Flugeldasala.

Tek hjartanlega undir þetta með þér. Og ný afstaðin leit þar sem um 270 menn og konur tóku þátt ætti ekki að gleymast þegar kemur að því að kaupa flugelda næst.

Mér þikir að Hjálpasveitir eiga setja einnir af sölu flueldum og sem því filgir . Það eru allt of margir í þessum brasa til að moka í eiginn vasa og síða þigga hjálp hjá hjálpasveitum þegar á reinir , + það að íþrótafélög hafa nóg af öðrum leiðum til að ná sér í pening þó þeir séu ekki kroppa í sölu fluelda sem er óþarfi. ( sum samkepni á ekki rétt á sér )

kv,,,,, MHN

Æsifréttamenska Helena mín….!
Hvar stendur þarna að Ríkið muni borga ALLAN kostnaðinn. Ég sé bara að sé verið að mælast til með að eitthvað verði komið á móts við kostnaðinn, enda ráða litlar sveitir varla fjárhagslega við svona pakka án aðstoðar, sérstaklega ekki í núverandi árferði.

Gleymum því ekki í öllu vælinu okkar að þessi ömurlega forræðishyggja helv. yfirvaldanna er búinn að bjarga lífi nokkra borgara. Það er bara staðreynd, hvað sem hver vælir.

Björgunarsveitir (sem og yfirvöld) eru ekki heilagar og meiga ekki vera hafnar yfir gagnrýni. Það væri þeim sjálfum mjög óholt. Samkeppnislaus flugeldasölumarkaður væri líka óhollur fyrir alla aðila.

kv
Rúnar, búinn að fara þrisvar að gosinu, einu sinni heppinn að hafa komist óslasaður/lifandi í burtu, og allan tímann vera agndofa yfir búnaði margra. Eiginlega bara hissa á hvað þetta hefur gengið slysalaust (þökk sé almannavörnum og björgunarsveitunum).

Hæ Lella.

Á hvaða plánetu ert þú. Ekki láta svona póst á spjallið, einungis til að valda úlfúð.

Björgunarsveitirnar hafa staðið sig mjög vel á þessu tímabili sem gosið hefur varað sem og alltaf.
Þú kæra Lella veist að björgunarsveitirnar fá styrki frá ýmsum aðilum. Flugeldasala er e.t.v. stærsti tekjupóstur þeirra. En betur má ef duga skal; Að mínu mati er alveg ótrúlegt hvað félagar sveitanna eru tilbúnir í útkall án fyrirvara og þeirra hugsunarháttur er aðeins einn "að hjálpa og bjarga fólki". (Ánægjan er auði betri)

Við í F4x4 eigum í alla staði að aðstoða og vera björgunarsveitunum innan handar ef þeir óska þess, einfaldlega vegna þess að innan okkar hóps er mikil og langvinn reynsla í ferðamennsku sem og þekking á landinu, aðstæðum og úrvinnslu. (Býður enginn betur en sjálfur hefur)

Með von um skilning almennings á störfum Landsbjargar,
Kveðja,
Elli A830

Ég kaupi sjálfur flugelda af björgunarsveitunum, en ætla ekki að gagnarýna aðra hvar þeir kaupa sína. Ég tel sjálfsagt að styrkja starf sveitanna hvort sem það er með flugeldakaupum eða á annan hátt. Þekki marga sem eru í sveitunum eða hafa verið í sveitunum og veit hvað starf þeirra getur verið erfitt.

