Flækjur

"Sumar rafeindastýrðar innspýtingar (t.d eldri GM) taka eingöngu mark á snúningshraða þegar skynja að þær eru "staðnar í botni" (með afstöðuskynjara á inngjöfinni) Þá skammtar tölvan magnið af bensíni eftir fyrirfram ákveðinni töflu og styðjast við vélarhita, snúning, og e.t.v lofthita í soggrein"

Hvaða gömlu GM innspítingar ertu þarna að tala um? Ég veit ekki hve Cross Fire innspítingin (CFI) var fullkomin en eldgamla innspítingin sem var notuð á sjötta áratugnun var auðvitað án skynjara.

Ég hef lítið skoðað TBI en er viss um að bæði TBI og CFI hafi verið með súrefnisskynjara en GM var farið að nota hann við blöndunga á áttunda áratugnum.

En TPI frá 85-89 er með súrefnisskynjara og loftflæðisskynjara (MAF). Frá 90-92 var MAF skipt út fyrir mælingu á vacumi (MAP). Ástæða þess var bæði til að spara kostnað og að MAF skynjarinn sem var notaður hamlaði loftflæði (innspítingin var upphaflega hönnuð fyrir 305 cid en var einnig notuð á 350 cid og virkaði vel þar ef vélinni var ekki mikið breytt) þegar mikið var tekið útúr vélunum.

Þeir sem tjúna þessar vélar velja frekar MAP típuna þar sem að það er hægt að breyta forsendum miðað við vacum en erfiðara að komast hjá MAF skynjara sem hamlar loftflæði.

Ég er nokkuð viss um að frá 93 hefur MAF verið notaður, enda þolir hann betur breytingar en MAP.

Þar að auki eru auðvitað hellingur að öðrum skynjurum notaðir, m.a. Throttle Position Sensor.

Það ástand sem lýst er er því eingöngu þegar vélin er að hitna, þegar vinnsluhita er náð þá stjórnast innspítingin af skynjurum.

Það er hinsvegar sammerkt með flestum innspítingum að þær þola ekki endalausar breytingar án þess að fá nýjar forsendur í forritið (með því að prógramera tölvu eða kubb).

Ef þessar flækjur hafa verið við blöndungsvél þá gæti skort staðsetningu fyrir súrefnisskynjarann (hef ekki hugmynd hvar hann er staðsettur á Suzuki). Ef hann er ekki á sínum stað þá fær tölvan ekki réttar upplýsingar.

Ef hann hefur verið á greininni og er ekki á flækjunum, þá gætir þú þurft að láta sjóða festingu fyrir hann. Sumir hafa lent í vandræðum með að hann hitni ekki nóg þegar þeir eru með flækjur (ekki spyrja mig afhverju en þetta er raunverulegt vandamál) og þá er það leyst með að kaupa skynjara með hitara. Hvort þannig skynjari fáist sem þú getur notað veit ég ekki.

En er nokkuð annað en að prófa og sjá hvernig bíllinn vinnur, ef þetta virkar ekki þá er bara að smella gömlu pústgreininni á aftur.

JHG

Þær vélar sem ég er að tala um eru t.d margar GM á milli 1985 og 1990 (TBI/TPI). Ég játa fáfræði mína með nýrri kerfin hvað þetta atriði snertir.

Það er rétt að þær hafa flestar súrefnisskynjara, og notast við MAF (mass air flow) eða MAP (manifold absolute pressure) eftir týpum og árgerðum.

Undir fullri gjöf, þ.e þegar afstöðuskynjarinn á loftspjaldinu gefur boð um slíkt, þá ræðst bensínmagnið sem vélin fær (lengd púlsanna á spíssa) af snúningshraða vélarinnar, vatns og lofthita. Púlstíminn er sóttur í fasta töflu og væntanlega fínstilltur eftir hitastiginu. Upplýsingar frá súrefnisskynjara, og MAF/MAP eru ekki teknar til greina undir botngjöf, og gildir þá einu hvort vélin er heit eða köld.

Ástæður fyrir því að þetta er gert akkúrat svona eru nokkrar, og ég geri ekki ráð fyrir því að ég viti allt um það mál. En súrefnisskynjarar þessara véla voru notaðir sem fínstilling á bensínmagnið og þegar þeir voru inni þá keyrði kerfið í "closed loop" en þá er markmiðið að halda blöndunni sem næst 14.7:1 (massahlutfall). Undir léttu álagi jafnvel enn þynnra eða kringum 15:1. Aftur á móti þá er blandan styrkt nokkuð við botngjöf til að fá meira afl (og kaldari bruna) og fer kerfið í "open loop" við þær kringumstæður. Annarsvegar er það ekki krítískt að stýra blöndunni nákvæmlega undir botngjöf (sparnaður ekki aðalatriðið) en hinsvegar voru á þessum árum vandræði með nákvæmni súrefnisskynjara undir botngjöf. Þetta skýrir af hverju nefndur skynjari fær ekki að vera með í leiknum á þessum vélum undir botngjöf.

Hversvegna MAP/MAF er sleppt líka undir botngjöf skal ég ekki fullyrða um. En trúlega er það einfaldlega vegna þess að það er engin sérstök þörf fyrir upplýsingar frá þeim. Ákveðin vél á ákveðnum snúningi þarf ákveðið bensínmagn þegar hún er staðin í botni, hitastig spilar auðvitað rullu. Hver þrýstingurinn er í soggreininni, eða hversu mörg kg af lofti hún étur á mínútu eru ekki nauðsynlegar breytistærðir. Þær upplýsingar eru ekki svo breytilegar.

Þetta þýðir einfaldlega að þessar innspýtingar svara ekki breytingum á vélinni, t.d er þýðingarlaust að setja flækur, stærri hedd, hærri þjöppu, heitari ás.. os.frv NEMA gera einhverjar ráðstafanir til að auka bensínmagnið samhliða. Kerfið óbreytt tekur ekkert tillit til bættar skolunnar eða meira lofts í gegnum vélina. (við botngjöf)

Þetta atriði gerir það að verkum vélarnar skila oftast fullu afli þó svo að bilun sé til staðar. T.d vinna þessar vélar ágætlega þó að MAP/MAF séu ónýtir, súrefnisskynjarar ónýtir, vélarnar "frjálslega" tengdar ofan í bíla osfrv.

Kv
Óli

En í guðuna bænum haldið áfram… þettar er afbragðs fróðleikur og góð gullkorn sem koma sér vel þar sem ég er í miklum innspýtings-tjúninugnum og hausverkjum þessa dagana… Látiði nú vaða allt sem þið vitið.
Takk strákar
Kv. Einar AK