This topic contains 8 replies, has 1 voice, and was last updated by 
-
Topic
-
Góðan daginn öll sömul.
Núna um 9 leitið fóru af stað frá Shell á Vesturlandsvegi rúmlega 40 bílar sem taka stefnu á Þingvöll og hugsanlega áfram um Kaldadal, ef farastjóra lýst á færð og veður. Veðrið hér í borginni er með besta móti, 4,5 stiga hiti og vindur um 6 m. á sec. Veðurspáin fyrir Kaldadal og nágrenni er ágæt og spáir hann smá súld seinnipartinn í dag. Hugsanlega má þó búast við snjókomu, amk þar sem Kaldikalur liggur hæðst í 750 m. Gera má ráð fyrir að menn kíki upp að Jaka og hugsanlega aðeins í jökulinn, ef tími vinnst til.
Yfirfarastjóri dagins er Kristján Kristjánsson og eftirfari er Guðmundur Kristjánsson. Þeir njóta aðstoðar amk 10 annara félagsmanna við skipulagningu ferðarinnar.
Fyrir hönd okkar allra sem komast ekki á fjöll í dag, óska ég öllum góðrar ferðar og enn betri heimkomu.
Meira síðar.
kv
Palli fréttaritari Litlu-Deildar.
-
Replies
-
Hæ aftur.
Var að tala við Guðmund eftirfara. Allir bílar eru komnir í Þingvallasveit og veðrið með eindæmum gott. Blár og fallegur himinn og lofar dagurinn góðu. Menn (konur eru líka menn) eru allir með bros á vör og blik í auga. Góð stemming í hópnum.
Stefnan enn tekin á Kaldadal.
Kv
P
Hæ aftur.
Allt í lukkunnar vel standi, segir Kristján mér núna kl 12:06.
Hópurinn er á Kaldadalsleið, nákvæmlega við girðinguna þar sem snjóhengjan kemur á miðjan veginn á blindhæð, ca 4 km eftir að menn fara yfir grindarhliðið (þetta er auðvitað snilldar lýsing á staðháttum, amk fyrir okkur sófariddarana) (en fyrir okkur Rallýmenn, þá heitir þessi hæð á tæknimáli, amk á 150 km hraða: "Blindhæð, bein, hægra megin"):
Mikill atgangur var í talsstöðinni hjá Kristjáni og ég heyrði í gegnum símann, að menn væru að hleypa úr, enda léttur lágarenningur á vegi sem safnast auðvitað bak við steina og fyllir veginn, þar sem hann er lægstur.
Kristján stefndi því í vestur af vegi, til að losna við hliðarhallann sem framundan er.
Meira síðar.
P
Hæ aftur.
Hópurinn er nú í 750 m hæð við vörðuna fínu efst á Kaldadal. Búið að vera mikið fjör, mikill snjór til að leika sér í, bæði á vegi og fyrir utan veg. Allir ógurlega kátir með daginn, séstaklega þessi eini sem hefur ekki fest sigþ Nefnum engin nöfn :O)
Menn stefna á að fara beint niður í Húsafell og sleppa því að reyna við jökul að þessu sinni, enda er áliðið dags.
kv
P
Hæ aftur.
Náði loksins sambandi við hópinn og hann er nú að mestu staddur við gatnamótin upp að Jaka. Nokkrir af forustu bílunum vildu ólmir fá að máta sig í meiri snjó og lögðu af stað upp að Jaka, amk rétt á meðan öftustu bílar næðu niður á gatnamót. Upp við Jaka og uppá jökli er ekki gott skyggni, hann orðinn nokkuð hvass og því ætluðu menn að snúa til baka og fara í Húsafell.
