Ford F350 pælingar

Ég er ford eigandi að 2005 6.0L bíl, á 46".
Hann er btw til sölu á mjög góðu verði og því örlítið hlutdrægur en ég fór í gegnum sömu pælingar og þú á sínum tíma. Niðurstöðurnar sem ég fékk voru þessar.
Fram að 2005 bílnum (eða þegar hann fer á gorma að framan) þá eru öðruvísi spíssar og öðruvísi túrbína sem voru stærstu vandamála factorarnir í þessu á sínum tíma. Þetta er ekki orðið frábært að mér skilst í 2005-2008 en mun skárra. Ég hef t.d. ekki lent í veseni með hvorugt. Ég lenti í því að spíss var með vandamál, keypti nýjan og það lagaðist ekki og komst þá að því að vír var nuddaður í sundur inní vélarloominu. Setti nýtt loom.
Annað sem er í öllum 6.0l bílunum og það er headpakkningin. Hún er fín og til friðs ef þú ert ekkert að eiga við vélina en að því gefnu að þú viljir fá öll hestöflin, sem ég mæli með, þá þarftu að setja sterkari headbolta.
6.4 bíllinn er fyrst og fremst dýrari. Á þeim tíma sem ég var að kaupa bíl munaði amk 2mkr í verði og fanst mér það ekki þess virði. Hún er hljóðlátarai og að mörgu leiti skemmtilegri en eyðir meira. Hef þó heyrt af mönnum gera æfingar og ná henni c.a niður í sömu tölur og 6.0 en betra ef einhver myndi staðfesta þetta.

Over all, besti jeppi sem ég hef átt og skemmtilegasti í notkunn, en kostar vissulega 30% meira en patrol í rekstri. (kominn með tölu til að þræta um)

Kv. Ívar

Sælir

Ef ég væri að fara af stað aftur í svona pælingar þá færi ég beint í 6,7 lítra bílinn ( að því gefnu að peningar væru ekki factor)

Annars væri það 6.0 árgerð 2006 / 2007.minn er 2006. Mér dytt ekki í hug í eina mínútu að skoða 6.4 – bæði er eyðslan fáránleg og það er ekkert minna af vandamálum í þeim heldur en 6.0. Það eina sem hún hefur umfram er að hún er hljóðlátari.

En það þarf að klappa 6.0 vélinni svolítið til að hún sé til friðs. Það er betra að skipta strax um heddpakningu og setja heddstudda í stað bolta og jafnvel láta fræsa út fyrir fire hringjum – þá geturðu tekið vel út úr vélinni án áhyggja.
Síðan er gott að setja bypass síu á smurolí og betrumbæta hráolíudælu – sérstaklega ef á að taka eitthvað útúr þessu.

Með tímanum þarf svo að setja olíukæli á hann þar sem sá orginal tapar afkastagetu með aldrinum.

Svo má að sjálfsögðu leika sér með að tuna þetta hvernig sem þig langar – ég er sjálfur búinn að setja sverari loftrör að og frá vél, allt 4", annan intercooler, loftsíu og svo tunekit frá Banks power og er að taka þetta 450 – 550 hp út úr honum og allt að 1200 Nm í tog – allt eftir stillingum

En svo er búið að gera endalaust af öðrum betrumbótum sem ég nenni ekki að skrifa um – hringdu bara við tækifæri – 898 6561

Benni

P.S.

46" eru of lítil hjól undir þennan bíl ef hann á að drífa almennilega

Ég er með 2008 Ford F350 með 6.4 vélinni.
Er á 37 tommum, bíllinn er óþarflega hár fyrir þau og því með óþarflega mikla loftmótstöðu.

Kominn með EGR delete kit, opnara púst og lofthreinsara, líka kominn með tjúnngræjuna frá Jörgen sem gefur mér allt að 270 hesta í viðbót eða alls um 600 hestöfl. Þessi græja setur lockupið á í 4 gír sem er mikill kostur fyrir eyðslu og leiðréttir hraðamælinn. Aflið er bara fáránlega mikið.

Fór með hjólhýsið frá Rvk til Akureyrar og eyddi 20 l á hundraðið ( var á ca 84 km hraða í cruise control ).
Hélt svo áfram í rigningu í gær til Eskifjarðar án hjólhýsis og eyddi 15 l á hundraðið ( var á ca 95 km hraða í cruice control ).

Ég er með MiniMax og stilli á Mild (næstneðsta power).

Hef prófað Wild (hæsta) og það rykkir vel í. Spólar bara á malbikinu ef botnað er á lítilli ferð (þori ekki að trampa í kyrrstöðu). Hann gaf alltaf meldingu um stíflaðan lofthreinsara þegar ég gaf aðeins í Wild stillingu, er kominn með opnari síu og þá hætti það.

Á enn eftir að downloada 330 hp modulnum frá þeim og prófa. Bíð með það þangað til ég verð kominn með stærra loftinntak, það er á leiðinni.

Hef ekki borið saman eyðslu milli power levela.

Sæll Snorri. Ég er með bílinn á 49" og prófaði að stilla á Hot Damn og ég prófaði hérna á malbikinu á ferð, og ég get svarið að hann spólaði og þetta var bara eins og í flugtaki á Boeing 757. Varð eiginlega hálf smeykur eftir það upp á vera ekki að brjóta eitthvað og hef hann bara stilltan á Wild. Finnst það alveg nógu fjörugt fyrir mig. Hvaða loftinntak ertu að fá þér ? Þetta reykir alveg eins og Kolatogari ef maður tipplar á gjöfinni. Ætli það lagist við stærra loftinntak ?