Það að sveitirnar séu hafnar yfir gagnrýni á þessum vef er ekki rétt, en það er með þetta málefni eins og svo mörg, menn bregðast harkalega við þegar þeir telja sig fá óréttmæta gagnrýni. Það er nú einu sinni svo að mjög margir hjálparsveitarmenn eru félagar í 4×4 og eðlilegt að þeir svari þegar að þeim er vegið. Það þykir sjálfsagt að Nissan, Ford, Musso, Toyota menn svari þegar verið er að hnýta í þeirra tegundir, oft í "strýðnibúning", og ég efast um að e-r haldi því fram að það sé bannað að gagnrýna bílategundir á vefnum, þó mönnum svíði oft ósvífnin í umræðunni 😉

Kv. hsm

Eftir að hafa fylgst með nokkrum þráðum hér af svipuðum toga og þessum, er ekki laust við að maður verði nokkuð undrandi. Þegar upp kemur gagnrýni á viðbrögð, viðbúnað og framferði aðila, t.a.m. í tengslum við þennan blessaða jarðeld okkar, sem virðist duga til að setja allt á annan endann, rís gjarnan upp nokkurskonar hirð sem ekki má heyra minnst á gagnrýni af nokkru tagi. Dýrkunarfaktorinn virðist oft ansi hár og tekinn fram yfir aðra göfugri eiginleika s.s. skynsemi og rökhyggju.

Ekki er óalgengt að fram komi yfirlýsingar á borð við að loka eigi slíkum þráðum, þ.e. þá sem fela í sér gagnrýna umræðu af einhverju tagi, viðkomandi eigi að skammast sín, séu frá einhverri annarlegri plánetu, séu ekki nógu „jákvæðir“ og svona mætti lengi telja. Þá eru ónefnd þau mjög svo óþroskuðu rök að réttast væri að koma þeim ekki til aðstoðar sem voga sér að horfa gagnrýnum augum á umhverfi sitt, þ.m.t. björgunarsveitirnar. Samnefnari þessara andsvara virðist helst vera sá að ekki eigi og megi undir nokkrum kringumstæðum gagnrýna eða hreyfa við misfellum einstakra aðila og samtaka og bera oft í sér yfirlæti og hroka. Að mínu viti þola andsvör af þessum toga ekki skynsama skoðun, eru í raun fráleit og í besta falli lýsing á barnalegum viðhorfum og ná vonandi aldrei undirtökum í þessum annars ágæta félagsskap sem F4x4 er. Það að líta á umhverfi sitt með lepp fyrir augum og tappa í eyrum er skýrt veikleikamerki hvar sem hópmyndun á sér stað, hvort sem það heitir F4x4, Útivist, björgunarsveit eða samfélög í víðara samhengi.

Og áfram varðandi litla jarðeldinn okkar, þá get ég ekki annað sagt, eftir að hafa heimsótt svæðið, en að það stakk töluvert í augu sá gífurlegi tækjafloti björgunarsveita sem við manni blasti, jeppar, snjóbílar, vélsleðar, fjórhjól og guð má vita hvað. Og allur þessi tækjafloti var á stöðugu iði, a.m.k. allan þann tíma sem ég staldraði við. Hinsvegar voru gestir hinir rólegustu, að stórum hluta vel útbúið ferðafólk sem vissi mætavel hvað það var að gera, en ekki óvitar staðráðnir í að fremja sjálfsvíg um leið og yfirvaldið liti undan. Þarna virtist sem sagt ekki þörf á öllum þeim viðbúnaði sem við blasti og þar með má álykta sem svo, að fullvel hafi verið í lagt og þar með kostnaður umfram þörf eða s.k. „overkill“, sem er reyndar ekki óþekkt fyrirbæri á okkar ágæta klaka. Þá hefur maður heyrt bæði jákvæðar og svo miður góðar frásagnir ferðafólks af framferði þeirra sem eru á svæðinu til að hafa vit fyrir og passa „hina“ óvitana.

Umræða af þessu tagi, jafnvel þó að hún sé gagnrýnin, ætti ekki að drukkna og falla í skuggan af einhverskonar yfirnáttúrulegri dýrkunaráráttu sem vel á minnst, þrífst oft á tíðum vel innan sértrúarsöfnuða og er svo sem ekki ný af nálinni og í raun vel þekkt í mannkynssögunni. Það hvort eða hvar fólk versli, hvort sem það eru flugeldar, matvara eða hvort og þá í hvaða spilakassa menn renni á rassinn er hreinlega ákvörðun hvers og eins og á ekkert skylt við rökræður um ágæti björgunarsveitanna sem oft á tíðum vinna þarft og gott starf og eru vissulega ákveðinn öryggisventill í okkar samfélagi. Engu að síður hafa björgunarsveitir sem og Almannavarnir, sýslumenn og fleiri slíkir, ekki síður gott af gagnrýni og umræðu og að mínu viti oft ekki vanþörf á, enda ekki allt eins heilagt og óumdeilt og ætla mætti af viðbrögðum sumra sem hér tjá sig.

