This topic contains 8 replies, has 1 voice, and was last updated by 
-
Topic
-
Sjálfur formaður litlunefndar hringdi í mig rétt áðan og þeir eru að fara frá Hvolfsvelli í 40 bíla halrófu sem er skipt í sex hópa, allt frá óbreyttum og upp í 46″ Econoline. Eigandi þess bíls heitir því eftirtektarverða nafni Gunnar Birgisson, ekki kenndur við Goldfinger. (Þó kom sú skemmtilega hugmynd upp í samtalinu að selja hinum hugmyndina að færanlegum súlustað fyrir útiálandi liðið).
Fyrsta stop er áætlað við Markarfljótsglúfrið og þar ætla þeir að bregða út af vananum og notast við tvo jafnfljóta og skoða gljúfrið. Búast má við mikilli aktion í dag þar sem allir lækir eru barmafullir, mórauðir og illárennilegir. Líklega verður vaðatalið tekið fram ásamt vöðlunum og álkarlinum.Meira um hádegisbil.
Fréttaritarinn
-
Replies
-
Jæja heyrði í Óla áðan en þeir eru í stopulu gsm sambandi og slitnaði fljótlega hjá okkur. Þeir eru komnir að Markarfljótsgljúfrinu, en þeir töfðust talsvert í nokkrum hvítum flekkjum og meðal annars brotnaði drifloka á einum af ótilgreindri gerð og var honum snúið við í bæinn. Risjótt veður er hjá þeim, svona súld og þokumóða annað veifið en nokkuð bjart á milli.
Meira síðar,
Fréttaritarinn
Ég myndi ekki einu sinni reyna að trúa því að þetta hafi verið svona Amerískt….svo ég giska á Japanskt…og þá eru ekki margar tegundir sem koma til greina
Fyrstu bílar eru að koma niður hrygginn að Hungurfitaskálanum. Allir sluppu í gegnum grjóthliðið, meira segja; Sprinterinn hans Palla, Dodge Ram á 46" og Ekkinn á 46". Þungar hvítar skellur (skaflar) á víð og dreif en er það bara ánægjuaukandi. Gengur samt ágætlega og góður andi yfir hópnum.
Meira síðar,
Fréttaritarinn
Ég vissi það að spila grjóthliðið í sundur og tjakka með drullutjakk troða svo Togýtu í gegn þá færu allir,en við höfðum eiginlega átt von á því að eitthverjir slyppu ekki í gegn,en þetta er bara flott og nú ætti að vera kaffi á Hellu og kannski borgari með frönskum fljótlega.
En takk fyrir fréttafluttninginn Magnum,þú klikkar ekki frekar en fyrrri daginn,þakka þér fyrir.
Kv Klakinn
Já Óli náði loksins talsambandi og er það eins og Laugi var að segja að allir eru komnir til byggða og voru að pumpa. Þetta gekk vel og mun Óli koma hér seinna í kvöld með ferðalok.
Fréttaritarinn farinn af vaktinni.
Kv. Magnús
Gott kvöld, þá er þessari góðu ferð Litlunefndarinnar lokið. Þetta var með allra bestu ferðum okkar, mjög krefjandi en skemmtileg og ótrúlega falleg leið.
Ferðin gekk í alla staði vel, við áttum frekar von á léttu sumarfæri, höfðum frétt að aðeins væru 2 skaflar á leiðinni en annað átti eftir að koma í ljós. Fyrsti skaflinn varð á vegi okkar strax norðan í fellinu sem liggur austan Einhyrnings. Það tók dágóðan tíma að koma öllum þar yfir, enda svolítill hliðarhalli, og gil beint niðuraf. En allir komust þar í gegn nema einn bíll sem var fylgt til baka, en í ljós kom að framdrifið virkaði ekki, líklega vegna bilaðrar drifloku.
Nokkrir fleiri skaflar urðu á leið okkar að Markarfljótsgljúfrinu og töfðu þeir suma hópana nokkuð, þannig að ekki fóru allir niður að gljúfrinu sjálfu. Fórum svo inn á Hungurfitsleiðina og er alltaf jafn gaman að keyra þar niður í og eftir gljúfrunum. Það var spennandi að vita hvernig gengi að komast á milli klettanna frægu en allir komust þar í gegn, meira að segja stærstu bílarnir á 44 og 46 tommu dekkjum. Það mátti reyndar ekki muna nema nokkrum millimetrum hjá þeim breiðustu.
Frábært er að stoppa í nesti á flötunum í Þverárgljúfri og áttum við þar góða stund við nestisát og spjall. Eftir það tóku við brekkur og gil eins og menn þekkja og þar var nokkuð af sköflum sem reyndust mis erfiðir. Sumir náðu að festa sig vandlega en aðrir laumuðust yfir án vandkvæða. Að lokum skiluðu allir sér að að Hungurfitsskála þar sem stoppað var svolitla stund. Frá skálanum og til byggða var einnig slatti af sköflum sem töfðu svolítið, en ekkert til vandræða.
Undir kvöld, eða milli kl. 18 og 19 var komið til byggða, pumpað þar í dekk og ferðinni slitið.
Mig langar að þakka fararstjórunum okkar fyrir frábært starf, án þeirra hefði þessi ferð ekki verið svona góð. Félagar mínir í litlunefnd standa alltaf fyrir sínu, það eru forréttindi að fá að vinna með svona frábærum hóp. Einnig þakkir til fréttaritarans og þeirra sem heima sátu og voru á bakvakt vegna okkar.
Ferðalangarnir voru heldur ekki af verri endanum, jákvæðir og skemmtilegir, alltaf til í að hjálpa til og nutu lífsins á fjöllum eins og við öll.
Á opnu húsi á fimmtudagskvöldið kemur verður svo myndasýning úr ferðinni þar sem allir koma með sínar myndir og deila með okkur hinum.
Kær kveðja,
Óli sem var aðalfararstjóri í þessari ferð.
bestu þakkir fyrir frábæran dag í góðu föruneiti og veðri sem bara lagaðist og batnaði þegar leið á daginn , Steinþór michelsen og fj, á hvíta montinu
es:búinn að læða nokkrum myndum inn
Góða kvöldið.
Takk fyrir fínan dag. Mælingar frá Daimler segja, að ég ók 350 km, tók mig 12 tíma, meðalhraði 24 km og eyðslan 18,4 l / 100 km,
Kv
Palli
You must be logged in to reply to this topic.