Veit ekki hvers vegna einhverjir bílar 2008 eru til sölu með uppteknar vélar. Ég á annann svona Ford 2008, 6.4lítra stock og hann er núna keyrður 101 þús og hefur ekki feilað eitt púst frá degi 1. (7-9-13). Þannig að þetta er bara misjafnt eins og allt annað.

Agust

Ég hef nú flestar mínar upplýsingar um vandamál í 6.4 vélinni frá mönnum sem eiga 6 lítra vélina, flest hefur komið þar í óspurðum fréttum. Eða eins og sagði í sögunni: "Þau eru súr" sagði refurinn þegar hann náði ekki upp í berin í trénu.

Helstu vandamálin sem virðast hrjá 6.4 vélina eru þau að EGR dótið setur sót í smurolíuna. Ef ekki er skipt um smurolíu eftir því sem Ford segir til um, þá eiga undirlyfturnar til að festast útaf sóti og þá fer allt í steik.
Lausn á þessu er að skitpa um smurolíu á réttum tíma ! Þetta vandamál hverfur með EGR delete kitti.

Svo á vatnskassinn til að fara að leka. Virðist vera einhver veikleiki. Ef menn fylgjast ekki vel með vatnshitanum, þá enda þetta í yfirhita og þá fer allt í steik.

Þannig að lausnin er að fylgjast með vatnshitanum eða vatnshæðinni í forðabúrinu.

Þetta þýðir að 6.4 vélin hentar ekki fólki sem trassar að skipta um smurolíu eða keyrir eins og blindir kettlingar án þess að fylgjast með kælivatnsborði á forðakút eða vatnshita þangað til allt er komið í steik.

Hentar vel fyrir hina.

Eitt í viðbót hefur líka bilað. Hráolíudælan er staðsett inni í vélarblokkinni til að minnka hávaða. Þessi dæla smyr sig úr olíunni. Þegar menn keyrðu á steinolíu, þá átti að setja 1% smurolíu með til að tryggja smureiginleika olíunnar. Ef það var ekki gert, þá átti þessi dæla til að hrynja með miklum kostnaði fyrir eigandann. Lausn á þessu er að kaupa ekki svona bíl nema eigandinn ábyrgist að hafa ekki keyrt eins og asni á steinolíu án þess að setja 1% smurolíu með.

Minimaxx í mínum, skjárinn er minni en í blackmaxxx og eithvað færri fítusar.

Aðeins svona útúrdúr.
Nú var heddið tekið upp í bílnum sem ég var að versla mér í Kistufelli 2006 og var á öll vélin tekin í gegn. Þegar ég hringdi í þá í dag þá gátu þeir ekki sagt mér hvort þeir hefðu sett sterkari studda í heddið þegar það var hert á.

Er einhver möguleiki að sjá það, þá með að lyfta upp ventlalokinu án þess að það sé enhver dags vinna???

Ég má til með að leggja orð í belg, Ég var með 6,4 bíl extra langan einhver sá skemmtilegasti bíll sem ég hef átt verst að konan var bara ekki sama sinnis svo ég varð að selja hann.

keyrði hann cirka 50 þús, það fór hjá mér Vatnskassinn og það er víst mjög algengt í þessum bílum einhver vandamál með yfirþrýsting sem reynt er að leysa með einhverju framhjáhlaupi og fleira. ( hef reyndar heyrt að þessi redding virki ekki nema takmarkað)

Frábær mótor og svo hljóðlátur og skemmtilegur. Hann eyddi hjá mér óbreittur 17 til 20 lítrum þangað til ég fór með hann í IB og þeir hreinsuðu út úr kútnum á honum og settu í hann tölvu sem ég notaði bara á economi stillingu.
Hljóðið í honum varð miklu skemmtilegra og og eyddi miklu minna. fór í 14 í langkeyrslu en ef ég hengdi aftan í hann fellihýsi eða hestakerru þá fór hann í 18 til 20

Ég prófaði þegar ég keyrði á selfoss einu sinni að núllstilla tölvuna þegar ég kom út úr hringtorgi við norðlingaholt og dólaði á krúsi á 90 alla leið á selfoss, við ölfusárbrú sá ég að meðaltalseyðsla við þessar aðstæður væri 12 lítrar.

Í annað skipti prófaði ég að núllstilla og keyra upp bröttubrekku með hjólhýsi aftan í á 90 kílometra hraða nánast alla leið upp og þá hefði meðaltalseyðsla á 100 kílómetrana verið 59 lítrar dágóður slatti það.

ég var að skoða 2005 og 2006 bíla til að breyta hugsanlega í rólegheitunum mér til skemmtunar þar sem ég hef nokkuð góða aðstöðu, ástæða þess að ég er að spá í þessa bíla frekar en 6,4 er bara vegna þess að það er hægt að fá þá á ótrúlega lágu verði, bara lítið keyrða bíla.

En mig langar að vita meira um nýja bílinn 6.7 sögurnar sem maður heyrir er að þetta sé töfratæki

kveðja Ólafur

Svona til að halda þessu þræði líflegum þá langar mig að spyrja að einu.
Hvaða gír hafa menn verið að nota sem milligír í þessa bíla og vita menn ca verðmiðann á því
ef menn láta gera það á verkstæði?