This topic contains 4 replies, has 1 voice, and was last updated by 
-
Topic
-
Þá er ratleikur Litlunefndar hafinn. Um 20 bílar lagðir af stað í óvissuna.
Fleiri fréttir síðar.
Óli, Litlunefnd
-
Replies
-
Það eru um 20 bílar sem mættu í morgunsárið og fengu sína GPS punkta. Leiðin lá síðan yfir á Breiðdal sem er á milli Bláfjallavegar og Kleyfarvatns. Óli sagði þá sem fóru á undan hafa þurft að fara niður í 6 pund í dekkjum (44"), þannig að þessi leið mun örugglega reyna á suma minni bílana. Hann og Kristján eru á leið inn í Krísuvík og ætla að skoða svæðið þar á milli fjalla og jafnvel fara inn á Vigdísarvelli. Við munum síðan setja fréttir af ferðinni hér inn jafnóðum og þær berast.
Guðmundur G. Kristinsson
Litlunefnd
Tveir hópar eru komnir inn á Vigdísarvallaleið, en beðið er eftir tveimur hópum. Annar þeirra lenti í einhverju brasi við skála í Bláfjöllum, þar sem einn GPS punkturinn var. Skyggni er gott, en það snjóar lítilega. Síðan á að halda inn á milli fjalla og þá gæti dregist eitthvað að fá næstu fréttir.
Guðmundur G. Kristinsson
Litlunefnd
Þá eru allir hópar komnir á Vigdísarvelli og og bara heimleiðin eftir. Farin verður Djúpavatnsleið til baka niður á Sveifluháls við Krísuvíkurveg. Gera má ráð fyrir að þetta takki um hálftíma, en það gæti breyst ef færðin verður þung. Fréttaritari þakkar fyrir sig og Óli kemur inn hér á eftir með nánari fréttir af ferðinni.
Guðmundur G. Kristinsson
Litlunefnd
Góðan dag
Þá er eftirfarinn kominn til síns heima eftir flottan dag. Þetta var fremur fámenn ferð, aðeins um 20 bílar, en mjög skemmtileg var hún. Haldið var í Bláfjöll með viðkomu á ýmsum völdum stöðum. Frá Bláfjöllum var farið í átt að Hafnarfirði en Breiðdalsleið farin yfir á Sveifluháls. Ekið var með Kleifarvatni og inn á Suðurstrandarveg. Á þessari leið voru nokkrir punktar sem þurfti að finna. Af Suðurstrandarvegi fórum við á Vigdísarvelli en þar lauk ratleiknum.
Hóparnir fóru síðan Djúpavatnsleið til baka og var fremur lítill snjór á leiðinni, en þó ágætir skaflar á stöku stað sem reyndust þokkalega krefjandi fyrir minni bílana. Pumpað var í og ferð slitið þar sem Krýsuvíkurleið og Djúpavatnsleið koma saman. Einhverjir fóru í leit að frekari ævintýrum en aðrir fóru til síns heima.
Ég þakka öllum sem lögðu hönd á plóg og minni hópana á að senda okkur leiðina sem farin var, eitt eintak frá hverjum hóp á litlanefndin@f4x4.is. Einnig valdar góðar myndir sem teknar voru. Á næsta félagsfundi, 4. apríl n.k. veitum við verðlaun fyrir bestu rötun og er það allur viðkomandi hópur sem fær verðlaun. Einnig verða veitt verðlaun fyrir bestu ljósmyndina úr ferðinni.
Kv. Óli, Litlunefnd
You must be logged in to reply to this topic.