Fornbilatrygging fyrir jeppa?

[quote="olafur f johannsson":25qy41o6]Tryggingafélögin vilja setja breyta jeppa á fornbílatryggingu er búinn að reina með minn og svarið er alltaf nei[/quote:25qy41o6]

ha ? hvaða rök hafa þeir fyrir þessu ? Er maður semsagt að tapa 100 – 150þ kr á ári að láta breytingarskoða gamla jeppan sinn sem er jafnvel keyrður minna en gamli ameríski fólksbíllinn hjá nágrannanum sem er eflaust búið að krukka meira í ? Er þetta ekki eitthvað sem félagið þarf að berjast fyrir ??

Mjög góður punktur frá Smára, þetta er náttúrulega bara óþolandi afstaða hjá tryggingarfélögunum að vilja ekki "nýtryggja" breytta jeppa sem fornbíla. Ég veit ekki betur en þau séu að tryggja breytta jeppa sem fornbíla í bunkum eða hvað ?

Ég legg til að erindi verði sent (helst frá lögfræðingi) til viðkomandi tryggingarfélags og óskað verði eftir röksemdafærslu fyrir þessari höfnun með tilvísun í lög eða reglur tryggingafélagsins. Einnig verði óskað eftir upplýsingum um fjölda breyttra bifreiða sem félagið er að tryggja sem fornbíla. Það væri síðan hægt að herja á hin félögin með svipuðum hætti og ég er viss um að þetta myndi leysast í framhaldinu !

Spurning hvort F4x4 ætti ekki að taka þetta að sér, þetta er nú einu sinni hagsmunamál allra jeppamanna þó að það sé ekki endilega það mikilvægasta nú um stundir !

kv / Agnar

Þetta eru bara geðþóttaákvarðanir og engin rök fyrir neinu. Ég fékk fornbílatryggingu á minn 1985 Suburban, ekkert mál, þegar hann var kominn á aldur. Hann var þegar skráður sem breytt bifreið/torfærutæki, en ég breytti skráningunni yfir í fornbifreið eins og ekkert væri, kostaði 500 kall. Hann var skráður á 35", en ég setti undir hann 39.5" og þurfti þá að fara í breytingarskoðun og það gekk smurt. Þetta er eftir að ég er búinn að skrá hann sem fornbíl og fá fornbílatryggingu á hann. Þetta er bara eitthvað happdrætti, á hverjum lendirðu hjá tryggingarfélaginu eða skoðunarstöðinni.
Hinn punkturinn sem minnst er á hér, þ.e. hvers vegna getur breyttur bíll ekki verið fornbíll, þá eru engin rök fyrir því. Þegar ég var á kafi í kvartmílunni hér áður fyrr, vorum við allir með fornbílatrygginu á bílum sem voru svoleiðis búið að skera í sundur og breyta á alla vegu. Þar að auki með úturtjúnaða mótora og opið pústkerfi. Svo mætti maður í skoðun og húsið hristist þegar maður rúllaði inn. Fornbíll, ekkert mál. "Komið smáslag í stýrisenda hjá þér vinur", sögðu þeir og voru kannski ekkert að spá í að búið væri að többa bílinn að aftan eða einhverjar keppnisbremsur væru undir sem virkuðu varla í almennri umferð. Kannski var búið að skipta öllum stýrisganginum út fyrir eitthvað keppnisdót. Menn spáðu ekkert í þetta, hvað þá hvort þessu væri komið undir af einhverjum sem kynni að smíða.
Tek það fram að þetta var auðvitað ekki svona hjá öllum, en allir voru að hugsa um að hafa bílinn sem léttastan.
Þannig að það mætti benda á þetta mikla misræmi, þegar verið er að tala um að breyttir bíla séu ekki fornbílar. Svona reglur eru bara samdar af möppudýrum sem ekkert vita um þessi mál.
Hvað jeppana varðar, þá eru menn bara að spá í dekkjastærðinni, engu öðru. Það stuðar þessa kontórista.
Til dæmis er minn gamli Suburban í raun ekkert breyttur, þó hann sé á 39.5" dekkjum.
Fornbíll má bara ekki vera með stór dekk. 1000 hestafla big-block? Ekkert mál. Aftermarket stýrisgangur? Ekkert mál. Prófílgrind eða röragrind, soðin saman heima í skúr? Ekkert mál.
Bara ekki stærri dekk. Þá er hann orðinn svo breyttur, þó hann sé í raun ekkert breyttur.

