This topic contains 32 replies, has 1 voice, and was last updated by 
-
Topic
-
Mig langaði að vita hvort við sem fengum ekki fararleyfi hjá konunum um helgina komum til með að geta fylgst með öllum þessum stóru ferðum hér á vefnum um helgina.
Er ekki örugglega búið að ráða fréttaritara????
-
Replies
-
Það er ekki búið að ráða í starfið, enda er launaliðurinn í uppnámi og verið að senda málið í gerðardóm.
Við verðum nú að vona að við fréttum eitthvað af þessum ferðalögum. Og svo viljum fá bassl og mikið af því.
Reyndar er fyrsta slúðrið það, að Matti er veikur heima og fór ekki með á Hveravelli, en Hveravallaförum var slétt sama og drifu sig af stað, að bjarga norðanmönnum.
Og til að bæta við fréttum af Hveravallaförum þá er hópurinn að nálgast þingvelli og eru að keyra í fljúgandi
hálku,viðmælandi minn gundur varð að hætta að tala í símann þar sem ekki þótti ráðlegt að vera með aðra hönd á stýri öllu lengur.Kveðja
Jóhannes
Úppsss, Við viljum ekkert basl þessa helgi vegna hálku á vegunum heldur bara festur og slíkt.
Jökulheimafarar eru að gera sig klára að fara að dæla í Hrauneyjum, enn Hannes jón og einn til gleymdu að beygja og enduðu við Flúðir:)
Töluverð hálka þar líka.Allir brosandi:)
Kv
Lúther
Guðmund fyrir ca. 30 mín, og þá voru þau ennþá á Lyngdalsheiði í mjög þungu færi. En farið að styttast í Laugarvatn. Spurning hvernig Kjalvegur er, ef láglendið er svona. Það kemur í ljós seinna í kvöld vonandi.
Þetta lofar góðu. Hvaða leið fóru setursfara í Setrið ???
Já þetta verður gaman, Setursfarar stefndu á Sóleyjarvað, enn að vísu fór Atli E þangað snemma í dag til að kíkja á aðstæður, svo ég veit ekki hvort þeir hættu við eftir þá skoðunarferð.
Ég Talaði við Fast í dag og tjáði hann mér að bíllinn hans yrði eftir í bænum og hann færi sem kóari með brotna tá upp í loftið.Jökulheimafarar eru núna að hleypa úr við Krókslón og er lítinn snjó að sjá.
Enn það held ég að eigi eftir að breytast.kv
Lúther
Var að tala við Benendikt(hmm)á Pajero og segjir hann jökulheimaför ganga vel,skafl á stangli en ekkert sem tefur för,Þó voru einhverjir fleiri sem tóku ranga beygju að hans sögn(svona til að hafa allt rétt).
Hópurinn sem hann er í er í þessum rituðu orðum að fara framhjá Þóristindi.
Gert var stutt stopp við fyrsta vatnið á leiðinni, Fellsendavatn held ég að það heiti )og þar var hleipt úr niður í 10psi.Kveðja
Jóhannes
3 bílar eru að koma að norðan og í leið á Hveraveklli, þeir eru nú nú að nálgast Blöndulón og eru í svarta þoku og fljúgandi hálku, aðeins smá snjóföl í kringum þá enn ferðahraðinn þó bara 40 km.
Þess má geta að Benni er á LC 120 og skildi Blazer og Patrol eftir heima, það eitt segir okkur bara eitt, þetta verður bras!!!
Kv.
Lúther
Fínt að eiga patrol þegar þarf að senda einhvern af stað til að bjarga!
-haffi
Palli og co eru í þessum skrifuðu orðum að leggja á planinu áí Jökulheimum, flest allir bílar í 6- 10 pundum og gekk allt eins og í sögu.
Gísli Þór lendi í smá viðgerðarstoppi þar sem hann þurfti að leggjast undir Patta og klára 44" breytinguna, eitthvað gleymst í öllum látunum:)
HVAR ERU SETURSFARAR???????
Var að tala við Benna(hmm) og sagði hann að hópurinn væri kominn í Jökulheima,ferðin hafi gengið svo vel að það hefði verið á mörkunum að það hefði þurft að nota fjórhjóladrifið,og að nokkuð væri um steina sem stæðu uppúr.