Menn hafa verið að festa sig eins og gengur og auðvitað eðlilegt þegar óbreyttir bílar eru með í för. Einn bíll affelgaði við góðar aðstæður og því verið að kippa því í liðinn á þessari stundu. Allir alveg himinlifandi með daginn, enda í lögreglufylgd (Kristján). Áætlun er því núna að ferðinni verði formlega slitið niður í Húsafelli eftir um klukkustund.
kv
Palli
Sæl öll
Nú er fréttaritari dagsins farinn af vaktinni og farinn að sinna menningunni. Það passaði mjög vel, en ég var rétt í þessu að heyra í Kristjáni aðalfararstjóra og er hópurinn allur kominn í Húsafell og hefur ferðinni verið slitið. Mér skildist á Kristjáni að allir væru í skýjunum eftir frábæran dag á fjöllum og reikna ég með að hann skrifi hér nokkur orð um daginn, þegar hann kemst til byggða og í tölvu.
kv. Óli, sem fékk þó að eiga eitt fréttaskot í dag.
Sæll Palli
Takk fyrir að halda okkur "sófariddurum" upplýstum um framgang mála í dag.
Alltaf gaman að fá fréttir frá ferðamönnum til fjalla.kv
Friðrik
Takk fyrir frábæran dag.
kv
Þórðut Ingi
k-725
Starex
Góða kvöldið
Þá er maður kominn í bæinn eftir enn einn frábæran dag á fjöllum. Eins og fram hefur komið þá fór hópur af góðum jeppamönnum frá Select, Vesturlandsvegi, í morgun og stefndi til Þingvalla. Þar tók alráðandi ferðarinnar ákvörðun um að fara Kaldadalinn með hópinn. Veðrið var í betri kantinum það er frekar bjart yfir en bálhvasst og sumstaðar var talsverður lágarenningur.
Fyrstu hindranir af völdum snjóa var í brekkunum fyrir neðan neyðarskýlið á Kaldadalsvegi en allir komust upp brekkurnar þó sumir hafi þurft að láta aðeins kippa í jeppana sína. Næsta umtalsverða hindrun á leiðinni var í hliðarhallanum sem fréttaritarinn gaf svo frábæra staðháttarlýsingu hér að ofan. Þar fórum við niður stutta mjög bratta brekku og komust allir niður án áfalla. Næst voru það brekkurnar upp að vörðunni sem voru farartálmi en allir komust yfir Kaldadalinn og niður að vegamótum á leiðinni upp að Jaka. Bjart virtist á jökli og var ákveðið að reyna að fara upp að Jaka. Þegar var komið upp að síðust brekkunni fyrir neðan Jaka var orðið blint af skafrenningi og eins fréttum við að blint væri á jökli. Þá var hætt við frekari tilraunir að komast hærra og snúið tilbaka. Á bakaleiðinni gerðist hið eina óhapp í ferðinni en það affelgaðist vinstra framdekkið á einum jeppanum. Því var lagfært snarlega með aðstoð hópsins sem viðkomandi var í en aðstæður voru erfiðar sökum þess að bálhvasst var þar sem óhappið átti sér stað. Ferðinni var svo slitið um rúmlega fimm við Húsafell.
Þegar upp er staðið var þetta hin besta ferð og að ég held flestir eða allir sáttir. Menn fengu að reyna sig við hinar ýmsu aðstæður við að aka í snjó og komast að því hvers þeir eru megnugir að ógleymdri reynslunni.
Ég þakka skemmtilegum ferðalöngum fyrir daginn. Ég vil þakka hópstjórunum sérstaklega fyrir daginn en þeir stóðu sig frábærlega að venju. Fréttaritarinn stóð sig vel og kom með skemmtilegar lýsingar á staðháttum sem ég held að allir hafi skilið.
Ég minni á að á opnu húsi á fimmtudagskvöldið kemur verður myndakvöld úr þessari ferð og vona ég að sem flestir mæti með sínar myndir.
Næsta Litlunefndarferð verður laugardaginn 19. mars n.k.
Kv. Kristján K. sem fékk að vera aðalfararstjóri í þessari ferð.
You must be logged in to reply to this topic.