Framfjöðrun á Ramcharger

Sammála því. Að bæta við gormum getur verið hið besta mál en er engin ideal-lausn heldur

Fáein grunnatriði um framfjöðrunarsmíði sem öll hafa komið fram hér áður, en það er alltílagi að endurtaka:

Ekki sjóða lóðrétt á grindina ef hægt er að komast hjá því, það er ávísun á sprungumyndun. Stuttar suður með bilum á milli geta reynst betri. Langsum suður á horn grindarprófílanna gefa langsamlega mesta styrkinn og eru síst útsettar fyrir sprungum.

Þverstífuvasa og gormaskál á grind bílstjóramegin er heppilegt að hengja saman með styrkingu [i:3m8htx35]ef því verður við komið.[/i:3m8htx35]

Gott er að setja styrkingu milli grindarbita til að stífa þverstífuvasann og gormaskálarnar.

LandCruiser stífugúmmí í þverstífuna.

Massíft efni(gegnheilt OG svert) í þverstífuna, sérstaklega ef það þarf að setja einhverja hlykki á hana.

Samsláttarpúða undir grind frekar en inní gorm ef hægt er, það minnkar átökin á grindina þegar mest gengur á. Demparann má setja inní gorminn í staðinn, enda er oftast vesen að finna góðan stað fyrir demparana.

Rover stífurnar gefa besta eiginleika ef þær eru því sem næst láréttar, muna jafnframt að þversjóða helst ekki í grindina þar sem vasarnir fyrir þær koma uppí grind.

Eins og sést af þessari upptalningu er megináherslan á að stífa af allt sem lýtur að stýrisgangi og þverstífu. Staðreyndin er líka sú að krítísk brot og jeppaveiki koma oft til af því að eitthvað klikkar að þessu leyti.
Regluverkið um breytingar fókusar á stýrisganginn, sem er mjög gott útaf fyrir sig, en þverstífan er alveg jafn mikið öryggisatriði sem okkur er eftirlátið að klára á skynsamlegan og tryggan hátt. Það er bara hið besta mál þar sem margar lausnir eru til í þeim efnum….þessar lausnir sem ég benti á eru ekkert meira en algengar og vel reyndar, aðrar geta verið jafn góðar eða betri.

kkv
Grímur