Meðalhraði hefði verið 50-55 km á klst,og hraðast var ekið á um 80 km hraða á harðfenni uppúr veiðivatnahrauninu.Stefnt verður að fara á Jökull á morgun til að kann hvort ekki verði hægt að festa einhverja bíla.
Mannskapurinn er því á leið í hús að gera klárt fyrir nóttina.kv
Jóhannes
Á meðan ég var að tala við benna og skrifa á netið þá er Lúther á undan með fréttirnar hehe.
Norðanmenn komnir á Hveravelli smá snjór og stór höft í veginum enn allt gekk áfallalaust uppúr.
Þessa stundina eru þeir að fara á móti Sunnanmönnum enn þeir eru við Kerlingafjallaafleggjarann og er smá bras á þeim, þar virðist vera aðeins meira um snjó og voru þeir að lenda í smá festum við og við.
Þvílik blíða bjart og 1 stigs frost.
fáum svo fréttir hvernig Norðanmönnum gengur að ná til Sunnanmanna þegar líður á.
kv.Lúther
Það er víst gott að vera fastur af og til er mér sagt, þekki það ekki af eigin reynslu.
Hvað er annars að gerast með setursfara ??? er ekki neinn með einhver símanr sem er hægt að hringja í ???
Seturshóparnir eru flestir komnir í hús. Fóru Sóleyjarhöfðann á ís. Einn bíll var skilinn eftir þar með brotinn öxul, svo var affelgun og smá tappaæfingar.
En Halli sem ég talaði við lofaði því að það væri hægt að treysta því að þeir kæmu sér í einhver vandræði á morgun.
Svo við verðum bara að bíða spennt í nótt
Setursfarar komnir í hús, fóru Sóleyjarhöfðan.
Vaðið var alveg frosið alla leið yfir og rétt markaði í.Einn Patrol affelgaði og var sett auka dekk, Bronco er með brotinn öxul og var hann skilinn eftir og er öxull á leiðinni á morgunn.
Eiginlega of gott færi sagði Fastur og standa bílarnir í 5 pundum á planinu.Ætla strákarnir að kíkja upp að Nautöldu á morgunn, fleiri fréttir þá.
kv.
Lúther
Var að ræða við Benna minn og hann sagði að ferðin væri svo mikil á þeim að Haukur kóari væri búinn að setja spotta á díselbífuna til að létta þrýstingnum af olíugjöfinni þegar ferðin væri orðin of mikil. Held hann vilji ekki eyða annarri helgi í að gera við eins og forðum daga. Ég nenni hins vegar ekki að fara og bjarga þeim á Svaðilfara mínum ef þeir koma sér í bobba….
Þeir eru á þremur bílum eins og Lúther sagði, Skjöldur á 38" Patrol og Halli(Ditto) og Teitur á 39,5" Pæju og svo Benni á sinni Ofur-Barbí. Núna eru þeir komnir suður fyrir Ingólfsskálaafleggjarann og hraðinn er 65 km/klst (ætli spottinn hafi slitnað strax??). Það er meira að segja farið að heyrast slitrótt í sunnanmönnum.
Alma
Jökulheimafarar aka nú í um 1400 metra hæð og 14 stiga frosti,með 2-3 pund í dekkjum á leið upp að Grímsfjalli.
Það er brjáluð blíða hjá þeim og benni talaði um að þetta gerðist ekki betra.
kveðja
Jóhannes
Setursmenn eru í góðum gír þessa stundina, Hópurinn skipti sér niður og óku fyrstu bílar í átt að Hofsjökli og eru þessa stundina að leika sér í jökuljaðrinum enn ætla ekki upp.
Annar hópur tók stefnuna á Nautöldu og eru þar í góðum gír og ekkert bras né festur (að þeirra sögn).
Svo eru einhverjir bílar niðrá Klakksleið og heyrðust einhver væg neyðaróp frá þeim enn þóttu öskrin svo lágvær að ekkert mark var tekið á þeim.
Enda enginn tími fyrir einhvert bras í þessari rosa blíðu sem umlikur þá.
Gísli sá sig tilneyddann til þess að hringja í mig og sega mér að Jökulheimafarar eru nú komnir upp á Grímsfjall, svolítið þungt færi frá Hábungu og var hann með 44" í 1,5 p og notaði tækifærið og liðkaði Lóló, aðalega þó til að réttlæta hann fyrir konunni.
Kv.
Lúther
You must be logged in to reply to this topic.