This topic contains 10 replies, has 1 voice, and was last updated by 
-
Topic
-
Sælir félagar.
Í gær var mér sögð saga sem ég má til með að deila með ykkur.
Það gerðist í ferð sem farin var um daginn og nokkuð hefur verið fjallað um, að jeppi, illa búinn til snjóaksturs festist. Annar jeppi í ferðinni, nýlegur dýr og vel búinn, tók að sér að draga hann úr festunni. Ekki vildi betur til en svo að það réttist úr króknum á þeim fasta og tógið kom af fullu afli í dráttarbílinn, braut í honum afturrúðu og skemmdi öftustu hurðina töluvert. Auðvitað var öllum brugðið við þetta óhapp, en eigandi fasta bílsins taldi sig eiga góða að í tryggingum og lofaði allri aðstoð. Segir nú ekki meira af ferðinni annað en það að teppi var sett fyrir brotna afturgluggann og ferðin kláruð.
Snemma á mánudagsmorgni eftir ferðina berst eigendum dráttarbílsins tölvupóstur frá þeim fasta. Í honum segir að hann hafi haft samband við sitt tryggingarfélag. Þar hafi honum verið sagt að öll ábyrgð í tilfellum sem þessum sé á hendi þess sem dregur. Því telji hann sig lausan allra mála og að málinu sé lokið af sínu leiti.Þetta þykir mér alveg lygileg saga og myndi ekki trúa nema af þeirri einföldu ástæðu að góðir kunningjar mínir eru tengdir málinu. Hvað fær menn til að haga sér svona? Þiggja aðstoð frá öðrum, verða valdur að tjóni upp á hundruðir þúsunda og víkja sér svo algerlega undan ábyrgð? Eru menn algerlega frosnir í höfðinu?
Ég skrifa þetta til að vekja ykkur til umhugsunar um hvort við þurfum að fara að haga okkur öðruvísi en hingað til þegar að því kemur að draga einhverja sem við ekki þekkjum þeim mun betur. Þurfum við að taka upp sið sem eitthvað var um fyrir nokkrum árum að láta þá sem þurfa drátt undirrita yfirlýsingu þess efnis að þeir séu ábyrgir fyrir þeim skemmdum sem af drættinum gætu hlotist? Auðvitað þarf líka að hugsa um að tjónið gæti verið á hinn veginn. Gömul drusla gæti tekið að sér að draga nýjan, flottan bíl. Stuðurinn gæti flogið af í heilu lagi og lent í framrúðunni á þeim flotta. Hver er þá ábyrgur?
Ég segi nú ekki annað en það að FÓLK ER FÍFL
Emil Borg
#R-33
-
Replies
-
Anonymous- Umræður: 0
- Svör: 16404
er það ekki svoleiðis að sá sem bindur í bílinn ber ábyrgð á þeim bíl, bara láta þann sem að er fastur binda og TAKA MYNDIR, annars er það bara orð á móti orði…
Mér kemur nú eiginlega mest á óvart að sá sem var dreginn og átti krókinn sem bognaði skyldi ekki rukka þann sem dró um krókinn :p Svona til að hámarka ósvífnina.
–
Bjarni G.
tekur ekki kaskó trygging dráttarbíls á svona málum (spyr sá sem ekki veit) ?
Ég er alveg sammála því að þetta er ósvífni af hæsta máta, en við höfum oft ritað um þessa ábyrgð og einnig um að útbúa skjal sem aðilar skrifa undir áður en svona hjálp er veitt. Það er einnig góð hugmynd að ferðafélagar geri með sér skriflegt samkomulag áður en farið er í ferðir þar sem tekið er á ábyrgð hvers og eins. Það mætti alveg beina því til forráðamanna klúbbsins að útbúa slíkt skjal, setja það á vefinn svo geta félagsmenn prentað það út og haft með sér, þetta er svona hugmynd.
kv. vals.
Sælir….
