This topic contains 6 replies, has 1 voice, and was last updated by 
-
Topic
-
Tekið af fréttavef ruv.is
Björgunarsveitarbílar á litaðri olíu
Frá mótmælunum í dag
Leyfilegt er að aka björgunarsveitarbílum á litaðri olíu og án þess að greiða nokkurn skatt af henni. Frumvarp þess efnis var samþykkt á Alþingi í dag.
Ætlunin var að björgunarsveitum yrði gert skylt að setja akstursmæla í bílana og greiða skatta af olíunni en í kjölfar mótmæla Slysavarnarfélagsins Landsbjargar fyrir utan Alþingi í dag var ákveðið fella það ákvæði út úr frumvarpinu.
Að sögn Jóns Gunnarssonar, framkvæmdastjóra Landsbjargar, þá mun þetta spara björgunarsveitunum um 15 til 20 miljónir króna á ári.
Hilsen
Kalli
-
Replies
-
Frábært að þeim tækist að stoppa þetta, fáránleg hugmynd sem var í gangi að setja björgunatækin á kílómetragjald. Það er líka athyglisvert að það mótmælin skyldu verða til að breyta afgreiðslu Alþingis, almenningur getur þá haft einhver áhrif.
Kv – Skúli
Mér finnst þetta nú ekki vera neitt annað en stórsigur fyrir björgunarsveitirnar.
Vonandi er þetta nokkurs konar viðurkenning á því hversu öflugt og nauðsynlegt starf þeirra er eins og mikið hefur borið á undanfarið.
Undarleg staða samt í rauninni að sjálfboðaliðasamtök (sveitirnar) séu að axla ábyrgð sem strandgæsla/her fer með víðast erlendis. Þess vegna finnst mér alveg sjálfsagt að ríkið liðki til um starfsemina á sem flestan hátt, en að fá því framgengt eins og (rétt svo hafðist) í þessu tilfelli virðist ekki alltaf vera sjálfgefið. Því miður.BK
Grímur R-3167
So it does work?
eins og einhver söng hér um árið:-) Þetta er auðvitað bara gott mál og pólitíkusarnir uxu í áliti hjá mér fyrir þetta.
Freyr
Þetta er náttúrulega hið besta mál og hefði ekki einu sinni átt að þurfa að koma til átaka til að ná þessu fram, svo sjálfsagt er það. Til hamingju Landsbjörg!!
Hvernig er það annars ef einhver kaupir svo gamlan björgunarsveitarbíl eftir nokkur ár, borgar hann þá sekt fyrir litinn í olíunni ef hann er stoppaður? Jah, maður spyr sig!Kveðja
Ásgeir
Anonymous- Umræður: 0
- Svör: 16404
litur situr ekki eftir í eldsneytiskerfi bifreiðarinnar, svo einfalt er það, kv Bennedikt.
You must be logged in to reply to this topic.