Fréttablaðið-kálfur

Að þetta er frábært blað og góð auglýsing fyrir klúbbinn.

Já, það hefði verið mjög gaman að sjá etthvað um umhverfisnefnd og eins líka hjálparsveitina okkar. En við munum eftir þeim næst. Það mætti kannski vera extra áberandi þráður um umhverfisnefnd og hjálparsveitina hér á þessu neti okkar, jú margir sem að skvoða kálfinn eiga kannski eftir að kíkja á heimasíðuna hjá okkur í dag og á morgun.

Kveðja
Spotti

Ég var ein að þeim sem kom að kálfinum.
Ég skilaði grein frá Hjálparsveit sem birtist ekki og ég tók ekki eftir því þegar við fengum síðurnar til yfirlestrar. Þetta var eins og á kosninganótt þegar síðurnar birtust ein og ein og við höfðum mjög takmarkaðan tíma. Ég horfði eingöngu á það efni sem að mér snéri og fylgist með að það skilaði sér.
Ég veit heldur ekki hvernig að því var staðið að fá efni frá nefndunum en ég fékk allavega beiðni um efni frá Hjálparsveit og það var gífurlegt áfall í gærkveldi þegar í ljós kom að það vantaði frá þessum tvem nefndum.
Því þetta eru auðvitað tvær flottustu nefndirnar í klúbbnum.
Áfram Hjálparsveit og Umhverfisnefnd spurning hvort við gefum ekki út sér blað með þeim.
Hjálp Lella

Eftirfarandi texti er líka úr bréfi sem var skrifað stuttu síðar, þessi texti fylgdi greininn en var ekki birtur.

ATH þessi texti er skrifaður árið 1983 eða 1984 og er birtur til að varpa ljósi á tíðarandann þá og þau viðfangsefni og pælignar sem voru í málaflokknum á þeim tíma.

Texti byrjar******************************
Ferðaklúbburinn 4×4
Hugmyndir að lausn dekkjamálsins

Til þessa hefur bifreiðaeftirlit ríkisins veigrað sér við að leyfa stærri dekk, talið það ábyrgðarhluta að leyfa þessa hluti sem ef til vill gætu verið hættulegir.
Reynslan hefur sýnt að þessi dekk geta auðveldað mikið samgöngur að vetri til í okkar torfæra landi og sparað mikið fé, auk þess sem þau auka mikið öryggi. Einnig hefur reynslan sýnt að þessi dekk valda ekki of miklu álagi á burðarhluti torfærubíla.
Sífellt fleiri hafa uppgötvað þessa nýju samgöngutækni á vetrum, og meðal þeirra sem nú nota hana eru áhugamenn um jeppaferðir, bændur,
björgunarsveitir, lögregla úti á landi og ýmis opinber fyrirtæki (svo sem RARIK o.fl.).

Það er ekki minni ábyrgðarhluti fyrir bifreiðaeftirlit Ríkisins að standa í vegi fyrir tækniframförum sem þegar hafa sýnt stórkostlegt
notagildi hér á landi. Um leið er það ábyrgðarhluti að standa í vegi fyrir því að þennan útbúnað sé mögulegt að nota á löglegan hátt. Það er því ljóst að finna þarf nothæfa lausn á þessum málum sem fyrst. Við mótun á slíkri lausn þarf að taka tillit til þess að hvorki er til fjármagn hjá hinu opinbera né notendum þessara hluta til að gera nákvæma úttekt á hvernig best muni að taka á þessum málum, hvað eigi að leyfa og undir hvaða skilyrðum. Hins vegar teljum við að hægt sé að byggja mikið á þeirri reynslu sem einkaaðilar hafa aflað með prófunum og notkun stórra dekkja. Við teljum að ákveðin hefð hafi skapast um breytingar og nokkuð ljóst sé orðið hvaða atriði skipta mestu máli í breytingum, bæði hvað varðar styrk, endingu og aksturshæfni. Út frá því sé hægt að setja upp
nokkuð skýran ramma utan um þær breytingar sem þegar hafa sýnt ágæti sitt. Þessi atriði hafa mikið verið rædd meðal þeirra sem mest hafa rófað þennan búnað og hafa menn alltaf komist að þeirri niðurstöðu að erfiðasti og í raun eini erfiði punkturinn er að setja upp reglur um breytingar og hvernig tryggt sé að þær séu unnar á fullnægjandi hátt.

