Ford F250 á 44″

Mæl þú manna heilastur! Hvað sem BÞV segir nú um "þróaðan fjaðrabúnað" þá er þetta setup þrautreynt og virkar. Flest stóru breytingafyrirtækin í USA framleiða hækkunar- og breytingapakka fyrir þessa bíla, en ég er ekki nógu viss um að það henti okkur, þeir eru oftast nær að hækka þá of mikið upp. En með nýju PowerStroke vélinni og tölvukubbi er þetta náttúrulega draumatæki. Svo er hægt að fá þá í King Ranch útfærslu, sem þýðir mikinn lúxus nú og svo kemur á næsta ári s.k. Harley Davidson pakki, sem er meira fyrir töffarana. En fyrstur manna til að breyta svona bíl á 44" var held ég Aðalsteinn Símonarson og eins og mín kynslóð í 4×4 man eftir, þá var hann einn af brautryðjendum í jeppabreytingum. Þessi bíll er náttúrulega farinn að sleikja 3 tonnin, en menn hafa nú farið á fjöll á Econoline, sbr. Gunna Icecool og fleiri að ógleymdum Hafþóri heitnum Ferdinandssyni. Ekki eru þeir léttari og þá var PowerStroke ekki komin til sögunnar. En Ingimar Baldvinsson hefur verið að ná þessum bílum í gegn um Canada á alveg bærilegu verði. En, talaðu við Gunna Icecool ellegar Ljónsstaðabræður, þessir karlar vita allt um ameríska bíla. Nú – ekki gleyma JÖRFÍ, sem er með svona bíl!

Hó hó.

Það er svo mikið að gerast á síðunni, að mar nær varla að fyljgast með…

Auðvitað er þetta Ameríkudót alveg inni í myndinni ef það fæst nánast fyrir lítið sem ekkert… Er ekki hvaða dót sem er á kortinu miðað við það?

Ég spyr enn og aftur, og þá sérstaklega í ljósi þess að dollarinn hefur verið í algeru lágmarki um margra mánaða skeið; af hverju í ósköpunum eru menn ekki að flytja þetta dót inn í stórum stíl??? Gæti það verið af því að einhver er orðinn leiður á endalausum hjöruliðs- og öxlaskiptum…???

Spyr sá sem ekki veit.

Heija Norge!

Ferðakveðja,

BÞV

"Cevy sé oss næstur"

Sælir,
Mikið rétt hjá þér, það er nefnilega merkilegt að Brimborg skuli vera með lægra verð en þegar maður ætlar að flytja inn. Hef verið að skoða þetta svoldið. Þýðir ekkert að kaupa svona bíl notaðan af íslandi 😉 Eina sem stoppar mig ef er í raunini hve þungur hann er, kemur niður á hröðun, vill hafa smá snerpu í hlutunum.
Jónas

Sæll GSig,
ég er náttúrulega að miða við Land Cruiser 80,90 og 100 bíl. Það vantar í rauninni ekki kraft í þessa f250. Svona bíll í snjó er bara eins og Econonline og aðrir sambærilegir held ég. Sá nú einmitt F350 á 44" til sölu. Væri náttúrulega langsniðugast og fara bara að ná í hann 😉 Nei segi nú bara svona. En þetta er ákvöðun sem maður tekur ekki á svipstundu. Þetta eru margar andvökunætur og útreikningar.
Jónas

Sælir félagar
Ég veit að björgunarsveitin Ingunn á Laugarvatni var að taka í notkun 44" Ford F-250 með 6 lítra powerstroke dísilvélinni.Hægt er að sjá mynd af bílnum á þessum link
http://frontpage.simnet.is/bj-ingunn/new_page_7.htm

Halló..
Ég er algjör ford maður á einn svona f250 bíl.
Óbreyttan reyndar árg 89. Það er á döfinni hjá mér núna að fara að breyta honum fyrir 46" en ef ég væri að fara að kaupa mér nýjan bíl til að breyta þá mundi ég ekki hika við að kaupa svona bíl!

Kv.
Krossmann

Góðan daginn,
þið ættuð að kíkja á þennan hann er snirtilegur og flottur !!!! http://kjolur.f4x4.is/photoalbum/view.p … 3&offset=0
Kveðja Hjörtur og JAKINN.

Ég fór á Texas SUV Show í sumar og eru nokkrar myndir þaðan í albúminu. M.a. F-150 Harley Davidson ásamt stærri bílunum.

Annars hef ég átt F-150 ’87 í meira en áratug og hefur hann reynst mjög þægilegur í rekstri og viðhaldi og auðvelt að fá í hann varahluti (þó ég sé búinn að jaska honum mikið út og farinn að huga að skiptum). Gott er t.d. að versla við Benna en ALDREI VIÐ BRIMBORG.
Þar sem þessir bílar koma á blaðfjöðrum að aftan og eru gríðarlega burðarmiklir mæli ég líka með að setja undir þá loftbúðafjöðrun. Kosturinn við 150 bílana er að ekki ætti að þurfa 44 tommu dekk þar sem þeir eru ekki eins þungir.

Komiði sælir!
Ég er meðlimur í Björgunarsveitinni Ingunni á Laugarvatni. Eins og áður hefur komið fram að þá erum við nýbúnir að taka í notkun nýjan Ford F-250. Gamli bílinn okkar var F-350 með 7.3 vélinni og var hann að koma mjög vel út hjá okkur. Niðurstaðan var því sú að fá aftur Ford. Við ákváðum að taka F-250 bílinn því hann var aðeins léttar og við höfum ekkert við alla þessa burðargetu að gera sem er í F-350 bílnum. Bílinn er á 44" Super Swamper Bogger sem er mjög gróf en koma samt mjög á óvart undir þessum bíl.
Nýi bílinn er með nýju 6.0 l 325 hö vélinni og má segja að það vanti ekki aflið í þetta tæki!
Heimsíða sveitarinnar er: http://www.simnet.is/bj-ingunn
P.S. Svo að sjálfsögðu eru menn alltaf velkomnir að kíkja í heimsókn á Laugarvatn!

Kveðja
Eyþór Sigurðsson