This topic contains 31 replies, has 1 voice, and was last updated by 
-
Topic
-
Eins og reyndar er búið að benda á í öðrum þræði er hér birt fréttatilkynning frá klúbbnum um kærumál vegna utanvegaaksturs þar sem virðist vera að menn hafi verið teknir og kærðir fyrir akstur á slóð. Það var líka sagt frá þessu í fréttu ruv núna kl. 15 og svo veit ég að blaðamaður á Fréttablaðinu er að vinna eitthvað meira úr þessu. Alltaf erfitt að sjá fyrir hvernig fjölmiðlaumfjöllun kemur út þegar upp er staðið en við höfum þá allavega komið okkar meiningu á framfæri.
Kv – Skúli
umhverfisnefnd
-
Replies
-
Ég er nokkuð viss um að þetta er alt að vera móðursiki eitt saman, sllóðar sem menn og konur eru bunnir að keyra árum samann eru alt i eynu ornir ólöglegjir firir utan þjóveg 1 er mál með þetta erlendaferðafólk sem er heldur að sækja á landið, það er ekki orðið þverfóta firir þeim hér og eru ekki mannana bestir. við verðum að hugsa málið með utanvegakstur það er vont að draga mörkinn er gæslan bara á suðurlandi ég held að lögjinn ráði ekkert við þetta. svo er ekki nóg að 1 eða 2 fari áframm með þessi mál það eru fleyri svæði en bara suðurlandið i þessu ,mer finst
þessi mál vera eyngöngu á suðurlandi það eru slóðar um allt hér nordan lands lika nu komun við samann og verðum ein heild. Þetta er ekki bara suðurland. Hverfnig verður þetta næsta sumar og tala ekki um verturin verður maður ekki tekinn firirutanvega akstur á arnavatni maður bara spir á is i þokkabót´. ég vil að við verðum fleyri sem berjumst i þessum málum en bara 2 aðilar eða 3 á landinu. Góðar stundir
Rangárþing og Ásahrepppur fóru út í þessa kortavinnu fyrir slóðanefnd LMÍ-Umhverfisstofnun og Vegagerðina og voru þessi svæði tekin sem stikkprufur. Síðan var nefndin lögð niður og ekkert frekar er á dagskrá en sem komið er.
Glanni hefur Ólaf Örn Haraldsson fyrir rangri sök hér að ofan. Á öllum fundum bæði hjá Samút og annarsstaðar, þar sem ég hef séð til hans, hefur hann verið mjög jákvæður í okkar garð, og stutt okkar tillögur.
Flestir þeir sem njóta þess að ganga í náttúru Íslands eru jákævðir í garð jeppamanna, enda nota þeir flestir jeppa til það að komast þangað sem þeir labba. Við Skúli, og að ég held Ólsarinn, erum í þessum hópi.
Raunar veit ég bara um einn mann innan stjórnkerfisins sem er neikvæður í okkar garð, það dr. Árni Bragason, fyrrverandi forstjóri Náttúruverndar Ríkisins. Hann treður sér inn í flestar nefndir sem koma að þessum málum. Hann er t.d. eini maðurinn sem hefur reynt að rökstyðja akstusbannið á Skeiðarárjökli, svo ég viti, var reyndar langt frá því að vera sjálfum sér samkvæmur í því.
Það var líka Árni sem æsti forsvarsmenn í Ásahreppi upp á móti því að við stikuðum Bárðargötu, og kom í því sambandi fram á útvarpsþætti þar sem hann fór með ósannindi og sakaði okkur um að taka okkur vald sem við ekki hefðum. Ég held að Árni sé ekki neinn sérstakur áhugamaður um verndun Íslneskrar náttúru, eða gönguferðir, fyrir honum vaki einfaldlega að fá vald til þess að ráðskast með það hver megi gera hvað.
-Einar
Það má vel vera að Ólafur sé ágætisnáungi og hann hafi farið í göngutúra með þér og Skúla en það breytir ekki þeim orðum sem hann lét út úr sér í þessum útvarpsþætti,sem var að mig minnir spegillinn á Rás 2.
en Batnandi mönnum er best að lifa.Kv.
