This topic contains 6 replies, has 1 voice, and was last updated by 
-
Topic
-
Var að tala við Lúther núna kl. 16:10 Allt gott að frétta af þeim Stebba í Árbúðum. Þeir eru búnir að rífa gamla kamarinn og eru að taka til og sortera timbur. Þeir fóru Lyngdalsheiðina uppúr og þar var bara snjór og fjórhjóladrifsfæri. Einhverjir útlendingar sátu fastir og fór um klukkustund í að koma þeim niður á Laugarvatn. Lúther var smá smeikur við að koma 800 kg. kerrunni uppeftir ef færið yrði þannig en frá Geysi er allt marautt og frosið. Tjáði hann vera peysublíða,stafalogn og ekki komið dropia úr lofti í allann dag. Hann var ekki viss hvort þeir ætluðu að byrja að smíða í kvöld en þá langar að skjótast upp á Hveravelli og ath. aðstæður.
Meira á morgun
Magnús Fréttastjóri
-
Replies
-
Litlunefndarferðin rann úr hlaði á Select upp úr 0830. Mjög góð þáttaka er og alls 21 bíll og flestir á 38". Hvar eru allir þessir óbreyttu?
–
Þegar ég talaði við Barböru um kl. 1030 voru þau að silast eftir Gjábakkavegi, allir komnir í fjórhjóladrifið og búið að tæma slatta af borgarlofti. Talsverður snjór var og er hann blautur og ófrosinn og ca. 20 cm djúpur. Fyrsti bíllinn var að mátan spottan, en það var gulur USA pickup. Veit ekki hver á hann. Óli "Hjólbarði" loðsaði hópinn eins og herforingi eftir GPS.
–
Náði sambandi við Steffu núna kl. 1130 og voru þau þá við vörðuna. Hún er á Patrol eðalvagni sem hún fékk lánaðann. Hún er í 7th heaven og er búinn að sjá ljósið.
–
Það vill slitn mikið Nmt sambandið svo maður fær þetta í slurkum.Meira síðar
Magnús á vaktinni
Náði loks sambandi við Óla Gústavss. og var hann í góðum fíling. Þau eru stödd fyrir sunnan Skjaldbreið norðan við Eldborgir og nálægt Skefilsfjallahorni. Það er blautur snjór sem þjappast samt vel. Mhn á Ravinum, minnst bílnum, hefur verið í svolitlu basli en þó merkilegt hvað hann kemst. Hann er hafður á millii Steffu að og Óla. Óli "Hjólbarði" fararstjóri er á 35" var fremstur en settir voru tveir 38" bílar fyrir framan hann til að troða. Annars er frábært veður 4°C hit, stafalogn og bara gaman.
Meira síðar
Magnús G.
komust þau í samband. Þau eru að koma af línuveginum og út á Kjalveg. Þegar ég talaði áðan við Steffu þá var hún aftasti bíll og var við Haukadalsafleggjarann. Hún er búin að vera með Mhn í spottanum síðan við vörðuna sem ég talaði um. Þess vegna hafa þau tvö verið langt á eftir hópnum. Þau voru í snjó niður á línuveg, en autt eftir það. Hópurinn ætlar að ráða sínum ráðum þegar komið er niður á Kjalveg en einhver hluti hópsins ætlar í bæinn en hinir ætla að halda áfram upp í Árbúðir þar sem vaskir menn eru að störfum.
–
Af þeim er það að frétta að legur og naf eru eitthvað að hrella Pæjuna hans Lúthers og eru einhverjir úr hjálparsveitinni, líklega Þorgeir og Lella ofl. að fara með það uppeftir.Vonandi meira seinna
Magnús G.
Barbara var í vandræðum með að ná Mussonum úr lágadrifinu en eins og sönnum kerfisfræðingi sæmir hakkaði hún sig úr því. Einnig höfðu vinnukonurnar neitað að vinna nema á klukkustundar fresti.
MG.
Já nú er þessarri litlunefndarferð lokið og fóru allir nema Steffa og Barbara Kjöl í bæinn. Þær ætla áfram upp í Árbúðir enda orðnar svangar og langar í grillaða hamborgara og fleira góðgæti. Þær eru nú í svartaþoku en annars góðu veðri. Hvað framhaldið verður kemur bara í ljós!!!!
Möguleiki á einhverjum fréttum í kvöld,
Magnús G.
Steffa og Barbara fóru þær inn á gamla Hvítárnesafleggjarann og síðan út á Kjalveg aftur og í Árbúðir. Þangað voru þær komnar upp úr kl. 20 og var vel tekið af höfðingjum þar. Þokan hafði bara verið í smá stund og ekki til vandræða. Voru þeir tilbúnir með matarveislu enda bjuggust þeir við fleirum. Og enn er von á gestum. Þorgeir og Lella höfðu komið með varahluti handa Lúther og skiptu hann og Kristinn frændi úr litlunefndinni um legur. Kamarinn fór auðveldlega upp. Það er svo sem ekki í fyrsta sinn, en einhver hanaslagur var milli Stebba og Laugja. Líður öllum vel og biðja fyrir kveðjur í bæinn.
Pistlahöf. er farinn af vaktinni,
Meira á morgun.
Magnús G.
You must be logged in to reply to this topic.