This topic contains 40 replies, has 1 voice, and was last updated by 
-
Topic
-
Kannast menn eitthvað við vandamál í framdrifi á barbí er með einn slíkann. Fór páskadag inn á langjökul í fínu veðri, hefði mátt vera betra skyggni en það kom sólarglæta af og til. Jökullinn frekar ósléttur og blautur en ekkert basl. Þegar átti að fara að snúa heimleið fór að heyrast smellir (brotið framdrif) fékk bílinn keyrðan 40,000 km og er búin að keyra nú 46,000 km er þetta eðlilegt? Hef ekkert tekið á þessum bíl og er ekki allveg sáttur, gaman væri að heyra frá ykkur.
-
Replies
-
Þarf þetta endilega að vera hásing undan toyotu. Eru ekki einhverjar kanahásingar með drifinu vitlausu megin.
Félagar
Ég hef verið að lesa þessa spjall þræði töluverðann tíma og ég verð bara að segja það að ég hélt að japanskir bílar biluðu ekki. Þegar ég breytti bílnum mínum var mér sagt að fá mér toyota hásingar og toyota hitt og þetta. Og allir sem eiga japanskann bíl töluðum um að hinir japönskubílarnir biluðu bara.
Og síðann þessi þráður úff ég fer að efast.
Kveðja Fastur
Fastur, ég kannast ekki við að þú sért algerlega bilanafrír, þér er velkomið að líta við í bílskúrnum og gera við það sem er bilað hjá þér. Þe. þegar ég er búinn að koma mínum bíl út.
Elvar
Kæri Elvar
Þar sem ég er ekki á japönskum bíl hlýtur bíllinn að bila .. það augljóst samkvæmt skrifum mínum. Það er bara það að ég trúi valla að toyoturnar bili svona mikið.
En ég þigg alveg að koma í skúrinn hjá þér því mitt kana drasl er einhvað lasið eftir síðustu ferð og það er víst svo að ef maður notar jeppann sem jeppa þá bilar hann.
Kveðja Fastur
Það er náttúrulega bull að kalla þetta bilanir. Þetta flokkast miklu frekar undir hönnunargalla í bílnum, ásamt því að setja í hann veikara hlutfall, og auka álagið um heila hrúgu.
Það sem er notað á það til að bila, en þó er algengara að það klikki vegna breytinga eða böðulskapar.
Dobblarinn minn hefur þurft viðhald, en ekki er með réttu hægt að segja að hann hafi bilað mikið. Afturlæsingin er það eina sem er hægt að segja að hafi bilað beint (sem ég man eftir). Eitthvað sem klikkar við eðlilega notkun, við þá notkun sem það var hannað fyrir.
Rúnar.
Sælir félagar og gleðilegt sumar.
Ég hef lítið komist á spjallið undanfarið og rakst á þennan þráð núna fyrst. Mér finnst margir hér að ofan falla í þá gryfju að alhæfa og fullyrða án þess að skoða málið frá báðum (öllum) hliðum. Ég er búinn að eiga tvo svona 90 bíla, annan keyrði ég ca 35 þús. km og hinn ca 73 þús km. Eftirfarandi er mitt álit:
1) Það er lítið mál að nota þennan búnað á "38 hjólum, ef menn nota toppstykkið aðeins með líka. Ég lenti aldrei í því að brjóta framdrif, þrátt fyrir að ferðast heilmikið á báðum þessum bílum, bæði sumar og vetur og alltaf á "38 hjólum.
2) Sennilega skiptir innstillingin næst mestu um endingu drifbúnaðar almennt (á eftir meðferðinni). Aron í Jeppaþjónustunni stillti inn mín drif sem reyndust svona vel.
