För Skálanefndar í Setrið

Við nokkrir meðlimir skálanefndar og aðrir, alls 7 manns fórum upp í Setur nú um helgina, aðalega að líta á vatnsdæluna en hún hafði slegið út rafmagninu fyrir nokkrum dögum. Í ljós kom að tengingar voru lausar í brunninnum þar sem dælan er staðsett. Því var kippt í liðinn og einnig athuguðum við segulokana sem tæma út vatnslagnirnar. Það vill setjast sandur í þá og þá haldast þeir opnir sem veldur meira álagi á dæluna. Við Setuna er brunnur með segulloka sem tæmir út lögnina frá klósettunum út að Setu. Sandur var í honum og hreinsuðum við hann líka.
Við settum sturtuvatnshitarann í vetrargeymslu þar sem frosthætta er of mikil til að hægt sé að hafa hann í sambandi.
Farið var með fullan olíutank og bætt á byrgðirnar fyrir rafstöðina. Einnig var farið yfir ástand hússins heilt yfir og að loknu dagsverki grilluðum við lambalæri og höfðum ánægjulegt kvöld.

Guðmundur Geir Sigurðsson
nefndarformaður.