This topic contains 25 replies, has 1 voice, and was last updated by 
-
Topic
-
Var að sperkúlera í svona í ársbyrjun hvað félagsmenn eru að spá í sambandi við fræðslumál.
Vill fólk stutta kynningu ? eina kvöldstund ?
ítarlegri umfjöllun 2 kvöld eða meira ?
helgarnámskeið ? verklega hluta ?
ókeypis sem þá fylgjir óhjákvæmilega ókeypis fyrirlesari ? Námskeið sem kostar á ? og hvað er þá ásættanlegt að borga fyrir eitt kvöld ?
Það er örugglega fullt af hæfu fólki hér innan klúbbsins sem er tilbúið til að koma og messa yfir okkur eða miðla fróðleik sínum, en hversu langt er hægt að ganga í sjálfboðaliðastarfinu ? allir vita nú hvað það er gefandi 😉
um hvað viljið þið sjá fræðslu ?
Formlegt eða óformlegt ?
Samkvæmt könnun sem var hér á forsíðunni í fyrra voru langflestir sem völdu GPS-námskeið, í næsta sæti var svo Arctic-námskeiðið sem jú hver og einn getur farið á, eða eru þau ekki haldin annaðslagið ?
Endilega tjáið ykkur nú á málefnalegan hátt
Kveðja Lella
-
Replies
-
Hvað er þetta eiginlega er engin í klúbbnum sem getur tjáð sig á málefnalegan hátt. Á ég að trúa því að ef menn geta ekki kvartað og kveinað eða sett útá þá þegi allir þunnu hljóði.
Kveðja Þorgeir
ég er nýliði hérna og væri alveg til í að fá námskeið bara í öllu draslinu. Veit ekki neitt! GPS námskeið væri t.d. mjög vel þegið og svo eitthvað um almenna umhirðu og umbúnað fjórhjóladrifsbifreiða. Allavegna, ef boðið verður uppá eitthvað námskeið hér hjá 4×4 þá má bara bóka mig strax á það.
Svo ég hef þá upptalninguna.
Ég myndi vera dugleg að mæta á námskeið sem haldin væru ódýrt eða ókeypis, þá væntanlega í húsnæði klúbbsins. Frábært að mæta á svona eins eða tveggja kvölda námskeið eða fræðslu.
Sé fyrir mér t.d. eftirfarandi sem spennandi kosti:
Námskeið í rötun (með gps)
Námskeið í notkun tölvukerfa fyrir gps ferlun og úrvinnslu ferla
Fræðslukvöld um veðurfræði á hálendinu, umgengni við bílinn í ferðum (á vetrum þá aðallega) og það má örugglega telja meira upp en ég ætla að leyfa fleirum að koma með hugmyndir.
Kv.
Dúkkan
Er ekki málið að nota fimmtudagana í þetta.
Eins og hefur verið gert stundum
t.d spottakvöld ogsfrvAnnars líst mér vel á tillögur Fröken Barböru
úrvinnsla ferla ogsfrv.
Held að arctic trucks sé með GPS námskeið sem við getum bent fólki á að sækja. Held að það kosti um 3.500 kr
Sjálfur er ég nýr og svo rennblautur bak við eyrun að ég er með vatnsgreitt að aftan ! (…eða næstum því).
GPS námskeið væri örugglega skemmtilegt. Fjarskiptanámskeið, þar sem farið yrði yfir hverjir eru á hvaða rás, hvaða reglur gildi um fjarskipti o.s.frv. Námskeið í umhirðu, hvað beri að varast að vetri og sumri sem og lausnir á þeim vanda (reddinga-handbók jeppans jafnvel) Læra (verklega) einfaldari viðgerðir og fyrirbyggjandi viðhald eins og síur, kerti og þannig háttar mál. Tappanámskeið….
Það er að nógu að taka, best væri að námskeiðin væru frekar stutt (1 til 2 kvöld) og tækju á afmörkuðu málefni en færu ekki mjög víða á stuttum tíma.
Hugmyndir.
Skyndihjálpar námskeið yfir helgi.