Afsakið langlokuna.
Kveðja, Stebbi Þ.

Minn 4runner er skráður fornbíll og búinn að vera á 38" síðan um 94 og er ekki ekið nema ca:5þús á ári og ég er búinn að tala við vís og sjóvá og bæði seigast ekki tryggja hann með fornbíla tryggingu en ég veit um fullt af breyttum 25ára jeppum sem þeir tryggja sem fornbíl svo þetta er bara geðþótta ákvörðun í hvert skipti.En vís bauð mér 30þús í tryggingar á ári svo ég tók því já og 4runner er bíll 2 hjá mér og er ekki mikið notaður

Þetta er klárlega geðþóttar ákvörðun hvers tryggingarfélags, en ég er búin að vera með minn jeppa á fornbílatryggingu frá því að ég færði hann yfir á mitt nafn frá pabba 2007 en þar áður var hann á lágum tryggingum þar sem hann tryggði hann en ekki fornbílatryggingu.
En þegar ég skiptu um tryggingafélag síðast þá sett ég það sem aðal skilyrði að ég fengi fornbílatrygginu á bílinn og það gekk í gegn áreynslulaust, reyndar var það sagt við mig þegar ég lagði númerin inn að ég gæti ekki tekið hann af tryggingum því þá myndi fornbíltryggingin detta út svo ´+eg hef bara haft áfram á trygginum þó ég hefi ekki notað hann frá ´07.
Svo ég ráðlegg mönnum bara að hóta því að skipta um tryggingarfélag ef menn er með leiðindi, peningar eru það eina sem þessir menn skilja 😉

Get nú ekki skilið að breyttir jeppar séu að valda einhverju meira tjóni í umferðinni “bara“ af því að þeir eru á stórum dekkjum kv Heiðar U-119

Mér vitalega hefur einungis verið gerð ein ransókn á tjóna hlutfalli breitra jeppa og annara faratækja og voru breittir jeppar undir meðatali þar

Mín skoðun er reyndar að mikið breittir bílar fá flestir frekar gott viðhald, engin vill lenda í því að vera sóttur upp á hálendið eða dreginn heim í hveri ferð. Þetta með jeppa veikina held ég að sé svo lítið ýktur fjöldi og þá vegna þess að menn eru duglegir að sækja sér fróðleik um það td á netinu vegna þess að enginn vill keyra svoleiðis bíl. þetta með að jeppar séu útum allan veg veit ég ekki af hverju það eigi að vera frekar en á öðrum bílunm tala ekki um þegar búið er að setja auka tjakk á stýrisgang alavega hefur það ekki verið vandamál hjá mér í mínum bílum.
Ps það eru fullt af litlum bílum í umferð með lélegt viðhald td ónýta bremsudiska en bara skift um klossa eða ryðkuð bremsurör hef séð fullt af svoleiðis.

Þess ber að geta að einhver misskilningur virðist vera um hvað jeppaveiki er og af hverju hún hlíst.
Jeppaveiki er þegar dekk titra á eigintíðni sem veldur afar slæmum skjálfta uppí stýri, en veldur ekki því að jeppar rása á milli akreina. Orsökin fyrir jeppaveikinni og að jeppar rásir getur hinsvegar verið sú sama.

Þetta er skemmtileg skýrsla um slysatíðni breyttra og óbreyttra jeppa.
http://www.vegagerdin.is/vefur2.nsf/Fil … pa2002.pdf