Öllum er ljóst að mikið vandræðaástand hefur skapast með því að menn mega ekki mæta með bíla sína í skoðun á þeim dekkjum sem notuð eru. ekki er gengið nægilega vel frá aurhlífum og hemlabúnaður reynist í sumum tilfellum ekki nógu
öflugur á stærstu dekkjum, bíllin er aðeins skoðaður á minni dekkjum og í skoðun reynir því ekki á þessi atriði. Vissulega eru margir sem hafa þetta í lagi, en það er skoðun okkar að skoðun bíla
hjá Bifreiðaeftirliti Ríkisins sé nauðsynleg til að tryggja að allir hafi bíla sína í lagi. Í framhaldi
af þessu teljum við að þessi mál muni komast í gott horf sé öllum gert skylt að láta skoða bíla sína á stærstu dekkjum sem notuð eru. Einnig muni það virka hvetjandi á menn að vanda vel til breytinga þannig að svonefndar bráðabirgðalausnir og felureddingar þekkist ekki.

Ferðaklúbburinn 4×4
Tillögur að reglum um gerð og búnað ökutækja

Heimilt er að skrá torfærubifreið á fleiri en eina gerð hjólbarða.

Sækja skal um skráningu á dekk á einverju
stærðarbili sem tilgreint er í umsókn. Dekk til
notkunar að staðaldri og torfærudekk.

Ef breytinga er þörf á bílnum til þess að koma dekkjunum undir, skal fylgja skrifleg skýrsla um allar breytingar sem hafa verið framkvæmdar og þær skýrðar (ljósmyndir eða teikningar).

Þegar leyfi er veitt fyrir breytingum skal settur miði í augsýn ökumanns, þar sem stendur að hann aki breyttum bíl og honum bent á að kynna sér þær breytingar með tilliti til hvernig þær geti haft áhrif á aksturseiginleika bifreiðarinnar.

Bíllinn skal skoðaður á stærstu dekkjum sem hann er leyfður á, þótt hann sé ekki notaður á þeim að staðaldri.

Við umfjöllun um breytingar skal fyrst og fremst athugað hvort eftirtalin atriði séu í lagi.

– Millibilsstangir, togstangir, stýrisarmar og stýrisliðir séu ekki soðnir saman sé mögulegt að komast hjá því. Ef nauðsynlegt er að sjóða þessa hluti saman, skal fylgja styrkleikavottorð frá ðntæknistofnun ríkisins.
– Upphækkun sé eins lítil og hægt er að komast af með vegna dekkjanna.
– Bretti og aurhlífar nái út fyrir gripflöt hjólbarða sem ekið er á að staðaldri og hylji minnst 7/8 hluta bana stærstu dekka sem leyfð eru undir bílnum.
– Bíllinn prófaður og athugað hvort hemlar vinni ægilega vel með stærstu dekkjum sem notuð eru undir bílnum.
– Heimilt er að veita undanþágu frá ljósahæð allt að 15 cm.

Skráð skal í skoðunarvottorð að bíllinn sé breyttur. Greinargerð um bílinn skal hafa með í skoðun og kal hún framfærð ef breytingar hafa átt sér stað frá fyrri skoðun.

Ferðaklúbburinn 4×4 vill einnig benda á eftirfarandi atriði.

Síðustu áratugi hefur það viðgengist hér á landi að smíðaðar hafa verið yfirbyggingar á bíla. Þær hafa oft á tíðum verið byggðar þannig að breidd og hæð yfirbygginga bílanna hefur verið aukin, án nokkurra annarra breytinga.
Litlir eða millistærð af bílum hafa verið lengdir og gerðir að fólks eða flutningabílum. (T.d. DODGE WEAPON bílar sem voru gerðir fyrir 1/2 tonns burð, Á þá voru sett hús sem rúmuðu allt að 20 manns auk farangurs.) Þyngd yfirbygginga hefur stundum farið yfir þau mörk sem bílnum er ætlað að bera í heild, og vantar þó farþega og farangur sem yfirbyggingin var ætluð fyrir. Flutningabílum og langferðabílum hefur verið breytt þannig að bætt hefur verið við hásingu og grind lengd, þannig að burðarmöguleikar bílsins hafa stóraukist, án breytinga á öðrum búnaði bílsins. (hemlabúnaði, fjaðrabúnaði o.fl.) Þarna er oft um að ræða bifreiðir sem notaðir eru til fólks og þungaflutninga,

Þarna er um að ræða breytingar sem oft á tíðum breyta gífurlega aksturseiginleikum bílanna, og jafnvel gera þá hættulega. Þessir bílar þurfa ekki síður athugunar við og nákvæmrar lýsingar á breytingum, en títtnefndar torfærubifreiðir.

Við leggjum því til að fyrir hvern bíl sem breytt er í grundvallaratriðum, þurfi að leggja fram skýrslu yfir breytingar og lýsingar á breytingum (sjá framar), og að bifreiðin sé í samræmi við þá ýsingu, hvort sem um er að ræða fólksbifreið, torfærubifreið, sendibifreið, hópferðabifreið, flutningabifreið eða aðrar gerðir farartækja.