Skyndihjálp kvöldstund.
Gps kennsla væri sniðug jafnvel helgarnámskeið / skipt í hópa
———
Nýliðakvöld.
Kvöldstund í töppun á dekkjum / Hnútar á spottum.
Kvöldstund í hvað útbúnað á að hafa í bílnum/ hversu mikið eldsneyti á að hafa í ferðar.
Kvöldstund í affelgun koma dekki aftur á felgu /hvernig skal nota drullutjakk.
Skyndihjálp kvöldstund.Kv Dolli
góðan dag.
hefðu einhverjir áhuga á stuttu námskeiði í helstu notkunarmöguleikum og stillingum í Mapsource og Nroute?
ég var að spá í að halda stutta kvöldkynningu á helstu stillingum og hvernig ég nota þessi forrit til að safna ferlum og vinna með þá. Einnig hvernig gott er að hafa þetta stillt þegar maður keyrir með Nroute.
hefðu menn áhuga á því?
Mér sýnist að það væri mjög áhugavert að stilla upp nokkrum stuttum (1 kvöld, kannski annað kvöld sem framhald ef viðkomandi leiðbeinandi sér þörf á…) en hnitmiðuðum kvöldstundum.
Ég er á því að það eigi ekki að blanda þessu saman við opin hús en margir sem koma þangað til að spjalla og fá sér kaffi, nú eða skoða myndir og skiptast á ferðasögum. Þá sést líka hvort það sé mæting á námskeiðið eða hvort menn séu bara að mæta á opið hús.
Miðvikudagskvöld eru t.d. ágæt til að ná sér í þekkingu.
Mér finnst þetta bara alveg fyrirtak að fá fræðlsu um þetta.
Fyrir minn smekk þá hentar fimmtudagskvöldin einmitt mjög vel í svona…
kv. stef…. semveitaldreihvorthúneraðkomaeðafara
Mátt klárlega bóka mig á það námskeið það er eitthvað sem mig langar hvað mest að læra 😀
búa til trökk og það allt.
mbk Guðni
Flottir punktar komnir hér sem verður unnið út frá.
Vil samt sjá meira af hugmyndum um efni sem menn og konur vilja að komi til greina.
Ég er sammála Tryggva í því að hafa þetta ekki á fimmtudagskvöldum í Mörkinni, það eru bara opin hús að mér finnst. Dolli um nýliðanámskeiðin þá eru þau að ég held haldin fyrir nýliðaferðir árhvert og ég ætla að hætta að berja haunum í stein í sambandi við skyndihjálparnámskeið. En það eru laus 3 sæti í Hjálparsveit sem er með fræðslumál á sínu skipuriti í vor, aldrei of snemmt að bjóða sig fram.
En endilega komið með tillögur.
Hjálp Lella
Sælt veri fólkið. Ég er einnig nýliði og veit voða lítið þannig séð og myndi gjarnan vilja fá námskeið í gps.. ferlainnsetningu.. tips og trick í umhirðu bíla.. vetrarferðir… hvað mikið bensín hvert og þannig.
Og það sem ég hef áhuga á og sé auglýst með lágmark viku fyrirvara þá finn ég tíma til að mæta. Nema þá helst um helgar því ef veður eru skapleg þá væri ég líklegast á rúntinum
Ein hugmynd er….
að hafa eitthvað eitt ákveðið kvöld í mánuði sem fræðslu kvöld. Dagur sem að yrði í annarri viku þannig að þá er til skiptis hálfsmánaðarlega félagsfundur og svo fræðslufundur. Þannig geta allir gengið að þessu vísu.
kv. stef ekki sú skarpast.
Sem nýliði og bleyjubarn fagna ég þessari umræðu. Sjálfur hef ég aldrei verið bíla- eða jeppadellukarl, en hef nýlega uppgötvað dásemdir hálendisins og spennuna við að þræða grófa slóða á 4×4-tóli. Jeppadellan er því að fæðast.
Maður er sorglega illa að sér í öllu sem lítur að viðhaldi og viðgerðum. Ég væri meira en til í að fá leiðsögn í flestu sem viðkemur því að halda jeppadruslunni minni í toppformi.
