FRAMHÁSING UNDIR PAJERÓ

Ég held að þetta sé minnimáttarkennd, þeir þurfa stöðugt að vera að sannfæra sjálfa sig og aðra um ágæti þessara bifreiða. Held að rökin séu þessi: "Ef ég gala nógu hátt og oft þá hlýtur einhver að trúa mér". Og þetta með að vera á móti því að setja eðal ameríkudót í Pajero eða eitthvað annað, þeir eru bara hræddir um verða alltaf síðastir.

Kv.
Bjarni G.

p.s. varðandi Bronco, Scout og Wagoneer hásingar þá eru Bronco og Scout með 5 bolta hjólnáum en Wagoneer er með 6 bolta. Bronco og "yngri" árgerðir (kringum 87) af Wagoneer eru með drifkúluna vinstra megin. Í flestum tilfellum passa Wagoneer hjólná á Bronco og Scout rör. Þannig að það ætti að vera auðvelt að finna eða setja saman eitthvað sem passar fyrir t.d. Pajero. Auk þess sem það er mjög einföld aðgerð að flytja kúluna til á þessum Dana hásingum.

Jú gott ef það var ekki Commanche, en í því tilfelli skipti tegundaheitið ekki máli, það var Warn spil sem kom honum þarna upp (og væntanlega þrjóskan í leiðangursmönnum).

Eitthvað var þetta nú biturt svar hjá þér Lúther. Ég bíð spenntur eftir því að þú fullyrðir að Togoýta jeppi geti keyrt þarna upp 😉

Kv.
Bjarni G.

Lúther.

Hvaða væll er þetta? Þarftu amerískan startara með spotta vafinn um ankerið til að komast upp smá brekkur? Til hvers er þá að hafa Þetta TDI? Stendur það kanski fyrir "treysti dótinu illa"? Þú mátt ekki láta Bjarna draga þig niður. Hann kemst ekki einu sinni á Snæfellsjökul. (Segir sá sem ekki dreif í vinnuna í morgun)
Og ástæðan fyrir því að hann er að lofsyngja Dana 44 er sú að hann er með svoleiðis sem hann þarf að selja. Hún er víst ekki nógu sterk.

En var ekki jeppinn hans Jóns bróður í fínu standi eftir að hafa verið togaður á hjúkinn?

Kv. Emil. (Bara með TD)

Sæl öllsömul.

Það er mikið að menn eru farnir að ræða þessi heimsálfumál í jeppaframleiðslu án fordóma og af fullkominni einurð! Ég hef satt að segja saknað umræðu sem er ekki lituð af sleggjudómum og fávísi, heldur vel ígrunduð og með tilliti til reynslu íslenskra jeppamanna sl. ár og áratugi.

Að vísu sýnist mér að það sé einungis ríflegur helmingur þeirra sem tjáir sig sem virðir þessi grundvallarviðmið heilbrigðrar rökræðu, þ.e. þeir sem séð hafa ljósið í jeppaferðamennskunni. Þarna á ég við þá sem náð hafa að þróast með reynslunni frá gömlum, stífum traktorsjeppum frá USA (ennþá afgreiddir á blaðfjöðrum eins og hestvagnar villta vestursins) yfir í japansk-framleidda eðaljeppa.

Ef þú sérð jeppamann á fjöllum, sem er úttaugaður, dauðþreyttur og löngu hættur að hafa gaman af túrnum, auk þess sem hann er allur haugskítugur af smurolíu uppfyrir haus og konan hans annað hvort farin frá honum eða að íhuga það alvarlega, þá geturður verið viss um að þar er á ferð vírussmitaður Ford, Chevy eða Dodge eigandi, sem sér ekkert annað og munaldreisjáannað sama á hverju gengur.

Það eina sem vinnst með þessari ameríkuútgerð hinna vanþróuðu, er að við hinir á japönsku hrísgrónahýðunum fáum með því staðfestingu á því að við völdum rétt!

FERÐAKVEÐJA (á Caps Lock)

já vel á minnst ORMUR, ég nenni ekki að elta ólar við að svara þínum pistli núna, til þess er ég einfaldlega í allt of góðu skapi, en ÞVÍLÍKT BULL!!!!! (nú notaði ég upphrópunarmerkin eins og hann)

BÞV

Ég held að þessi amerískt/japanskt umræða sé eitthvað sem fær aldrei enda. En fyrir mér er það að ferðast á tilbúnum keyptum breyttum bíl álíka spennandi og að fara út í búð að kaupa mjólk. Ég vil heldur hlaupa út í haga, góma belju, hafa hana undir og mjólka sjálfur. Það er kikk sem þið hrísgrjónahýðiskallar munuð seint upplifa og aldrei skilja. Það jafnast fátt á við það að aka um á einhverju sem maður sjálfur hefur smíðað/breytt með berum höndum, með manns eigin höndum (svo bæti við smá drama). Og það að þykjast vera jeppakall en þola ekki að fá smá olíu á sig er eins og að vera skurðlæknir sem þolir ekki að sjá blóð.