3) Það að menn skuli kinnroðalaust mæla með því að "setja bara hásingu" undir LC 90 að framan lýsir að mínu viti ótrúlegri þröngsýni. Með því eru menn að fórna einu helsta trompi bílsins og því sem veitir honum að mörgu leyti yfirburði/forskot m.v. marga aðra, þ.e. fjöðruninni og færa bílinn yfir á "step two" í þeim efnum. LC 90 er eins góður og raun ber vitni, einmitt vegna fjöðrunarinnar. Auðvitað búa menn hiklaust til bíl með meiri drifgetu í allra erfiðasta færinu, s.s. krapa, með því að setja hásingu að framan og það er örugglega eitthvað sterkari búnaður líka. Hins vegar eru menn að fórna bæði miklum peningum og ekki síður aksturseiginleikum með þessari ráðstöfun, sem aftur er umhugsunarvert í ljósi þess að flestir eru jú að nota svona bíla 80-95% í malbiksakstri. M.ö.o., spurning hvort á að einblína á að smíða "krapabombu" í slíkt brúk…
4) Ef menn eru að hugsa um að ná "extra forskoti" varðandi drifgetu á svona bíl, myndi ég frekar splæsa í milligír. Ég fór um helgina í túr með LC 90 með milligír og það er óhætt að segja að það veiti græjunni algert extra forskot.
5) Það sem þó klárlega er vandamál með þennan búnað á LC 90 er það, að spindilboltar á neðri stífu eru að togna, losa upp á sér og losna að lokum úr. Þá slitna þeir sem eftir eru þegar bíllinn lendir í álagi. Þetta henti á síðari bílnum mínum og nú er ég stöðugt að heyra um svona uppákomur úr ýmsum áttum. Þetta er sérlega bagalegt, þar sem þetta veldur heilmiklu tjóni á frambretti, brettakanti, síls, gangbretti o.fl., auk þess sem þetta getur hæglega reynst hættulegt. Eftir lauslega athugun í dag, þá hefur orðið vart við þetta í öllum "38 bílum sem ég hef kannað með og það skrítna er að í öllum tilfellum losnar fyrst ytri og aftari bolti, ýmist vinstra eða hægra megin (virðist þó oftar losna vinstra megin). Það virðist engu skipta hvort þeir hafa verið límdir við ísetningu eða ekki, í einu tilfelli var límdur bolti laus eftir mánuð frá ísetningu. Spurning hvort menn þurfi ekki einfaldlega að fá sterkari (harðari) bolta í þetta, þannig að þetta verði til friðs. Hvet menn hér með til að huga að þessu, enda á hvers manns færi að kanna hvort þessir boltar séu lausir/farnir. Að lokum, ef bolti er laus, þá er væntanlega ekkert gagn að því að herða hann aftur, þar sem hann er þegar orðinn teygður, það þarf einfaldlega að skipta þessu út og herða eftir kúnstarinnar reglum (mæli með fagmönnum í það).
Ferðakveðja,
BÞV
Þegar rennt er yfir þennan þráð þá virðist eitthvað vera um það að blandað sé saman drifhlútföllum og mismunadrifum. Það breytir engu um styrk hlutfallsins að setja læsingu í stað mismunadrifs, hins vegar ef mismunadrifið er veikt þá kemur læsingin í staðin fyrir það.
Kv. Helgi
Eitt af því sem veldur því að hlutföll brotna, er að stillingin á hlutfallinu breinglast. Undir miklum átökum þá getur allt draslið spennst pínulítið til, kambur og pinnjón fjarlægts örlítið. Þetta hveldur styrktartapi í drifinu.
Sagan segir svo að sterkari mismunadrifshús (læsingar), minnki lýkurnar á þessu.
Kveðja
Rúnsi (sel það ekki dýrara en einhver laug því að mér).
Samkvæmt því sem ég hef lært um bolta og hvernig þeir teygjast og losa upp á sér, þá held ég að það sé ekki sniðugt að setja mjög harða bolta í stað original boltanna.(Ég vil þó taka fram að ég hef ekki skoðað hvernig þessu er háttað undir Barbí)
Það hinsvegar þannig að oft eru boltar of stuttir. Já, of stuttir!!!
Ef boltinn er stuttur hefur hann lítinn möguleika á að gefa eftir (teygjast) við högg, sem veldur því að boltinn teygist of mikið (í %) og fer yfir flotmörk. Þá er boltinn ,,permanent“ lengri en hann var og losar upp á sér í framhaldi af því.