Það er ekki flókið, kaskó á að dekka þetta, en það er svo alltaf þessi sjálfsáhætta sem maður þarf að borga sjálfur og þar sem að bíllinn skemmdist af völdum þess sem var dreginn er ekki nema sjálfsagður hlutur að sá hin sami eigi þá að punga út fyrir sjálfsáhættu þess sem lendir í tjóni vegna hins aðilans.
En munið það félagar….að það er ALLTAF sá sem dregur sem er ábyrgur. Skiptir engu máli hver bindur þar sem að sá sem er á tryggingu dráttarbílsins er alltaf sá sem ber tjónið.
Með því að skrifa undir svona skjal sem áður var nefnt í þessum þræði ætti sá sem veldur tjóninu að bera lagalega skyldu til að bæta skaða sem verður af hans völdum, ja eða ökutæki hans. En þetta þarf þá að vera löglegur samningur og þá einnig 2 vottar að réttum undirskriftum.
Þetta er að ég held eina leiðinn til að hafa réttinn sín megin.
Ég lenti í akkúrat svona atviki fyrir rúmum 3 árum og var ég þá á jeppanum sem var að draga og sá hin sami skemmdist. Ég reyndar verð að bíta í það súra að ég gerði þau mistök að leyfa óreyndum hálfvita að binda í fasta bílinn. Vildi ekki betur til en að þar sem að þessi óreyndi hálfviti batt þannig í fasta bílinn að spottinn slitnaði og endaði aftan á mínum bíl.
Þetta er umhugsunarvert, eftir þetta hef ég útbúið mjög öfluga dráttar króka á minn bíl bæði að framan og aftan til að verða ekki einn af þeim sem myndi valda svona tjóni hjá öðrum og ég dreg engan sem er ekki með almennliega króka eftir þetta.
Ég slapp þó við að fá spottan í gegnum afturrúðuna og varð tjón mitt minna þar af leiðandi.
Hugsum okkur 2svar um áður en kippt er í.
Kveðja
Siggi
hjálp eða ekki hjálp. ég hef ekki efni á 800.000 kr
afturhurð, ég verð líklega að kaupa mér aðra skóflu. svo ég bið ykkur á "fínu" bílunum að draga mig ekki. ég ek patról ´98 hvítum að lit með númerið BJ 072 . en fyrir hina á "druslunum" þá er ég til í að draga ykkur hvenær sem er ykkur að kostnaðarlausu. PS :nema náttúrulega að tryggingarnar dekki tjónið.
verið góðir, kv. kalli góði.
Loftmótstaða fyrir kaðalinn……
Ekki má gleyma því að úlpa teppi eða spotti lagður yfir tógið
getur sparað margar krónurnar þegar spotti slitnar.
Einnig er þjóðráð að hafa lengri þynnri spotta bundinn í kaðalin og í annan stað á bílnum, þá fer spottinn ekki langt frá bílnum þó hann slitni.Held það væri þjóðráð að senda ritningu til félagsmanna sérstaklega nýliða. Um ábyrgðina sem fylgir spottatogi.
Er með eina dæld í bílnum til spottaminningar frá fyrri
eigendum.
kv
bjarki
Ég mæli þá með Dynex 4-6mm tógi sem öryggislínu,en 4mm Dynex hefur slitþol uppá 1600kg.
Og að festa öryggislínuna með ca70-100cm millibili í teygjuspottann og láta hana hanga ca 10 cm niður.
Þetta ætti að nægja til að stoppa spottann ef hann slitnar.
Hér er styrkleika tafla frá Hampiðjunni sem sýnir hvað þetta ofurtóg er magnað.
http://www.hampidjan.is/products/ropes- … ength2.pdf
Kv-Jóhannes
Eigum við bara ekki að eiga vondumannalista þannig að þegar við sjáum einhvern sem er á honum og vill ekki taka þátt í tjóni sem hlýst er verið er að bjarga honum verði bara skilinn eftir í framtíðinni?
Emil nennir þú að senda mér upplýsingar um þennann gaur í tölvupósti svo ég get varið vini mína við honum!
KVeðja Fastur
You must be logged in to reply to this topic.