Það er vissulega gaman að ferðast um hálendið en það er bara alls ekki allt, það er líka gaman að standa í brasi og smíðum og sjá síðan þegar hugarsmíðin virkar, nú eða virkar ekki.
Ég sé þetta sem tvo hópa:
1) Ferðamenn, það eru þeir sem láta breyta fyrir sig og þola ekki að sjá blóð/olíu.
2) Alvöru jeppamenn, þeir sem þola að sjá blóð…

Með beljukveðjum 😉
Bjarni G.

Sæll Palli,
þú hefur aldeilis náð að blása lífi í gamlan þráð. Ég var að lesa í gegnum þatta og sýnist að nú eigi að fara að ýkja Pæjeróinn …frekar en fara að ráðum vinar þíns og ferðafélaga Björns Þorra, enda samræmast þau ráð ekki vilja yfirvaldsins.
Menn eru alltaf jafn fastir í trúnni á sinn fák og sína tegund og gefa ráð samkvæmt því. Mér dettur oft í hug vísa eftir Stein Steinarr þegar maður heyrir eða les málflutnig fólks sem er illa haldið af einhverri ofsatrú á fákinum sínum, en vísan hljóðar einhvern veginn svona.

Hávært tal er heimskra rök,
hæst í tómu bylur.
Oft er viss í sinni sök,
sá er ekkert skilur.

….maður hefði kannski átt að nota SNÁKALETUR

En svo maður haldi sig við efnið, þá held ég að draumar þínir þýði að þér líkaði vel við Datsún dolluna, en ekki það að þú eigir að setja rör undir Pæjeróinn. En sama hvaða leið þú velur þá vona ég að þér gangi sem allra best og Pæjeróinn verði ekki jafn rangskreiður og gamli Datsúninn.

ÓE

Sælir.

Ég vissi jú að Come-up spilið er framleitt í henni Asíu. En hvaðan skyldi hugmyndin koma? er þetta ekki sama sultan og Warn? þau líta allavaga eins út.

það er gott að lífga upp á pistlana með vel ortum kveðskap. Þó snilldin sé ekki viðurkend enn, datt mér í hug:

Stórbrotinn og ýktur
stendur úti á stæði,
hlaðinn skuldaböndum.
Eygandinn er sýktur
ameríkuæði
hann byggð?ann með eigin höndum,
blóði og sorgarröndum.

En ég verð aðeins að verja Bjarna vin minn, því hann er farinn að sofa og getur það ekki sjálfur.

Hafið þið hugmynd um þyngd Ýkts?
Ég er ekki viss. Hvort haldið þið að hann með álhúsi og léttri innréttingu eða Patrol, tja, eða Krúser á 44" sé þyngri? Mér þætti gaman að sjá það.

Jæja. Nú ætla ég að öskra smá á ykkur.
GÓÐA NÓTT, OG DREYMI YKKUR VEL UM KOMANDI SNJÓBYLJI.

Kv. Emil, í stuði, enda með nýja rafgeyma. Ef dísillinn minn drífur ekki upp brekkurnar sjálfur, þá get ég hjálpað til með startaranum.

Sælir drengir.

Þú ert stórskáld Emil. Flott vísa og nýmóðins bragháttur.

Bjarni minn, ég ætlaði varla að sofna í gærkveldi eftir að hafa áttað mig á því hve veröldin yrði fátækari ef ekki væru til græjur eins og ÝKTUR. Tilhugsunin ein olli mér andvöku langt fram á nótt… Flottur bíll sem þú mátt vera stoltur af og gaman væri að sjá fleiri smíða bíla "frá grunni" af jafn mikilli vandvirkni og þú hefur gert.

Það er auðvitað skemmtilegast að hafa flóruna sem fjölbreyttasta og út af fyrir sig ánægjulegt þess vegna að menn skuli enn fást til að gera út ameríkudæmið…

Kv. BÞV

Þetta er allt hárrétt sem Björn Þorri segir um "Ýkt"
alveg aðdáunarvert framtak.
en oft má satt kyrrt liggja.