This topic contains 10 replies, has 1 voice, and was last updated by 
-
Topic
-
Nú er Litlanefndin lögð af stað í októberferðina og var lagt af stað um kl 09.00 og er fyrsti hópurinn kominn á Hvolsvöll nú um kl 10.00.
Vedur er bjart og smá gola í boði formanns Umhverfisnefndar, enda hefur hún kontrol á formanni Litlunefndar.
55 bílar eru í ferðinni og verður hópnum skipt í 2 hópa og heldur annar að Naflausafossinum „Rúdolf“ og hinn að Dalakofanum.
Stefnt er að hóparnir fari þaðan í Hrafntinnusker.
Reynt verður að fylgja hópnum eftir í þessari ferð í þessum pistli á milli þess sem fréttasnápur fer í útköll.
LitlunefndarFréttasnápur
-
Replies
-
Óli formaður Litlunefndar hafði samband og er hann kominn að Blesamýri og er fyrsti snjór að falla, hundslappadrífa.
Heyrði í Kristjáni á Tetra og er hann síðastur og kominn um 3 km. framhjá vegamótum Heklubrautar.
LitlunefndarFréttasnápur
Fyrstu bílar eru komnir í Dalakofan og eru að setjast að snæðingi.
LitlunefndarFréttasnápur
Það sem er að frétta af Litlunefndarferðinni er að hópurinn komst klakklaust yfir Markarfjót en stoppaði í fyrstu brekku eftir það vegna hálku.
Hópstjórar tóku ákvörðun um að snúa við og fara þess í stað Krakatindaleið.
Hópurinn er nú staddur við Rauðufossafjöll og gengur hægt vegna hálku.
Litlunefndarferðafréttasnápur
Nú er allur hópurinn á leið suður Heklubraut og var einn skafl á leiðinni og náði einn bíll að festa sig þar.
Vel gekk að losa bílinn og mun hópurinn stefna á Keldur. Enn er snjókoma og hált á veginum.
Litlunefndarferðafréttasnápur
Nú er komið að ferðalokum. Allur hópurinn er kominn niður á þjóðveg rétt við Keldur og sumir búnir að pumpa í dekkin.
Litlunefndarferðafréttasnápur þakkar fyrir sig og óska öllum góðrar heimferðar.
Nú eru líklega flestir ferðalangar komnir til síns heima. Þetta reyndist hin skemmtilegasta ferð og eitthvað um ævintýri. Eins og fram hefur komið var haldið frá Reykjavík á Hvolsvöll, en þaðan að Keldum og að Laufafelli. Þegar við nálguðumst Laufafell var farið að bera á hálku, enda snjóaði nokkuð og hitastigið í kring um 0°C. Allir komust klakklaust í sitt nestisstopp, um helmingur við Dalakofann en hinn helmingurinn við fossinn sem við höfum nú 3 nöfn á, "Nafnlausi fossinn", Rúdolf og Lýsingur, en það verður ekki frekar rætt hér.
Lítið var í Markarfljóti og auðvelt að komast þar yfir, en þegar kom að því að fara upp brekkurnar vandaðist málið, því snjórinn var þannig að hann þjappaðist fljótt og eftir nokkra bíla, var orðið flughált. Þar sem mikið er um brattar brekkur og úrrensli á þessari leið ákváðu fararstjórar að snúa við og velja aðra leið. Því var haldið aftur að Dalakofanum og þaðan inn á Hekluleið, en síðan átti að taka ákvörðun um framhaldið í ljósi aðstæðna. Sú leið reyndist ágæt, en krefjandi á köflum og fannst öllum áhugavert og spennandi að keyra í gegn um hraunið. Þegar komið var að gatnamótum Vatnafjallaleiðar, var ákveðið að halda þá leið til byggða. Þetta gekk vel, nema að seinfarið var yfir Mundafellsháls, vegna flughálku þar. En allir komust að lokum til byggða og skemmtu sér hið besta.
Mig langar að þakka hópstjórum okkar sem stóðu sig með mikilli prýði eins og venjulega, það er frábært að hafa svona góðan hóp til aðstoðar. Einnig vill ég þakka fréttasnápnum fyrir góðan fréttaflutning. En aðalþakkirnar fá þó hinir fjölmörgu ferðalangar sem komu með okkur.
Á opnu húsi hjá Ferðaklúbbnum á fimmtudagskvöldið verður myndasýning úr þessari ferð. Og hvet ég alla ferðalanga að mæta með sínar myndir til að deila með öðrum.
Næsta ferð Litlunefndar verður laugardaginn 20. nóvember n.k. en það verður jafnframt síðasta ferð nefndarinnar fyrir jól. Nánari upplýsgingar um þá ferð verða birtar hér á síðunni þegar nær dregur.
Kv. Óli, Litlunefnd
Minnum á myndakvöld úr síðustu 2 ferðum Litlunefndar. Myndakvöldið verður í félagsheimili klúbbsins að Eirhöfða á opnu húsi á fimmtudagskvöldið kemur, 28. okt. Þeir ferðalangar sem fóru í haustlitaferðina í september og í Hrafntinnuskersferðina nú í október eru hvattir til að mæta með myndir sínar.
Kv. Óli, Litlunefnd
Minnum á að á opnu húsi í kvöld verður myndakvöld úr síðustu 2 ferðum Litlunefndar. Allir að mæta með sínar myndir…
Kv. Óli, Litlunefnd
Ein lítill punktur hérna.
Ég sé hvergi klukkan hvað menn ætla að mæta í kvöld.
Það kemur fram í öðrum þræði hér á netinu "Opið hús" að það sé opið hús frá kl. 20:00 til ????
Sjáumst í kvöld
Kristján K.
Litlunefnd
You must be logged in to reply to this topic.