This topic contains 10 replies, has 1 voice, and was last updated by 
-
Topic
-
Startar fínt og nóg olía, en fer ekki í gang. Patrol 1994, 2.8TD
Í gær í akstri blikkaði glóðarkertaljósið, ég drap á bílnum og hann rauk í gang aftur .. og fór líka seinna um kvöldið eftir smá hvíld í gang án vandræða og ljósið þögult.
Í morgun (áðan), kviknaði ljósið og slökkti á sér eðlilega … en stuttu síðar fór það að blikka og bíllinn ekki í gang.
Undanfarið hef ég ekki orðið var við neitt afbrigðilegt, bíllinn rokið í gang og „þotið“ áfram
Hvað getur verið að ?
1. Relay? Hvernig tékka ég á því … og hvar er það?
2. Glóðarkerti ? Hvernig tékka ég á því ?
3. Annað ?Er hægt að draga bílinn í gang ?
Hjálp óskast.
Siggi
p.s. skv. vinnureikning Vélalands í sumar þá var farið í spíssa og skipt um 1 glóðarkerti….
-
Replies
-
Anonymous- Umræður: 0
- Svör: 16404
Þar sem að það er nýbúið að skrúfa vélina saman hjá þér dettur mér eitt atriði í hug. Hægra megin aftarlega á heddinu eru tveir vírar tengdir við tengiskinnunar milli glóðarkertanna. Kannaðu hvort vírarnir séu ekki vel fastir og góð tenging. Ég lenti í því að ró losnaði þarna og þá lýsti þetta sér eins og hjá þér núna.
ÓE
Sæll ég er með Patrol 96′ og lenti í svona ljósa veseni í sumar. Fór með hann á verkstæði og það sem kom í LJÓS var að heilin var dauður fékk annan í Keflavík.
Heyrði að það sé maður á siglufirði sem gerir við tölvur í bílum, er einhver sem veit meira um þennan mann?
Sælir piltar…
Það getur ýmislegt orsakað það fyrir utan kertin sjálf. Eins og hinir tala um getur það verið lélegt samband á greiðunni við glóðarkertin sem eru tvær (ein sem nær á öll kertin og hitar fyrir startið og ein sem er bara á 3 öftustu kertin og sér um eftirhitun í ca. mínútu).
Hitunarheilinn sem er staðsettur hægra megin frammí við fætur farþega getur klikkað, svo er einnig nokkuð algengt að releyin fyrir hitunina bili. Þau eru staðsett út við bretti hægra megin í húddinu og eru tvö og merkt minnir mig glow1 og glow2.
Ef þú opnar þau getur þú skoðað svera vírinn sem liggur í snertuna og á hann til að brenna í sundur, í sumum tilfellum er hægt að lóða hann aftur saman.
Gangi þér vel með þetta!
Kv. Sigurþór
Sælir,
ekkert lán ennþá.
Ég aftengdi vírana inn á skinnurnar og setti ljós á, það logaði í ca. 2 sek á hvorum vír og slökknaði svo. Ég prófaði að svissa á þegar vírarnir voru aftengdir og fékk sömu hegðun, þ.e. glóðarljósi slökknaði og nokkrum sekundum síðar fór það að blikka?
Ég opnaði relay-in og þau voru bara mjög sannfærandi að sjá.
Náttúrulega til að gleðja mig, þá datt hann af og til í gang … en eftir nokkur ádrep og stört datt hann í sama farið aftur.Ef allt er eðlilegt, þ.e. glóðarljósið slökknar og byrjar ekki að blikka þá rýkur hann í gang – er þetta þá ekki líklegar eitthvert yndislegt rafmagnsvesin ?
Er eitthvert kompaní öðrum fremur hér í Hafnarfirði sem ég ætti að draga hann á?Kv. Siggi
Prófaðu að aftengja "tölvuna" (við fætur farþega) og skoða hvort það sé spanskræna á því tengi og hreinsa ef svo er. Tengja aftur og svo prófa.
-haffi
Anonymous- Umræður: 0
- Svör: 16404
Sæll siggimagg. Ég er búinn að vera í Patrol rafmagns viðgerðum og öðrum Nissan bílum (og þaráður Datsun) til margra ára. Það eru allskonar bilanir sem koma upp í þessum bílum. Hafðu samband ef þú villt á mánudag. Það eru tvær gerðir af forhitasystemi í Patrol ´89-´97. Glóðarkertinn fást bara hjá IH. Bílanaust selur þau líka en þau eru ekki nothæf.
Rafstilling 5814991
Kveðja Viðar
Þú ættir að fullvissa þig um hvort glóðakertin virki með því að taka þau öll úr og tengja þau beint á rafgeyminn. Þá sérðu strax hvort þau verði rauð.
Bjarni
Rafstilling í Dugguvogi 23 bilanagreindi álíka bilum hjá mér í Patrol 91. Þar reyndist glóðakerta relay bilað og lagfærði hann það. Hjá mér blikkaði glóðakerta ljósið en hann fór alltaf í gang. Þessi bilun byrjaði hjá mér eftir að flætt hafði yfir tölvuna sem er við öryggisboxið við fætur farþega. Það sem gæti verið að hjá þér er bilun í tölvunni, glóðakerti, relay eða sambandsleysi.
Kveðja, GG
Þetta er örugglega eitthvað árans sambandsleysið … mér tókst að sprengja 65A öryggið fyrir strauminn – fyrri eigendur hafa lagað rafmagnið og ekki gætt að því að ganga vel frá og mínir þumalfingur mynduðu þennan fína rafsuðublossa
En eftir þessa aðgerð mína (reddaði málum á gamla nagla móðinn þar til ég fæ nýtt öryggi), virkar allt eðlilega og ekkert vesin.
Takk fyrir hjálpina, þar til næst 😉Siggi
You must be logged in to reply to this topic.