This topic contains 31 replies, has 1 voice, and was last updated by 
-
Topic
-
Fjarskiptanefndin fór á Þránd í gær og skipti um loftnet við endurvarpann. Við settum nýtt 9dB loftnet upp og skiptum um loftnetskapal, en vatn var komið gamla kapalinn. Endurvarpinn er því í fullkomnu lagi fyrir veturinn.
Við prófuðum endurvarpann á heimleiðinni og er hann að virka mjög vel í kringum Blönduós og dettur inn á blettum vestur á Hrútafjarðarháls þar sem virknin er mjög góð. Hann næst einnig mjög vel á norðanverðri Holtavörðuheiðinni.
Bíll sem var á leið áleiðis á Hveravelli prófaði fyrir okkur á Bláfellshálsi og virkaði endurvarpinn ágætlega þar. Við höfðum ekki tök á að prófa í Skagafirði og náðum ekki í nokkurn mann. Við biðjum því Skagfirðinga og aðra sem eru þar á ferð að prófa endurvarpann þar (rás 46) og láta okkur vita.Aðrar fréttir eru að við tókum niður endurvarpann á Vaðöldu í sumar, því hann var ekki að virka sem skyldi og auk þess er nýr endurvarpi á Slórfelli að dekka útbreiðslusvæði Vaðöldunnar ágætlega.
Nýtt og betra loftnet var sett á Bláfell og endurvarpinn yfirfarinn. Hann er því í góðu lagi fyrir veturinn.Á döfinni er að setja upp tvo nýja endurvarpa, annan á Skrokköldu og hinn hugsanlega á Skálafelli.
Endurvarpi á Skrokköldu tekur Vonarskarðið, vestanverðan Vatnajökul og svæðið austan Hofsjökuls, skv. útbreiðsluútreikningum.
Endurvarpi á Skálafelli tekur svæðið inn við Hlöðufell og línuveginn eitthvað austur.Fyrir hönd fjarskiptanefndar,
Kjartan
-
Replies
-
Ég sendi fyrirspurn til ritara stjórnar Islenskra radíóamatöra, og fékk þetta svar:
[i:11tl5vi0]Ekkert námskeið er á dagskrá eins og er en ég þykist viss um að við stöndum fyrir námskeiði á þessum vetri. Það er erfitt að segja hvort það verður fyrir jól úr þessu.
Læt vita af þessu í stjórn.[/i:11tl5vi0]-Einar TF3EK
Þeir sem er virkilega alvara með að fara á amatörnámskeið ættu að senda ritara ÍRA línu og gefa upp nafn, síma og kennitölu.
Við erum nokkrir sem erum að bíða eftir námskeiði, og liðsstyrkur væri vel þeginn!
Svo má benda á að það eru fundir á hverjum fimmtudegi kl 20 í félagsaðstöðu ÍRA á Skeljanesi.
Fjarskiptakveðjur,
Guðmundur
Sé að minn gamli kollegi Hrafnkell er ritari 😉 sendi honum línu. Takk.
ég er búinn að vera að lesa mig í gegnum lög og reglur um amatöra, amatörstöðvar og amatörleyfi.
samkvæmt því sem ég fæ séð veitir amatörleyfið réttindi til að stunda fjarskipti á ákveðnum tíðnum og bylgjulengdum og amatörstöðvar vinna á þessum tilteknu tíðnum og bylgjulengdum.
flestar almennar rásir og þarmeð talið allar rásir 4×4 eru utan þess og til að amatörstöðvar geti unnið á þessum rásum þarf að krukka eitthvað ólöglega í þeim. amatörréttindi veita mönnum semsagt ekki réttindi til að nota 4×4 rásirna með amatöstöðvum og því eru menn alveg jafn miklir lögbrjótar með amatörstöðvar hvort sem þeir eru með amatörréttindi eða ekki.
einnig hef ég fengið staðfestingu á því að rangir sítónar frá amatörstöðvum eru mjög líklegir til að skemma rásir í bæði stöðvum og sendum, jafnvel í mikilli fjarlægð.
á ekki 4×4 að beita sér fyrir því að ekki séu ólöglegir notendur á tíðnum 4×4 að skemma fyrir okkur hinum, hvort sem þeir eru með amatörleifi eða ekki.
