FRAMHÁSING UNDIR PAJERÓ

Æ, strákar. Svona hlutir verða náttúrulega að vera í lagi.

Toy-let eða Pæjubíll
Barbie eða Pjatt-róla
Trooper sterkur eins og fíll
og nokkuð stutt til jóla….

Komi hlutunum í lag svo "frýrnar" geti skellt sér í kvennaferðina eftir áramót. Veriði ekki að þessu drolli.

Fjallakveðja,
Soffía

Þetta er flott, vísur og alles… Nei ég læt ekki bugast og held mig við gamla seig…, enda stutt í að hann verði gjaldgengur í Fornbílaklúbbinn…, (frí gjöld..!!..)…

Já, líst vel á kvennaferðina og sendi fulltrúa…

P

Finn ég einhver hlutföll á móti því sem er að aftan nú þegar, eða geri ég eitthvað róttækara, og hvar finn ég dótið á viðráðanlegu verði ?

P

Sælir félagar!

Ef farið er út í þessar breytingar á framparti pæjunar þarf þá ekki að breyta heilmiklu öðru í leiðinni svo sem gírhlutföllum, afturdrifi og millikassa? Er einhver hásing sem passar við afturhásinguna sem er fyrir? Hvernig gorma væri ráðlegt að setja undir til að lyfta afturendanum á svolítið hærra plan?

Kv. Magnús
R- 2136

Ég skil bara ekki hvað menn nenna að spá í þessa hluti þegar það er hægt að kaupa Datsun sem ber höfuð og herðar yfir þessar jeppatíkur sem menn eru að jaskast á.

Farið nú að átta ykkur á því að Datsun er mátturinn og dýrðin í jeppamenskuni…

Hlynur R2208

Hó.

Mar´er bara búinn að missa af öllu fjörinu í dag. Það er naumast það er hiti í mönnum!

Palli. Af því þú ert vinur minn, í öllum guðslifandibænum ekki setja gamalt bronkodót í Eirík. Bjarni G er besti drengur, en hann er bara með þennan ameríkuvírus sem er víst djöfullegt að losna við. Það er því ekkert mark á honum takandi í þessu máli, enda allt þræl ÝKT sem frá honum kemur…

Reyndar er ég einnig að skrifa þetta af eigingjörnum hvötum, þar sem ég ferðast talsvert með þér og nenni ekki að draga Eirík með bilað ameríkudót um fjöll og firnindi. Þótt ég sé ekki nískur á dráttinn, þá hægir þetta bara á ferðahraðanum og það veistu að er ekki gott.

Mér finnst einnig ótrúlegt, að menn fjölyrða endalaust um 7,5" drifhlutföll í Toy rörum, þótt engin slík rör séu til. Mér vitanlega er ekkert hásingahlutfall í þeim rörum minna en 8"… SEM ER GOTT! (rosa útrás að skrifa með Caps Lock takkann á…) 7,5" hlutföllin eru bara í framdrifum á klafabílum og Barbí.

Af því magnum var að tala um að lyfta Eiríki upp að aftan… þá tel ég að nú þegar sé nóg komið af hnélyftum á afturhlutanum á honum og ætti jafnvel að slaka gæjanum aðeins í átt til jarðar þeim megin.

EKKERT AMERÍKUKJAFTÆÐI, ÞVÍ ÞÁ HÆTTA MENN AÐ FERÐAST NEMA Í MUNNINUM OG SNÚA SÉR AÐ VIÐGERÐUM!!!

BÞV

Ég myndi nú taka hæfilega lítið mark á okkar ágæta fyrrum formanni BÞV, hann er illilega smitaður af hrísgrjónavírusnum hræðilega eins og svo ótrúlega margir aðrir.
Gamalt ameríkudót eins og hásingar eru eitthvað sem enginn ætti að vera hræddur við. Þrautreyndur búnaður, einfaldur og sterkur. Löngu eftir að eðalvagnarnir sem keyrðu upphaflega á þessum búnaði er horfnar á vit feðranna þá finnur þessi búnaður sér nýtt líf undir einhverju hrísgrjóninu.

Kv.
Bjarni G.
p.s. ég er ekki bara með ameríkuvírus heldur bresku veikina líka…
p.p.s. ég veit vel að 7,5" drif er ekki til í neinum rörum frá Togoýta enda dytti engum í hug að setja svona ræfilslegt drif í alvöru búnað, ég notaði það bara sem verðdæmi

Það þykir mér merkilegt þetta með hvað menn eru hrifnir af Toyotukrami, vegna þess að ef maður fer að spegulera í því, hvað nota þeir í torffærunni þar þurfa þeir að hafa búnað sem þolir mikið og kostar ekki mikið og eingöngu nota þeir ameríkst. Og svo vill nú svo til að norðan heiða hafa þeir sett framhásingu undir Pæjann. Og þá nota þeir hásingu undan FORD með yfirliggjandi pinjón undan fullorðnum bíl, og skifta út liðhúsunum fyrir liðhús undan Wagoner, þau eru sexbolta. Og svo í lokinn talandi um Toyotukram að framhásing undan litla Cheeroki er með jafn stórum drifum og stóri Cruserinn,En að sjálfsögðu er þetta spurning um að hafa drif sem þolir stóðið.

Kveðja Krakkinn

Hvorn "stóra" Cruiserinn ertu að tala um. Sá eldri LC-60 (81-89) er með 9.5" framdrifi og efast ég um að lítill indjánastrákur sé með svo stórt undir sér.

Jæja strákar, hvernig væri nú að fara að nota besta farartækið af öllum. Ha.

Hér kemur smá lýsing:
-Drífur fáránlega mikið
-Alveg sama hver snjódýptin er, festist aldrei
-Ef jeppar komast vart áfram leitar "það" nýrra og betri leiða
-Drifið er að öllu jöfnu 2×2 en í miklum bratta er það 4×4
-Ef jeppi festist er það undantekningarlaust "þetta" sem kemur til bjargar

Jæja eflaust hafið þið fundið út hvað "þetta" er: VIÐ!

Mér finnst í þessum ferðum menn oft og latir til að gera nokkuð utan jeppanns. Oft er ég úti að ganga á undan jeppum til að finna nothæfa leið. Það finnst mér mjög gaman (enda á ég ekki enn jeppa, er of ungur). Svo eru það sumir sem eru svo óheyrilega latir að þegar jeppin byrjar að halla of mikið, festist eða eitthvað í þeim dúr nenna þeir ekki út til að athuga hvort hliðarhallinn er of mikill eða til að hengja spotta í bílin. Þeir bíða þar til þeir sem voru úti og gengu á undan gangi að bílnum, setji í hann spotta ef þörf er á eða ath. hvort í lagi sé að halda áfram. Þetta tæki bílstjórann kannski svona 1/2 mín. en í staðin er beðið.

Einnig hefur komið fyrir í ferðum þar sem mjög margir ferðast saman að örfáir fari út og leiti að góðri leið þegar aðstæður versna. ‘A meðan finna einhverjir jeppar betri leið og fara hana þar til næsta hindrun stöðvar þá. Þá fara ekki nýir menn út að labba heldur er beðið þar til þessir kannski 2-3 sem leituðu á hinu svæðinu koma og leysa vandann. Það veldur því að það verður seinkunn á hópnum vegna þess að þeir sem eru úti að ganga hratt og jafnvel hlaupa á undan í miklum snjó verða fljótt þreyttir.

Freyr