Í nýjasta Setri er t.d. minnislisti jeppamanna þar sem mælt er með því sem tékka skal á fyrir ferð. Þar stendur t.d:
* Smyrja alla koppa
* Athuga hjöruliði
* Athuga legurÉg hef aldrei smurt koppa, veit varla hvar hjöruliðir eru undir bílnum og þori ekki að fást við hjólabúnaðinn til að tékka á legum. Ég veit að þessi klúbbur er yfirfullur af speísalistum sem væru til að að leiða okkur smábörnin í allan sannleik um þessa hluti fyrir hóflegt verð.
Einnig mætti athuga að skrifa fræðslugreinar um þessi efni í næstu Setur handa okkur sem ekki höfum alist upp liggjandi undir bílum.
Er ekki um að gera að nota veturinn í svona námskeiðahald svo maður sé ekki hálf ósjálfbjarga þegar druslan byrjar að vera með leiðindi uppi á fjöllum í sumar?
Sammála Birgi hér að ofan. Ég er líka byrjandi og væri til í að fá tilsögn (og verklega kennslu) um grunnreddingar eins og töppun, hvernig dekk er sett á eftir affelgun, drullutjakkanotkun, smurning koppa og tékk á hjólalegum. Auk ráðlegginga um hvernig keyra á yfir ár. Allt í lagi að borga nokkra þúsundkalla fyrir góða tilsögn.
Árni, ég fann þetta ágæta lesmál um vöð og aðferðir við að krossa ár:
http://www.gopfrettir.net/g_vinir/ferdir/_vod.htm
væri til í
Kvöldstund í töppun á dekkjum / Hnútar á spottum.
Kvöldstund í hvað útbúnað á að hafa í bílnum
Kvöldstund í affelgun koma dekki aftur á felgu /hvernig skal nota drullutjakk.
og fleira um hvernig má bjarga sér á fjöllum
eins og þá spurði eg um hvernig mætti sjóða með geymum og fékk til dæmis mörg góð svör um það
Sbr það sem fjallaleiðsögumenn eru að bjóða upp á
http://www.mountainguides.is/Netklubbur/Namskeid/
Þ.e. námskeið s.s. í
jöklamennsku, sprunugusigi, mati á snjóflóðahættu leit í snjóflóðum o.s.frv.Eitthvað samkrull sem miðaði að jeppamönnum er ferðast á jöklum yfir veturinn .
Alla vega tillaga
Mbkv
Stv
Mér sýnist á öllu að ekki skorti áhugan … á netinu… fyrir allri fræðslunni.
Mér sýnist að allt stefni í það að hjálparsveitin verði að setja upp alvöru stundarskrá og taka upp einingakerfi svo að þessi fræðsla verði lánshæf hjá LÍN.
Greinilegt er að ef að það á að sinna þessu öllu þá er verið að horfa á fræðslukvöld í hverri viku. ;->
En það er gaman að þessi áhugi skuli vera fyrir hendi þannig að þegar fræðsla verður auglýst að þá er um að gera að mæta þá eða skrá sig eða hvernig sem að fyrirkomulagið verður.
–
Mér finnst sérstaklega gaman að sjá að nýliðar eru að tjá sig hérna og menn sem að eru með 1-4 pósta á bakinu… bara frábært.kv. stef… ekki sú skarpasta
yfir til þín… Lella ;->
það er nú varla hægt að kalla það námskeið, skúrakvöldið fyrir nýliðaferðina. En þar var nú gott samt. Hvað námskeið varðar, þá held ég að það væri góð byrjun að bjóða fyrst uppá námskeið í jeppanum og allt sem honum fylgir (viðhald, eins og minnst var a fyrr). Ég væri líka þakklátur fyrir allar heimildir sem mér er bent á, er búin að skoða "vaðráða" linkinn sem minnst var á hér að ofan og "Jeppar á fjöllum" hefur verið mín jólabókarlesning (þótt gömul sé)
You must be logged in to reply to this topic.