Þegar þú segir skemma meinaru þá valda 1) truflunum 2) varanlegu tjóni á búnaði eða 3) valda "bilunum" eins og sprengja öryggi?
Allir sem eru félagar í 4×4 mega nota tíðnisvið félagsins — auðvitað líka þótt viðkomandi sé amatör. Það er heldur ekkert sem bannar að nota SÖMU talstöðina í hvort tveggja, svo framarlega sem menn halda sig innan settra aflmarka utan amatörtíðna (þ.e. 25 W).
Og til að varpa ljósi á sítónaumræðuna:
Sítónn er ekkert annað en djúpur tónn (bara venjulegt hljóð), sem er blandað við röddina þegar talað er. Tónninn er það neðarlega í tíðni (undir 300 Hz) að hátalararnir okkar skila því ekki og stöðin filterar það frá hljóðkerfinu.
Talstöðin hins vegar nemur sítónshljóðið eins og öll önnur hljóð (eða óhljóð) sem viðkomandi sendir frá sér, og ef tiltekin rás er skilgreind með sítóni, þá bíður móttökustöðin eftir að heyra þennan tón áður en hún opnar fyrir hljóðkerfið. Einfalt og pottþétt.
Endurvarpar geta EKKI skemmst af röngum sítóni. Ef móttökurás í endurvarpa er stillt á sítón (eins og t.d. rás 46 hjá okkur), þá bíður endurvarpinn einfaldlega eftir að heyra tal með þessum undirtóni og kveikir ekki á sér fyrr en þá. Það minnkar stórlega hættuna á að endurvarpinn fari í gang vegna truflana á viðkomandi tíðni.
Fjarskiptakveðjur,
Guðmundur
rangir sítónar sprengja öryggi, segja þeir sem ég hef mínar upplýsingar frá.
er einhvers staðar hægt að nálags UPPFÆRT kort af endurvörpum landsins? Eina kortið sem ég finn er frá 16. sept 2004.
kv
Baldur Skáti
Rangur sítónn er einfaldlega rangur sítónn.
Ekki er nokkur möguleiki í hel né á jörðu að þetta geti eyðilagt endurvarpa. Þetta er einfaldlega tónn sem er sendur með tali eins og einhver benti réttilega á hér að ofan.
Í þessum endurvörpum eru væntanlega sérstakar rásir sem hlífa sendinum við of háum sendistyrk (nema þetta sé tækni frá WWI…). Þannig að sendarnir ættu ekki að skemmast sökum of hás sendistyrks.– Úlfr
Sítónn og fleiri tónar sem hægt er að senda út eru stundum notaðir til að vekja ákveðna hegðun í viðtækjum eða endurvörpum. Ef endurvarpi er þannig forritaður að hann bregiðst við einhverjum slíkum tónum þá gerir hann það. Tæknilega séð er þessi möguleiki því fyrir hendi.
Þess vegna er mikilvægt að fá skýringar þeirra sem þekkja til þessa tiltekna tilviks með endurvarpann til að kryfja málið til fulls.
Snorri
TF3IK
Sigurður verður að koma með rök, og heimildar menn hans verða að gefa sig fram og standa fyrir máli sínu, ef taka á mark á því sem hann er að segja.
Í stöðvum sem stilltar eru fyrir rásir 4×4, eru sítónar notaðir á beinu rásunum til þess að opna fyrir hljóðmerki inn á hátalara. Ef réttur sítónn kemur, er kveikt á hátalaranum, annars ekki. Þetta er ekki flóknara en þetta, það er því útilokað að rangur sítónn geti skemmt eitt eða neitt. Stundum eru sítónar notaðir til þess að virkja endurvarpa, þetta er þó ekki gert í endurvörpum 4×4. Því hafa sítónar engin áhrif á þá (góð eða slæm). Ef merki kemur með röngum sítón, þá er það einfaldlega hundsað. Þar sem sendistyrkur amatörstöðva á tíðnibilinu milli 163 og 164 MHz er minni en "commercial" stöðva, er ennþá ólíklegra að amatör stöðvarnar hafi óæskileg áhrif á endurvarpana, sem hlusta á þessu tíðnibili, heldur en "commercial" stöðvarnar.
-Einar TF3EK
You must be logged in to reply to this topic.