Ef sett er hörð skinna, hólkur (verður að vera mjög stabílt, jafnvel flangs með réttum götum) er virka tognunarlengd boltans meiri og hann heldur herslu við meira álag (högg).
Þetta á við alls staðar þar sem högg og titringur er til staðar og geta harðari boltar jafnvel verið til bölvunar í sumum tilfellum hvað þetta varðar.Ég vona að þetta hjálpi
Kveðja
Grímur Jónss
Að gefnu tilefni!
Ég hvet alla Barbie eigendur til að íhuga orð BÞV og þá sérstaklega lið 5. Þetta er MJÖG ALVARLEGT MÁL!
Og BÞV til hamingju með þessa glæsilegu dömu sem þú hefur eignast, það verður mjög spennandi að fylgjast með áframhaldandi þróun á henni. Gaman að það séu enn til menn sem þora að fara ótroðnar slóðir og prufa eitthvað nýtt.
Kv.
Benni
A736
Ef menn keyra 80% – 90% á malbikinu, keyra þeir þá restina á sléttum snjóbreiðum?
Eru menn ekkert að brölta upp börð og yfir sprungur lengur þar sem að maður þarf að hafa framfjöðrun?
Anonymous- Umræður: 0
- Svör: 16404
Ég er mjög ánægður með það sem Stebbi skrifar en ég hef heirt nokkurar svona ótrúlegar sögur kanski er þetta innstilling? en ég var heppinn ef 5,71 drif komst í 20000km þurfti að leysa málið setti Rokky millikassa og 4,10 drif og út kom 5,33 sem ég er mjög ánægður með en væri samt til í að prófa ca 3,70 en það er ekki hægt að fá það með ofanáliggandi pinjón
kveðja Gunnar
Sælir félagar.
Ég skil ekki alveg spurningu Stebba… Ég reikna þó með að snjórinn og aðstæðurnar á fjöllum séu svipaðar fyrir okkur sem ökum 80-90% á malbikinu yfir árið og fyrir hina sem eiga aukabíl með jeppanum. Væntanlega mæta okkur jafn margar sprungur og börð og öðrum…
Barbí státar sannarlega af alvöru fjöðrun (a.m.k. samanborið við "alveg dásamleg flatjárn allan hringinn"
Stebbi, hvenær ætlarðu annars að hætta þessum nískupúkahætti og ganga í klúbbinn? "Rökin" sem þú gafst mér á sínum tíma eiga alls ekki við…
Takk fyrir síðast Benni og hlý orð í garð Dömunnar, þótt ekki drífi hún í líkingu við Barbí þína… Það eru kannski ekki tíðindi, ennþá ólæst, hlutfallalaus og án skriðgírs… Þetta verður ennþá skemmtilegra þegar eitthvað af þessu verður komið, en það stendur til bóta vonandi innan tíðar. Þessi túr í Hrafntinnuskerið var að mörgu leyti ótrúlega viðburðaríkur og eftirminnilegur, þótt við ækjum á endanum 4x sömu leið…
Ferðakveðja,
BÞV
Anonymous- Umræður: 0
- Svör: 16404
Sælir.
BVB skrifaði um spindilbolta í neðri stífu. Ég verð að viðurkenna að ég er ekki viss hvar á að horfa eftir þessu. Á einhver myndir eða nánari lýsingu á þessum boltum þannig að ég geti horft eftir þessu. Það getur ekki verið mikið mál að tékka þetta af öðru hvoru.
Varðandi framdrif þá tókst mér að brjóta hjá mér drifið. Eftir á að hyggja þá hefði mátt vinna hlutina betur. Það verður að keyra með höfuðið í lagi.
Kveðja
eyjólfur
Ég myndi halda að drifhús sem er boltað í klafabíl væri sterkara en drifhús í hásingu vegna þess að rörin í hásingu eru að jaga (spenna) drifhúsið. Það eru engir slíkir kraftar í klafa drifhúsinu. Gæti verið að klafabílarnir séu hækkaðir með upphækkunar klossum þannig að sundurslagið er orðið lítið og við akstur þar sem undirlagið er ójafnt er bíllin að sleppa hjóli eða hjólum sem eykur álagið sem endar með broti.
