Fréttaþráður helgarinnar 5.-7. mars 2004

Góðann daginn félagar. Fréttir af Nýliðaferðinni eru allar góðar. Ég var að tala við Þránd og lá vel á honum og öllum hópnum. Þeir voru staddir á Búðarhálsi á stikaða kaflanum ennþá en ekki gat hann staðsett þá nákvæmar. Rosa fínt veður sól og blíða, snjór yfir öllu, vatn í lænum, lækir og pollar með þunnum lagís. Vel tókst að koma saman hópnum í Hrauneyjumí morgun og standa nýliðarnir sig mjög vel. Hann sagði að mikið stuð væri í talstöðvunum. Verða þeir líklega bæði þegjandi hásir og með harðsperrur í talfærum undir kvöldmat. =) Smotterísbilannir hafa gert vart við sig.

Meira seinna

Magnús G.

Sælir aftur! Var að sleppa einum nýliðanum, Ólafi Gústafssyni sem er í hóp B undir öruggri stjórn Gunna "hása" Kristjánssonar úr símanum. Voru þeir rétt í þessu að koma upp á Kvíslaveituveg aftur af Búðarhálsinum.
Sagði hann að ísinn héldi svona ca. tveimur fyrstu bílunum en restin færi í gegn og þar væru menn að festa sig. Sagðist hafa búist við þessu verra en er hæstángður. Hópurinn heldur vel saman og er í banastuði.

Meira seinna
Magnús G.

Var rétt í þessu að tala við Jón "ofsa-slóðríkann" Snæland.

Voru þeir staddir við Nyðri Hágöngur á 10 bílum. Þvílík blíða og klassa færi. Lágmarkshiti í morgun var -14° en var kominn í -3.8° núna. Háar skarir ca. 2m voru á Svörtukvísl en lítið var í ánni. Komust þeir yfir rétt fyrir ofan vaðið þar sem skarirnar voru aðeins minni.

Jón var slasaður þar sem hann hafði flogið á hausinn og skellt hurðinni í leiðinni. Þvældust puttar gírhandarinnar einhvernveginn á milli svo að hann á erfitt með að skipta um gír. Skyldi hann fá sér sjálfskiptann bráðlega?

Jón Ebbi er að sögn á mikið breyttum "Forusturauð" þarna og kemur það ekki til af góðu. Þannig er að vinnumaður hjá honum ætlaði að færa bílinn eitthvað en ekki fór betur en svo að hann keyrði undir eitthvað (náði ekki hvað) og tók allt ofan af bílnum, loftnet ofl. Ekki er bíllinn svipur hjá sjón.

Þeim seinkaði aðeins að fara frá Hrauneyjum vegna þess að Kjartan formaður kom lannngseinastur og tafði í þokkabót með framboðsræðu.

Þegar Jón Snæland kom í Hrauneyjar í gær lanngfyrstur voru þrír hópar farnir á leið á Grímsfjall. Þarna voru Pétur í Hvammsvík ætlaði Grímsfjall – Esjufjöll, Auðunn í bílasprautun Auðunns í Kópavoginum ætlaði Grímsfjall – Snæfell.

Meir seinna
Magnús G.

Sælt veri fólkið!

Var að spjalla við Ómar og var allt í góðu gengi hjá honum. Þeir eru nú staddir mitt á milli Þjórsár og Seturs og verða þeir fyrstu komnir inn í Setur fyrir kl. 1400 Flestum gekk vel yfir Sóleyjarhöfðann þó duttu tveir niður úr ísnum þ.e. Þrándur og einhver annar þungur. Nóg var af þar en vel gekk að ná þeim upp úr. Krapapollar hafa verið í farveginum en hægt hefur verið að sneiða hjá þeim. Stefnan er líklega tekinn á Hofsjökul eftir matarhlé í Setrinu.

Meira seinna
Magnús fréttaritari

Sælt veri fólkið! Lúther þú verður nú að fara í Lyfju og fá þér stórann skammt af róandi, eða einn trúðasleikjó. Annars er allt gott af þeim að frétta. Þegar ég talaði við Jón Snæl. áðan var hann í þeim töluðum orðum að fara yfir Skjálfandafljót þar sem heitir Fossaleiti og er staðsett í Langadragi rétt eftir að farið er framhjá nyrðri afleggjaranum inn á Gæsavatnaleið. Sagði hann að miklar festur hefðu orðið annarsstaðar í Skjálfandafljóti og 6 af 10 bílum fest sig um leið. Versta festan var hjá Gulla og flæddi svolítið inn í bílinn hans. Farið var með hann upp í hlíð og hellt úr honum. Það er ýmist of eða van hjá honum varðandi drykkjarmálin? Jón Snæl. hakkar í sig verkjatöflur eins og Smartís og verður hann líklega orðinn frínilegur þegar húma fer að nóttu. Færið var gott og skemmtilegt en meiri snjór var í Vonarskarðinu en þar sem þeir eru núna. Ofurtoyotan var að sögn eigandans ekki í framdrifinu vegna of góðs færis. Byrjað var að skafa pínulítið en stefna þeir ótrauðir á Laugafell fyrir kvöldið. Meira gat hann ekki talað vegna þess að hann var að dragast afturúr.

Meira seinna
Magnús G.