Eflaust eru margir innan F4x4 einnig félagar í björgunarsveitum og er ekkert annað en gott um það að segja. Hinsvegar lít ég a.m.k. ekki svo á að F4x4 sé þar með orðið að einhverskonar útibúi björgunarsveitanna frekar en að klúbburinn (F4x4) sé í eigu eða á bandi einstakra bifreiðaumboða.

Kv.
Friðrik

Varðandi flugeldasölu, þá væri ég reyndar alveg til í að setja hreinan pening í björgunarsveitirnar um hver áramót. Einn eða tvo 5000-kalla eða svo, sem ég get verið viss um að fara ekki í innkaup á púðri. Spurning um að setja upp reikningsnúmer sveitanna þannig að sú leið kalli á fólk jafnframt.

Persónulega missti ég áhugann á púðri eftir að hafa sprengt 1.6 tonn af dínamíti í einu lagi(einna stærsta bomban í Sultartanga)…..stjörnuljós eru bara ágæt + flugeldasýningar björgunarsveitanna, en ég vil ekki svíkja sveitirnar af helsta tekjuliðnum…

kkv
Grímur

Það er heldur ekki nokkur maður búinn að tala um það að björgunarsveitirnar séu hafnar yfir gagnrýni. Gagnrýni og gagnrýni er bara ekki það sama. Það verður að vera sanngjörn gagnrýni. Það verður að vera einhver grundvöllur fyrir henni. Og menn verða að hafa vit á því sem þeir eru að gagnrýna.
Og mér finnst mjög hæpið að menn sem eru búnir að fara einu sinni á gosstöðvarnar hafi yfirsýn yfir það sem er í gangi þarna. Eina fólkið sem hefur yfirsýn á það, er fólkið sem er þarna öllum stundum. Björgunarsveitarfólk, jarðfræðingar og fólk úr ferðamannaiðnaðinum.

Svo er annað mál. Ferðaklúbburinn ætti að fara að byrja á því að upplýsa félagsmenn og almenning um það að passa hvar það ekur þegar snjóa leysir. Jarðfræðingurinn Magnús Tumi hefur stórar áhyggjur af þessu þegar fer að vora. Hann vill láta loka svæðinu fyrir umferð vélknúinna ökutækja í vor. Því hann er alveg viss um að "við" jeppamenn munum aka þarna um allt og spóla allt í tætlur utan vega og utan snjólínu.
http://www.visir.is/article/20100409/FR … /924518358

Væri mjög sterkur leikur hjá klúbbnum að gera eitthvað í málinu áður en skaðinn er skeður og líka til að sýna að við erum ábyrgir jeppamenn.

kveðja
Þengill

ég geri mér ekki grein fyrir kostnaðinum við þessa gæslu, en allavega er allur mannskapur í sjálfboðavinnu svo ekki er launakostnaður en Ríkið mun borga 6 millur á dag samkvæmt þessari frétt http://mbl.is/mm/frettir/innlent/2010/0 … todvarnar/

kv Lella sem hlakkar til að sjá GOSSKATT á næsta launaseðli og ennþá meira eftir 2 ár því ég held að þetta gos hætti ekkert á næstunni 😉

vika eða dagur skiftir máli þegar komin eru 2 ár 😉 en annars sorry geri mér enga grein fyrir þessu kosnaði 😉
fannst bara æsifréttamennskan á tímabili komin út í öfgar. En 6. millur á viku í eldsneytiskosnað fyrir staðbundna gæslu er það ekki of mikið ?
kveðja Lella