Þetta er bara hugdetta, mér hefur sýnst 90 cruiserinn og aðrir klafabílar hafa lítið sundurslag þegar ég hef séð til slíkra bíla á fjöllum.
Kveðja Magnús.
Sælir drengir.
"sundurslagið er orðið lítið og við akstur þar sem undirlagið er ójafnt er bíllin að sleppa hjóli eða hjólum"
Ég vill nú ekki kannast við þetta, LC90 er einmitt rómaður fyrir góða fjöðrunareiginleika.
BÞV.
Varðandi dömuna þá á hún eflaust eftir að spjara sig þegar hún er komin með það sem henni vantar, hlutföll læsingar etc. Færið var líka svolítið þungt á köflum.Já, þessi ferð í Hrafntinnusker var viðburðarík og bauð upp á allt t.d. sprungu spil, kviknaði í bílum, sett var nýtt heimsmet í 65 metra spretti með slökkvitæki í snjó (3,29sek) og margt fleira. Ég sé ekki eftir henni félagskapurinn var góður sem og andinn í hópnum.
Kv.
Benni
A736
Þegar búið er að setja upphækkunar klossa eða skrúfa upp klafabíl þá hefur sundurslagið minnkað sem því nemur. Því hlýtur svoleiðis bíll að hafa minna grip á framdekkjunum heldur en óhækkaður bíll eða bíll hækkaður á grind. Þegar bíll með venjulegt mismunadrif spólar á öðru hjólinu snýst það hjól helmingi hraðar en ef bæði hjól snúast og því hlýtur það að auka álagið á drifbúnaðinn, þegar mismunadrifið er læst snúast framhjólin alltaf jafn hratt afturdekkjunum og minnkar því álagið. Kamburinn og pinjóninn verður ekkert sterkari við læsingu.
Kveðja Magnús.
Sælir.
Fannst athygliverð frásögn kollega míns BÞV af LC90 með skriðgír. Einhver hafði logið því að mér að svoleiðis græjur væru ekki til fyrir LC90. Hvar get ég leitað upplýsinga um þetta?
Önnur spurning til Barbímanna. Er betra eða verra að vera með stífa gorma undir bílnum og henda orginal dótinu? Ég barðist við mjög ósléttan Vatnajökul um páskana og mér fannst bíllinn minn full mjúkur fyrir svoleiðis böðulgang. Það voru alls 3 barbíkrúserar í ferðinni, allir með orginal gorma, og samsláttarpúðarnir hjá okkur öllum voru í bullandi yfirvinnu.
kv.
HB R-2484
Sæll Halli.
Ljónstaðabræður sáu um smíða á milligír sem ég er með í mínum LC90 og er hann smíðaður sérstaklega fyrir þennan bíl og er þetta að mér skilst eini LC90 enþá með slíkan gír.
Þetta virkar mjög vel og er ég mjög ánægður með apparatið.
Þér er velkomið að slá á til mín eftir frekari uppl.
Kv.
Benni
A736
896 6001
Sæll HalliB.
Mér reyndari menn hafa ekki mælt með stífari gormum í Barbí og telja að hann missi þessa mjúku og fínu fjöðrun við það. Að vísu slakna original gormarnir með tímanum, sérstaklega að framan ef þú ekur mikið með spil á bílnum í miklum ójöfnum…
Hins vegar held ég að ég fari rétt með að það eru til a.m.k. 3 gerðir af samsláttarpúðum í þessum bílum. Ég var með stystu gerðina, þannig að fjöðrunarsviðið var óhindrað sem lengst. E.t.v. gæti þetta skipt máli, nú eða að þið séuð kannski búnir að taka það fínasta úr gormunum ykkar og þeir orðnir slappir…
Ferðakveðja,
BÞV
You must be logged in to reply to this topic.