Glanni
Ég tek nú undir með Einari Kjartans að mín kynni af Ólafi Erni – sem eru nú reyndar ekki í gegn um göngutúra – hafa ekki byggt upp ímynd af honum sem einhverjum rudda í umgengni, þvert á móti er hann prúðmenni og frekar orðvar. Um þessar mundir er ég búinn að vera félagi fyrst í Ferðafélagi Íslands og síðar deildinni hér í Skagafirði í 40 ár og hér um slóðir er það algengara en ekki, að menn séu félagar í báðum félögum og jafnframt virkir í hvoru fyrir sig. Hefur það ég veit aldrei staðið á því að hvort félagið sem er legði hinu lið ef á hefur þurft að halda og samstarf ágætt í alla staði. Satt að segja hélt ég að sama staða væri uppi á höfuðborgarsvæðinu og vona að svo sé. En dr. Árni Bragason hefur því miður reynst vera nokkuð hneigður til öfga í afstöðu sinni til mála og það þykir mér afleitt þegar opinberir embættismenn sem geta haft mikil áhrif með orðum sínum og gjörðum gæta ekki eðlilegs hófs í málsmeðferð og ummælum um menn og málefni.
Glanni ertu viss um að þú sért ekki að eigna Ólafi kynningarorð umsjónarmanns þáttarins? Sé þetta sami þáttur af Speglinum og ég hlustaði á, þá notaði þáttastjórnandinn í kynningu sinni orð eins og reykspúandi drekar, æðandi um og rjúfa kyrrðina. Síðan var viðtal við Ólaf sem var án stóryrða sem þessara, en þar talaði hann um að ‘skynsamir menn þurfi að koma saman og finna leiðir til að bæði sé hægt að ferðast um á jeppum og vélsleðum en jafnframt njóta kyrrðarinnar’. Það var inntakið í hans orðræðu í því viðtali sem ég heyrði við hann í Speglinum. Við Jón Snæland komum svo í Spegilinn einhverjum dögum seinna og lýstum okkar sjónarmiðum í þessu.
Auðvitað er þetta einn af þeim vinklum sem vekur upp alla þessa umræðu núna, en það sem ég hef heyrt til Ólafs er að þetta sé mál sem ferðafólk (semsagt göngumenn, vélsleðamenn, jeppamenn og mótorhjólamenn) þurfi að leysa sín á milli en ekki láta opinbert valdboð um það. Þetta er líka ekki stórt vandamál og vel hægt að leysa og Siðareglur jeppafólks sem klúbburinn setti saman fyrir nokkrum árum og birst hafa í Setrinu er eitt innlegg í það.
Kv – Skúli
Var þetta semsagt meðan Hjálmar nokkur Sveinsson var einn af starfsfólki Spegilsins hjá RÚV? Mér finnst ég kannast við orðalagið!
Þetta var Hjálmar þessi. Hann var bæði mikið fyrir að fjalla um þessi mál og mikið fyrir að krydda umfjöllun sína stóryrtum lýsingum. Eiginlega var mesta furða hvað við Jón komumst svo frá þessu viðtali sem við fórum í til hans, en það var fróðlegt að spjalla við hann áður en við fórum inn í stúíóið.
Kv – Skúli
Ef hægt er að fá uppgefið frá Vegagerðinni hvaða slóða megi aka – er þá ekki ráð að færa þá inn á kort? Ég get nú tekið að mér handverkið ef upplýsingarnar liggja fyrir. Allt fyrir jeppamenn og -konur!
EE.
Hjálmar Sveinsson… var ekki verið að biðja menn að gæta orða sinna hér á vefnum.
Þessi þráður er lokaður öðrum en félagsmönnum. Það þýðir vonandi að við getum rætt málin tæpitungulaust, án þess að efnið fari í leitarvél Google, eða að utanfélagsmenn, Árni Bragason til dæmis, geti notað það í þeim tilgangi til þess að bregða fæti fyrir okkur, eins og gerðist í tengslum við stikuferð haustið 2005.
Ég sé ekkert að því að nefna nöfn hér, ef menn gæta þess að hafa staðreyndir sín megin.
-Einar
You must be logged in to reply to this topic.