Mér þykir það miður að ekki náðist að fá grein frá umhverfisnefnd, því það var sú nefnd sem ég vildi gera góð skil ásamt tækninefnd. Ég hafði samband við Stínu í fjallasport og reyndi að finna Halldór í hátækni, einnig hafði ég samband við Val Helgason en öll voru þau viðriðin stofnun og fyrstu ár umhverfisnefndar. Ekkert þeirra var í aðstöðu til eða höfðu tíma til að skrifa neitt um stofnun umhverfisnefndar. Eg hafði samband við Skúla á eftir Agnesi til að ítreka það að fá eitthvað frá núverandi umhverfisnefnd. Skúli er búinn að gera grein fyrir því hér. Ég get þó játað á mig þau mistök að ég merkti óvart við á gátlistanum mínum að skúli væri búinn að skila grein og því voru ekki gerðar frekari ítrekanir á hann eins og þurfti að gera við nokkra aðra nefndarformenn.
Einnig þykir mér það leitt að greinin frá hjálparsveit skyldi ekki birtast en þau mistök voru gerð hjá Fréttablaðinu því greininni var skilað þangað og eins og Lella hefur lýst hér þá fengum við mjög stuttan tíma til prófarkarlesturs en um 15 mínútur liðu frá því að við fengum síðustu síðuna þangað til blaðið fór í prentun og ekki var hægt að gera frekari breytingar.
Á mánudagsfund í byrjun febrúar fór ég í pontu og sagði frá útgáfu þessa blaðs og að haft yrði samband við nefndir til að skrifa greinar í blaðið. Á fundi með Nefndum og stjórn þann 27 febrúar sagði ég líka frá útgáfu þessa blaðs. Hvort að menn séu svo uppteknir í kleinuáti að þeir taki ekkert eftir því sem rætt er á fundum, get ég ekki borið ábyrgð á. Ættu þeir menn að draga aðeins úr fullyrðingum sínum um að upplýsingaveitan til nefndarmanna í sambandi við þessa útgáfu hafi verið léleg.
Það efni og myndir sem við vorum búin að sanka að okkur og skrifa hefði getað fyllt heilt fréttablað og því urðum við að skera helling niður. Eitt viðtal tókum við út, ferðasögur frá deildum, styttum greinar, tókum út helling af myndum og annað bréfið sem kom frá tækninefnd. Ég er Snorra þakklátur fyrir að hann er búinn að birta bréfið sem vantaði hér.
Viðtöl og Ferðasögur koma til með að birtast í Setrinu sem kemur út í haust.
Kveðja
Sigurður Ásmundsson
ritstjóri

Ofar í þessum þræði segi ég að umhverfisnefndin umhverfisnefnd@f4X4.is hafi ekki fengið tölvupóst varðandi umræddan kálf og ekki hef ég fengið tölvupóst persónulega.
Ég stend við þessa fullyrðingu.
Varðandi hver ritstýrir er ekki alltaf ljóst, þó að siggi74 sé skráður formaður ritnefndar.
En að fella út alla umfjöllun um umhverfismál er ekki að mínu skapi.
kveðja Dagur

Held að við ættum ekki að láta umræðu um þessa glæsilegu kynningu á klúbbnum snúast um karp um þetta. Eins og ég segi klikkaði ég á að skila inn grein frá nefndinni (líklega var það Siggi en ekki Agnes sem hringdi í mig, segir nú allt um minn leka haus að muna það ekki einu sinni rétt) og ekki birtir Siggi grein sem ekki er skilað. Örugglega verið í nógu mörg horn að líta við að koma þessu út. En þrátt fyrir þetta er blaðið glæsileg kynning á klúbbnum og svona kynning nýtist síðar í öllu okkar starfi.
Kv – Skúli

það hengu margir á öxlunum á mér.
Ég, Sveinbjörn og Lella unnum saman að þessu blaði, skiptum á milli okkar verkefnum þannig að Lella sá um viðtöl og hafa samband við deildir, ég sá um samningsvinnu við fréttablaðið, öll samskipti við fréttablaðið og samskipti við formenn nefnda og Sveinbjörn sá um allt gamla liðið og gömlu myndirnar.
Þegar haft var samband við okkur frá fréttablaðinu á fimmtudagskvöldið síðastliðið og okkur tjáð að efnið sem við værum með kæmist aldrei fyrir í blaðinu, hófst niðurskurðurinn. Sveinbirni tókst að fá fréttablaðið til að stækka kálfinn uppí 16 síður en hámarksstærð á seldum kálfum hjá fréttablaðinu er 12 síður. Hringdum við í hvort annað og sendum hvort öðru mail allan föstudagsmorguninn og átti ég held ég einhver 15 símtöl við Sveinbjörn á þessum tíma og fékk 22 mail frá miðnætti á fimmtudag til klukkan 14:30 á föstudag, þar sem við ræddum um það hvað ætti að skera niður.
Engin annar en við þrjú komu að því hvernig blaðið ætti að líta út.
Svarar þetta spurningu þinni Dagur?
kveðja Siggi

bara fjör