This topic contains 10 replies, has 1 voice, and was last updated by 
-
Topic
-
Sæl veriði, gaman að vera orðinn hluti af þessu prýðis spjalli hér. Lýsingu á „mínum fjallabíl“ er að finna í notendalýsingu minni en mig langar að spyrja reynslubolta að einu. Eru þessar hásingar mínar (dana 38 og 8,8″ ford undir Bronco með 200 línusexu) hættulega veikar fyrir þennan bíl? Ég hef haft hann á 35″ dekkjum og tekið vel á honum við ýmsar aðstæður en aldrei lent í vandræðum en þessar hásingar eru engu að síður eitur í beinum margra. Er ég ekki óhultur fyrr en með dana 44 og 9″ undir eða dugir þetta leikandi? Kveðjur, Hjölli.
-
Replies
-
Heitir hún kannski dana 35? Er bara ekki viss…
Kveðja, Hjölli
Anonymous- Umræður: 0
- Svör: 16404
Samhvæmt heimildum á http://www.bronco.com þá kom Bronco 66 með Dana 30 framhásingu og Ford 9" afturhásingu. Millikassinn var Dana 20. Gírhlutföll voru 3.41:1 firsti, 1.86:1 annar,og 1:1 þriðji gír. Öxlahluföll sennilega 3.50:1
Með inline 6 er ekki mikil hætta á að brjóta neitt svo framarlega að ekki sé komið slit í álagspunkta svo sem hjöruliði og svol.
Hann lítur vel út miðað við aldur.
Kveðja
Elli
eg mundi nu halda það að þu værir með 9" að aftan.
Sæll.
Ef þú ert með Bronco ’66 og orginal hásingar, þá ertu með 9" að aftan, og dana 30 að framan.
9" er til með tveimur misstórum legum, og þú ert örugglega með minni legurnar sem eru veiki punkturinn í hásingunni. Þú þarft að hugsa vel um þær. Öxlarnir eru 28 rillu, og geta brotnað, sérstaklega ef þeir hafa særst við að skipta um legu.
Dana 30 framhásingin er ekki mög sterk. Það er ekki mikið vandamál að brjóta hana, og þú ert mikið betur settur með dana 44 sem passar beint í. Á hana má svo setja diskabremsur í stað skálabremsanna sem eru orginal. þá ferðu loksins að geta treyst því að geta stoppað þegar þú vilt.
Kv.
Emil Borg
þakkir fyrir þetta, ég er búinn að brjóta heilann töluvert yfir þessu. Það eru nýjar legur í afturhásingunni og þetta kram er alltsaman lítið slitið en mér hefur alla tíð verið sagt að hún sé svokölluð "litla" 9" eða 8,8" Þetta er þá líklega vitleysa runnin frá þessum minni legum sem í henni eru. Líklega gæti ég þá leyft mér að halda afturhásingunni en þarf að skoða málið með framhásinguna. Diskabremsur hljóma afar vel, þó er reyndar allt nýtt í hægjum á greyinu! Enn og aftur, kærar þakkir fyrir þetta og já, hann lítur ansi vel æut, enda augasteinninn minn! Kveðja, Hjölli.
Mikið rétt hjá Emil hér að ofan.
66 bronco var með 9" Ford að aftan og Dana 30 að framan. 8.8 fordhásingin er miklu yngri. Auðvelt er að þekkja muninn, þar sem drifköggullinn boltast framan í hásingarhúsið á 9".. þ.e laus köggull. 8.8 hásingin er ekki með slíkum búnaði, heldur með hefðbundnu drifloki að aftanverðu.Það sem menn brutu helst í gamla bronco með D30 var mismunadrifið, sem og öxlar. Það ætti að vera auðvelt að finna D44 bronco framhásingu t.d undan 74 árg. Þeir voru þó enn með skálabremsum. Það eru samt margir möguleikar við að koma diskabremsum á þær.
Ég mæli með því að þú hugir að diskabremsum af fullri alvöru, þessir bílar eru stórvarasamir í akstri með skálabremsunum. Eftir vatnasull eru þeir nánast algerlega bremsulausir svo dæmi sé tekið. Því miður fóru allt of margir þessara bíla á toppinn í den. Ástæður þess eru meðal annars misjöfn hemlun, ásamt því að stýrið er mikið dobblað, þ.e margir hringir borð í borð… þetta gerir það að verkum að erfitt er að ná aftur stjórn á bílnum t.d í hálku ef hann byrjar að "dansa".. sem aftur gerðist talsvert einmitt vegna þess að bremsur tóku skakkt.
"gamli" Bronco kom aldrei með 8.8 að aftann, svo að það sé á tæru .
Sæll Óli, takk fyrir innleggið. Þetta með bremsurnar er jú hverju orði sannara, ég er búinn að ferðast mikið á bílnum við ýmsar aðstæður og þekki orðið býsna vel inn á gamla skrýmslið, og alltaf leiðast mér bremsurnar. Stýrið er svo aftur eitthvað sem maður venst… Þar sem best er að öllum líkindum að verða sér út um D44 undan 74 módeli, er þá einhver sem kann vel inná það hvernig þeim er breytt fyrir diskabremsur, og gæti jafnvel komið lítillega inn á það ferli? Kveðja, Hjölli.
Gamla Bronco – hjartað fór að slá örar þegar maður sá myndirnar af bílnum – átti svona tæki, bara "67 árg. í ein sjö ár minnir mig. En sé þetta rétt með 8,8" drifið að aftan, þá bendi ég þér á grein í desemberhefti Four Wheeler í ár, bls. 96, en í greinaflokki um 8 hásingar sem mönnum yfirsjáist í bransanum, er fjallað um þessa gerð, sem þeir segja að hafi verið notuð mikið í F-150 og Explorer. Held að í þessu blaði séu mörg svör við þínum spurningum. En mikið fjári er bíllinn þinn flottur!
kv.
ólsarinn.
Sælir
Bíllin hjá mér er með diskum að framan og aftan. Það er sami búnaður á fram og aftur hásinguni. Diskarnir eru úr Lödu (fimm gata) Það þarf aðeins að taka úr innri hringnum á diskunum að aftan til að komast í boltana sem halda öxlunum inni en það er ekki stór mál.
Dælurnar eru úr Skúbídú "86. aft.og fr. Það eru stærri dælur í nýri súbarúbílum og það verður kannski næsta verk hjá manni að setja þær undir að framan. Höfuðdælan er úr Volvo, mjög solid búnaður hjá frændum vorum.Kv. Ragnar Karl
You must be logged in to reply to this topic.