Framdrif

spurningin snýst um hvaða hlutföll eru í bílnum en díselvélar fara illa með drifrásina en ekki reikna með meira en 1/3endingu á móti bensínbíl jafnvel 350-400 cdi tekur ekki eins mikið á

Ég get ekki verið sammála gunnari með díselvélar og drif þar sem ég veit um eitt stykki dobblara sem er kominn yfir 100.000km á 5.29 hlutföllum og ekkert vesen, no-spin að framan og aftan. Og það er ekki farið sparlega með það litla sem hann skilar.

Staðreyndin er sú að þetta framdrif er veikt, enda ekki nema 7,5". 4,88 hlutföll veikja þetta enn frekar. Til samanburðar er þetta sama drif og í Toyota DC. Þú hefir kannski ekki tekið neitt á bílnum en það gæti hafa veikst hjá fyrri eiganda og svo án fyrirvara hrokkið í sundur hjá þér. Ég lendi í því að brjóta afturdrifið einmitt uppá langjökli í vetur. Ekki skemmtilegt.

kv.

Þetta er þekkt vandamál. Framdrifið í LC90 er ónýtt. Það er mjög algengt að menn hafi verið að brjóta þetta við lítil átök og jafnvel í bílskúrnum heima. Menn hafa því sett í bílinn sterkara framdrif og þá oft með læsingu í. Ég veit þó ekki hvaða drif það er. Nýi LC120 er víst með sterkara framdrif og verður gaman að sjá hvernig það kemur út.
Kv, ÓAG.
R-2170.

Sælir!
Eins og fram hefur komið þá er framdrifið í veikara lagi og svo minkar það en við 4:88. en það er rétt það er ekki sama hvað er sett í né heldur ´sama hver setur í. Ég þekki það og tel að ísetnigar aðilinn hafi samt meira með endinguna að gera heldur enn framleiðandinn.
Kveðja Siggi.

Sælir.

Það ætti varla að koma mönnum á óvart að 4.88 hlutfall sé veikt í þetta drif. Pinnjóninn er eins og kók tappi.

Drif og öxlar eru undir miklu álagi að framan undir þessum bílum á 38" dekkjum og kúluliðirnir gefa sig þannig að kúlan grefur sig inn í gjörðina og krossinn og að endingu brotnar liðurinn.

Það er nú ekki hægt að segja að þetta sé bara drasl og ónýtt,því síður eitthvað vandamál því það blasir við að þessi drifbúnaður er ekki hannaður fyrir 38" dekk.

Kveðja Jón

Sælir.

Ég hef ekið á LC90 á 38" í rúm 2 ár. Mín reynsla er sú að framdrifið á þessum bílum dugar varla meira en 70 – 80 þúsund kílómetra með 4,88 hlutföllum. Bíllinn minn er ekinn 170 þúsund og það er búið að skipta tvisvar um kamb og pinjon. Þetta er bara ákveðinn fórnarkostnaður við að aka á 38" dekkjum. Nú síðast splæsti ég í ARB loftlás að framan og það á að styrkja drifið eitthvað.

Kv.
R-2484

Sæll Vífill.

Aron í Jeppaþjónustunni, sá öðlingspiltur og sæfari, reddaði þessu fyrir mig. Lásinn var keyptur hjá Bílabúð Benna ásamt loftdælu, lúmi og lögnum. Þetta kostaði mig 169.000 með öllu efni, vinnu og skatti, í komið og tilbúð til notkunar. Mér þótti það skrambi ódýrt miðað við það sem boðist hefur, þ.e. þessar sérsmíðuðu læsingar, sem hafa kostað 100 – 150 þúsund meira.

Það er hægt að kaupa þetta beint frá USA og spara þannig einhvern pening en ég veit ekki hvernig það kemur út í raun þegar skattar og skyldur eru taldar með. Lásinn held ég að heiti RD-90 og er smíðaður fyrir þetta framdrif (sama framdrif og í ameríkutípunum Tacoma og T100). Annars getur Aron eflaust svarað þessu betur.

Það er frekar stutt síðan ég fékk lásinn en hingaðtil hefur hann virkað mjög vel og sannaði gildi sitt á Vatnajökli um páskana. Frágangurinn er mjög flottur, bæði undir bílnum og inni í honum. Ég mæli með þessu.

Krúserkveðja,
HalliB
R-2484

Það er einnig hægt að fá hlutföll í Cruiser að framan hjá Benna og þau eru að ég held á tæpann 30,000- kall. Það munar um minna.
Tvennskonar driflásar eru fáanlegir RD90 og Íslenski driflásinn (Algrip)sem reynst hefur frábærlega og er mun sterkari heldur en original drifið.

kveðja

Halldór

Tek undir með síðasta ræðumanni, af hverju að púkka upp á þetta IFS jukk þegar það fer að klikka. Það kostar varla meira en 3 framdrif að setja undir þá framhásingu.