Fréttir af fjöllum

Stebbi bara fjandi gott að taka eina helgarpásu frá fjallaferðum enda búið að vera bara strembið tímabilið síðustu vikur

Fórum á 5 bílum í Setur á fimmtudag. Fórum upp Gljúfurleit en tókum fljótlega eftir Sandafell stefnuna beint á Setur, fórum yfir við Dalsárdrög. Þarna er alveg geggjað færi og hægt að keyra eins og druslan kemst. Mæli með þessari leið núna. Það var ekki fyrr en við Setursfjallið sem færið þykknaði verulega og var eiginlega bara lolo færi síðustu 5 km. Bara gaman. Verulega mikil lausasnjór í kringum Setur. Á föstudeginum ætluðum við að þvera Hofsjökul og veðurútlit var gott. Fórum leiðina upp að jökli sem farin er frá Setri via Illahraun. Færið varð alveg svakalega þungt og þegar við vorum á sléttunni við jaðar jökulsins var ákveðið að geyma þetta því færið var svo þungt og veðurútlit var orðið tvísýnt. Þannig að stefnan var tekin niður á slóðann til Kerlingarfjalla og gekk það svona lolo. Síðan var aftur alveg frábært færi beint frá Kerlingarfjöllum beint á Hveravelli meðfram girðingunni. Þar er bara harður og góður keyrslusnjór. Vorum komnir í hús á Hveravöllum tímanlega því stuttu seinna gerði snjóbyl. Fínt að njóta hans í pottinum. Í morgun var síðan keyrt á jökulinn upp Djöflasand og aftur alveg frábært færi og vélsleðafært sem dæmi. Soldið þungt upp brekkuna fyrst á jökulinn en eftir það bara fínasti snjór inn í Þursaborg. Þar fóru 2 bílar síðan niður í Skálpanes og var það létt mál. Hinir bílarnir fóru í átt að Jaka og skilst mér að færið hafi verið orðið verulega þungt ofan við Jaka.

Ferðakveðja
Agust Thor.

Kæri Ofsi

Ferðin okkar á Vatnajökul var mjög vel heppnuð, eitt gatað dekk og eitt umferðskilti tekið í tvígang við Hrauneyjar.

Maður var á um 90 km hrað í lága, glampandi sólskyn og gaman að lifa.

þinn vinur gundur

Jú sjáðu til, þegar beygja átti inn á stæðið í Hrauneyjum voru tveir sem voru aðeins of seinir að beygja, sá fyrri fór aðeins utan í það en sá síðari náði því.

kv. gundur

Trúðagengið og gestir fór ferð á Vatnajökul um páskana – Reyndar komust færri Trúðar en ætlað var og því sameinuðum við okkur nokkrum Útlögum sem ætluðu á sama svæði.

Í ferðinni voru Benni, Sigrún og börn, Kjartan, Nina og barn , Valur og Dóra, Helgi, Hannes Jón, Elke og ljósmyndari. Og þrír Útlagar voru líka með okkur, Þórir, Gunnar og Jóhann.

Við lögðum af stað á miðvikudegi og héldum beint í bækistöð okkar sem var að Lækjarhúsum í Suðursveit – topp aðstaða og mótttökur þar. Menn voru svo að tínast í hús langt fram á nótt og voru Útlagar síðastir í hús um kl 4 um nótt eftir að skipt hafði verið um gírkassa hjá Þóri.

Á fimmtudeginum var svo haldið á jökul í blíðskaparveðri og var áætlun dagsins svo sem engin önnur en að skoða færið og keyra kannski í átt að Esjufjöllum. Ekki tókst það þennan daginn því færið var gríðarþungt og því ákveðið að láta nægja að kíkja ofan í Kálfafellsdal – Reyndar var færið það þungt að ég og Valur hjökkuðum okkur á leiðarenda með Gleðigand á milli bíla og þeir harðari í hópnum löbbuðu bara.

Gunnar varð fyrir því snemma dags að brjóta framdrif (LC80) og fékk annað sennt um hæl með flugvél – Ágúst á Krílinu sendi það. Dagurinn hjá Útlögum fór því í viðgerðir.

Á leið niður af jökli urðum við svo vör við Hlyn og aðra Óþverra sem höfðu farið upp að snjólínu með sleða og snjóbíl en voru á niðurleið líkt og við.

Á föstudegi var ákveðið að reyna að komast í bað í Hvergil. Ferðin yfir jökul gekk nokkuð vel enda batnaði færið eftir því sem norðar dró. Reyndar var ekkert skygni fyrr en á norðurhlutanum. Við fórum niður Brúarjökul og ókum inn að Hvegili en þegar þangað var komið var orðið það hvasst að engann langaði að klöngrast niður og í bað. Eftir þetta var haldið heim og komum við við í Jöklaseli þar sem orðið var fullmannað af Óþverrum og Fúlagegnismönnum – sá hópur hafði haldið sig í skála mestann hluta dags og þegar við komum að var grillveisla að hefjast.

Á laugardegi var haldið heim á leið í Sól og blíðu og ekið vestur jökulinn. Íbúar Jöklasels voru einnig að leggja á jökulinn og voum við samferða hluta leiðar eða þar til við tókum að beygja til vesturs en þau héldu í átt til Kverkfjalla.

Ferð okkar var tíðindalítil – ágætt færi var á jöklinum, svolítið þungt fyrst en lagaðist svo og var gott þar til við fórum að nálgast Grímsfjall. Þar þyngdist færið gríðarlega. Í þessu þunga færi ákvað nýja framdrifið hjá Gunnari að yfirgefa samkvæmið. Það leit út fyrir að erfitt yrði að koma honum niður en þó gekk það betur en maður þorði að vona, Þórir dró hann og ég ýtti með Gleðigand og þannig náðum við að halda 20 – 30 km hraða niður Tungnárjökul. Við vorum svo komin í Hraynaeyjar um kl 22.

Í heildina var þetta því frábær ferð í góðum félagsskap.

Benni