This topic contains 5 replies, has 1 voice, and was last updated by 
-
Topic
-
Skagafjarðardeildin var með desemberfund sinn í kvöld. Fundarefni var m.a. áform um sameiginlegar ferðir í vetur og verður sú fyrsta væntanlega árleg aðventuferð að Skiptabakka á laugardaginn, þ. 8.12. – Svo eru áform um stóra ferð síðar í vetur, en áætlanir um hana eru að taka á sig mynd. Svo voru sýndar myndir úr ferðum klúbbfélaga frá síðasta vetri og einnig mynd frá Stöð 6 og ferð þeirra félaga um miðhálendið.
Flottur fundur og vel undirbúinn og við óbreyttir þökkum stjórninni okkar fyrir skemmtilegan fund.
-
Replies
-
Gaman að heyra! Stöð 6 ? rosalegur uppgangur er í fjölmiðlamálum þarna í Skagafirðinum…? ég er bara með gufu og svo stöð tvö 😉
Það er náttúrulega alveg sjálfsagt að gera grín að okkur sveitapakkinu. En þú veist nú vel hvað Stöð 6 er, Tryggvi! – Þetta er greinilega gríðarlega skemmtilegur félagsskapur og vel akandi eru þeir, það er ekki vafi, og láta ekki hlutina verða að vandamálum. "Er eitthvað að, Stjáni?" – "Nei, ekkert"
Einn mesti öðlingur sem ég hef kynnst á fjöllum er Óskar bóndi Lc-80 eigandi meðlimur í stöð 6.
Ég biði ekki í það ef allir væru eins og hann þá væri enginn eftir til að rífast við
Eru kannski allir eins og Óskar í skagafjarðardeildinni?Kv. Glanni
Það var gaman að sjá þessar myndir frá stöð 6 og er þetta gerinilega skemmtilegur félagsskapur.
kv
Þórður Ingi
Ég veit ekki hvernig hann fékk þennan disk með ferðamyndum Stöðvar 6 – gæti hugsast að Stefán gjaldkeri, sem er sveitungi Óskars bónda á Steiná, hafi haft þar hönd í bagga. En þetta var satt að segja hin ágætasta skemmtun og ekki var það til að setja mann í fýlu að sjá hvað þeir eru á öflugum bílum. Maður fékk fiðring við að sjá Suburban – Chevyinn á 46" dekkjunum, ellegar 6×6 bílinn hans Gunna Júl frá Sigló. Aldeilis ljómandi. En meðal annarra orða; ég hef fregnað að Ferðafélagið hér ætli að loka Ingólfsskála núna um eða fyrir áramótin. Þau eru að gefast upp á að reka skálann, það fara aldeilis ókjör af gasi þarna innfrá en það kemur smátt í kassann. Ef ég skil rétt, þá verður þarna samskonar fyrirkomulag og er víða annarsstaðar, það verður eitthvert lykilorðakerfi sumsé. Allt í lagi að menn viti þetta því margir koma þarna við og einhverjir gista líka þykist maður sjá.
You must be logged in to reply to this topic.