This topic contains 11 replies, has 1 voice, and was last updated by 
-
Topic
-
Um níuleitið lögðu rúmlega 30 jeppar af stað frá Stöðinni við Vesturlandsveg í ferð Litlunefndar í Kerlingafjöll. Stefnan var tekin á Þingvelli en aka á yfir Lyngdalsheiði en síðasta stopp í byggð verður við Geysi.
Depill er í eftirfarajeppanum en framvindu ferðarinnar er hægt að fylgjast með á http://www.depill.is/f4x4
Kristján K
-
Replies
-
Ég var í sambandi við Bjössa eftirfara um kl. 11:30 og þá voru síðasti hópurinn nýfarinn frá Geysi. Veðrið var hið besta og um 10 gráður frost.
Ég talaði við Óla á öryggisbílnum og hann var staddur við Grjótánna. Lítill snjór enn sem komið en allt gaddfrosið.Kv. Kristján K.
Ég var að ræða við Óla. Hann er kominn yfir Hvítá og voru tveir fyrstu hóparnir að nálgast hann. Bjössi er staddur á Bláfellshálsi en þriðji hópurinn með minnst breyttu jeppunum átti í smábrasi með snjóskafla þar. Óli sagði að færið væri mjög gott þegar væri komið yfir Bláfellshálsinn og ætluðu þeir ekki að fylgja veginum heldur aka stystu leið yfir sléttuna á harðfenni. Hann sagði líka að veðrið væri frábært, heiðríkja og fagurt útsýni.
Kv. Kristján K.
Nýjustu fréttir af Litlunefndarferðinni er að tveir hópar eru að nálgast Kerlingafjöll. Þeir voru í nánd við Blákvíslina en farið verður yfir hana talsvert fyrir norðan veginn. Að sögn Óla hafa þeir fylgt förum eftir Kerlingaskálamenn sem fóru þar fyrr í morgun. Þetta væri skotfæri fyrir 35" bíla og stærri.
Af þriðja hópnum (minna breyttir og óbreyttir) er það að frétta að þeir eru komnir yfir Hvítá og eru einhvers staðar í grennd við Árbúðir. Ferðin gengur seinna hjá þeim en þeir munu ætla að halda eitthvað áfram áður en þeir snúa við.Kristján K. sem langar á fjöll
Óli var að hringja. Tveir hópar komnir í Kerlingafjöll þar sem þeir fengu höfðinglegar móttökur. Búið var að hella upp á kaffi og ferðalöngunum var boðið inn til að borða nestið sitt. Hann reiknaði með því að þeir myndu fljótlega snúa til baka og halda heim á leið.
Þriðji hópurinn var við Árbúðir en þar ætluðu þeir að snúa við.
Eitthvað hefur verið um festur en slíkt tilheyrir vetraferðum og er bara til að hafa gaman af. Engar fréttir hafa borist af bilunum eða þess háttar hjá hópunum.Kristján K
Ég er illa fjarri góðu gamni félagar. Gangi ykkur vel. Góða skemmtun
Péturá kommanum
Bjössi hringdi rétt í þessu og sagði að hópurinn með óbreyttu og minna breyttu bílunum væru nánast að komast tilbaka yfir Bláfellshálsinn. Smábras hefði verið en flest allir væru búnir að skemmta sér vel. Hann sagði að hóparnir tveir sem komust í Kerlingafjöll væru að draga þá uppi.
Kristján K
Bjössi hringdi núna kl. 18:00 og sagði að allir hóparnir væru komnir niður á malbik og væru þeir síðustu að pumpa í dekkin. Ferðinni væri formlega slitið og hver héldi til síns heima á eigin vegum.
Þetta er síðasta innskot fréttaritara sem öfundar þá er komust á fjöll í dag.
Kveðja Kristján K
Þetta var frábær ferð og flestir vonandi komnir til síns heima. Amk. er undirritaður kominn heim.
Nánari ferðasaga kemur fljótlega og myndakvöld verður á fimmtudagskvöldið og verður það auglýst síðar.
kv. Óli
Takk fyrir skemmtilega ferð í dag.
Sjáumst hress, kveðja, Spotti
Takk fyrir frábæra ferð.
Góður dagur að baki.Takk fyrir okkur.
You must be logged in to reply to this topic.