn og aftur fyrir frábæran dag og gæti vel hugsað mér að endurtaka leikinn í næstu litlunefndarferð.
kv. Sævar Örn, á rauðu 33" vitörunni.
Takk fyrir frábæra ferð. Hvenær er næsta ferð?
Pétur
Nú er lokið enn einni frábærri Litlulunefndarferðinni og allir komnir heilir til síns heima.
Yfir 30 bílar lögðu af stað frá Select í morgun og var ekið stystu leið á Þingvöll. Eftir stutt stopp við Þjónustumiðstöðina, þar sem aðeins var mýkt í dekkjum, var haldið af stað. Farin var Gjábakkavegur og upp að vörðunni Bragbót en þar var stoppað í smástund og hópurinn þéttur.
Eftir stutta dvöl við vörðuna var haldið áfram í norðurátt. Veðrið var ekki alveg upp á það besta, smásúld og lágskýjað en ekið var rakleiðis að Hlöðufelli. Komið var að skála Ferðafélagsins um hádegisbil og ákveðið að stoppa þar til að gefa fólki að teygja úr sér og borða nestið sitt.
Í hádegishléinu ræddum fararstjórar um framhald ferðarinnar. Þar sem ferðin hafði gengið eiginlega of vel var ákveðið að lengja hana og fara upp á Línuveginn og þaðan í austur. Ætlunin var að enda ferðina á Geysi.
Lagt var af stað en þegar við voru komin norður fyrir Hlöðufellið heyrðum við í Benna Magg í talstöðinni. Hann var þá staddur á Langjökli í himnesku veðri og þokkalegu færi. Hann sagðist hafa farið Kaldadalinn og upp á jökul frá Jaka. Það væri smáhálka á leiðinni en annars ágætis færi og hann meðal annars mætt Yaris á leiðinni. Eftir að hafa heyrt þetta var hópurinn sammála um að breyta fyrri ferðaáætlunum og halda á Langjökul.
Komið var að Jaka skömmu fyrir 4 og haldið upp á jökul. Færið var mjög gott neðst en þyngdist eftir því sem ofar dróg. Allir komust í yfir 900 metra hæð og einn náði í 1370 metra hæð. Haldið var niður af jökli þegar skyggja fór og var ferðinni þá slitið við Jaka. Sumir úr hópnum fóru niður að Húsafelli og malbikið heim en hinir fóru tilbaka yfir Kaldadalinn.
Mig langar að þakka öllum ferðalöngunum fyrir frábæran dag á fjöllum og þá sérstaklega fararstjórunum en án þeirra stuðnings hefði ferðin ekki heppnast svo vel.
You must be logged in to reply to this topic.