This topic contains 9 replies, has 1 voice, and was last updated by 
-
Topic
-
Í þessum töluðum orðum er; 37 jeppa hópur af öllum stærðum og gerðum, undir stjórn Litlunefndar að nálgast Hellu og verður staðan tekin þar. Þokuloft og súld er á Mýrdalsjökli og er því ekki víst að þeir fari á jökulinn. Kemur til greina að þeir fari bara inn á fjallabakssvæðið. Góð stemning er í hópnum.
Bassi og einhverjir fleiri komu inn í tetraspjallið og voru þeir bæði á Kaldadal og í Húsafell. Þar er sól og blíða og sögðu að það væri bjart væri yfir langjökli, og stefnan tekin þangað.
Sófariddarar rífið ykkur nú upp úr sófanum og farið að jeppast og njóta íslenskrar náttúru.
Fréttastrumpur.
-
Replies
-
Litlanefndin ætlar að hætta við jökulinn, hann er svartur og óárennilegur. Þeir eru að yfirgefa þjóðveg í þessum skrifuðum orðum og fara upp hjá Keldum inn á fjallabak, inn að Laufafelli og þaðan í Dalakofann. Vegurinn þurr og bara góður.
Meira síðar,
Fréttastrumpur.
Litlanefndin er í 480 metra hæð og eru stökuskaflar nokkuð blautir og því eitthvað um festur. Stærri bílarnir með Benna Magg í fararbroddi eru komnir aðeins lengra. Fara liklega ekki lengra en upp að Laufafelli í dag. Allt í góðum gír og bara gaman.
Meira síðar.
Fréttaritarinn.
Benni og stærri bílarnir eru komnir inn í Dalakofann og ætla að snúa við til hópsins, þar sem Benna leist ekki á blikur á Heklusvæðinu fyrir minni bílana, svart yfir og líklega þoka og bras. Svo þeir fara sömu leið til baka. Þeir eru ca. km frá afleggjaranum inn í Hungursfit, undir Kerlingafjöllunum. Núna fyrst komnir í bara snjó en hafa verið í sköflum. Blautur og erfiður snjór fyrir minni bílana, kviðdráttur, einn búinn að affelga bæði að framan og aftan og festur. Bara gaman. Tveir öfustu bílarnir snéru við fyrir nokkru. Þeir eru farnir að huga að því að snúa við.
Meira seinna.
Fréttaritarinn.
Nú er þessari aprílferð Litlunefndar lokið. Til stóð að fara á Mýrdalsjökul, en þegar komið var austur fyrir fjall var jökullinn hulinn þoku, en bjart og fallegt inn til landsins. Var því ákveðið að freista þess að komast að Dalakofanum við Laufafell.
Ekki tókst það hjá öllum, en hópur stærstu bílanna fór þangað og óku eitthvað þar um kring áður en þeir snéru við og héldu á móti litlu bílunum. Flestir litlu bílanna komust að afleggjararnum að Hungurfitsleið, eða því sem næst.
Snjór var blautur og gekk þokkalega vel innúr, en á bakaleiðinni var hann orðinn mjög blautur og stutt í að hann breyttist í krapa.
Ferðinni var síðan slitið á Hellu og hljómuðu allir hinir ánægðustu.
Fyrir hönd Litlunefndar þakka ég þátttakendum fyrir daginn. Sérstaklega Benna og Helga fyrir að leiða hópinn, einnig hinum fararstjórunum fyrir frábært samstarf. Svo má ekki gleyma fréttaritaranum.
Að lokum minni ég á að myndakvöld úr þessari ferð verður á opnu húsi hjá klúbbnum á fimmudagskvöldið kemur. Ég hvet alla til að koma með sínar myndir og deila með okkur hinum.
Kv. Óli, Litlunefnd
Á morgun, fimmtudagskvöld, verður myndakvöld og hittingur hjá þeim sem fóru í Litlunefndarferðina um liðna helgi.
Hvet ferðalanga og fararstjóra til að mæta.
Kv. Óli, Litlunefnd
… ég mæti og ætla að muna eftir myndunum núna
Hvet þá sem voru með í ferðinni til að koma og taka með sér myndir á CD eða minnislykli, þeas ef þeir tóku einhverjar myndir.
Kv, Óli
Mér skilst að Litlanefnd sé komin í sumarfrí en er hægt að fá hana að plana eina ferð í maí? T.d. hægt að fara í ferð þar sem vöð eru allsráðandi. Er hægt að fara Í Setrið á þessum tíma á óbreyttum og lítið breyttum? Spyr einn sem sættir sig ekki við frí þessarar góðu nefndar ;). Jeppakveðja!
það er ekki hægt að fara í Setrið á þessum tíma. það eru komnar á vor lokanir hálendisvega
Það má segja að vetrarstarfi Litlunefndar hafi lokið óformlega með síðustu ferð. Það hefur ekki verið hefð hjá Litlunefnd að vera með sumarferðir í nafni nefndarinnar. Það er rætt á hverju ári, en yfirleitt hefur verið ákveðið að efna ekki til slíkra ferða. Ég á von á að slík umræða verði á dagskrá nýrrar Litlunefndar eftir aðalfund, en get ekki svarað hver niðurstaðan verður.
Nú er líka að koma sá tími sem er hvað erfiðastur fyrir jeppafólk, þegar lokanir eru í gildi á fjallvegum. Þá freistast líka oft einhverjir til að leggja í hann en það er einmit það sem er langverst fyrir okkur jeppamenn, en þá kemst af stað sá slæmi orðrómur að jeppamenn keyri á lokuðum leiðum og skemmi allt sem fyrir verður, þannig snýst almenningsálitið gegn okkur.
Þessvegna er mikilvægt að allir jeppamenn bæði á litlum jeppum og einnig á þeim stóru virði þær lokanir sem eru í gangi. Hægt er að fylgjast með lokunum á heimasíðu vegagerðarinnar, t.d. er hægt að sjá hvaða vegir eru lokaðir á [url=http://www.vegagerdin.is/umferd-og-faerd/faerd-og-astand/faerd-og-vedur/faerd-um-allt-land/island1.html:r7ztp17q][b:r7ztp17q]yfirlitskorti yfir færð og veður[/b:r7ztp17q][/url:r7ztp17q]. Einnig er vegagerðin með upplýsingar um hálendisleiðir á heimasíðu sinni undir liðnum [url=http://www.vegagerdin.is/vegakerfid/Fjallvegir/:r7ztp17q][b:r7ztp17q]ástand á hálendisleiðum[/b:r7ztp17q][/url:r7ztp17q].
Ég hvet alla jeppamenn sem vilja standa vörð um hagsmuni okkar að virða þessar takmarkanir og njóta þess svo að ferðast um landið okkar þegar þessum takmörkunum hefur verið aflétt.
Kv. Óli, Litlunefnd
You must be logged in to reply to this topic.